غرام : روان قاعده ؟
روان : لحظه حنين دشي غرام
غرام : هااي شقاع تسوين
روان : اول شي ليش لابسه شورت وحفر والدنيا بدت تبرد ثاني شي روحي تدفئ ولبسي شي طويل لا اكوفنج ثالث شي قاع اكلم حنين🙄
غرام تعلي صوتها عشان حنين تسمع : اوك كلكم مو فاضين ويع مالت عليج وعليها
حنين ضحكت : ليش ليش
روان : يمه فديت هالضحكه وصاحبتها
غرام : وييييييييييييعععع انا ضروري اطلع الحين
روان : طلعي شسوي
__________________________________________
غرام تتمشي وهي تتحلطم : ويع يعني كل خلق الله مشغولين الحين والنوم حضرته مو راضي يجيني وييييييع
يارا من ورا : هاي
غرام ابتسمت : هايات ها شعندج
يارا : ماكو ادور ربع
غرام ضحكة : لا صج
يارا مسكت ايدها : تعالي غرفتي خنسولف
غرام ابتسمت ابتسامه جي مدري شلون 😂 : اوك يله
يارا دخلت الغرفه : غرام بطلع انا وغدير الساعه سبع شرايج تجين معانا بنروح مطعم
غرام ابتسمت : لا انتو طلعو استانسو انا شموقعي بالإعراب بينكم
يارا قعدت يمها ومسكت ايدها : شدعوه خلصي تعالي معانا عادي اصلا اهي تقولي بتشوفج 😂
غرام : دام جي خلاص اوك
يارا تسولف وهي ترتب الغرفه وغرام منسدحه على السرير :
يارا : ف عشان جي ما احبها تنرفز
غرام : اها بس يعني مدري احسها عاديه
يارا : والله لو تشوفينها وتعطيج بس حصه وحده بتعرفين شلون عاديه
غرام : ليش 😂
يارا قعدت تسولف لها شوي ولا غرام تنام😂
يارا : غرام
غرام ما ترد
يارا راحت تطل ولا غرام نايمه :
يارا : وتضحك على ملاك ههههههههههه
غطتها وكملت ترتيب الغرفه والليت اصلا طافي لان الدريشه شوي كبيره ف الشمس موجوده
__________________________________________
الساعه سبع :
يارا : غرام غرام
غرام : هاااااااااااااا
يارا : بتروحين معانا؟
غرام : لا بنام لان في دب هناك
يارا : اي دب
غرام وهي نايمه ما تدري عن شي : الدب هذاك انخشي لا يشوفنا
يارا : اوك اوك - وطلعت خذت ملاك معاها وقالو حق روان واصلا استأذنو من يدت غرام :
__________________________________________
ملاحظه نسيت اقول لكم في تغير شوي :
الدور الي تحت في جناح كبير حق الجده لانها مريضه وجي ف ممرضاتها وكل شغلها هناك ما تقدر تتحرك والجده طيييييبه وتصير ام ام غرام و وايد تفهم غرام وتحبها اهي و رفيجاتها
__________________________________________
بعد ساعه غرام قامت من النوم :
غرام : وييييي شلون نمت انا - لفت تشوف جم الساعه لقتها ٨ - ويييييي يارا نسيتها معليه معليه
غرام راحت تغسل و تبدل وجي :
غرام : السلام ديده شلونج - وحبت راسها
الجده : تمام يما انتي شلونج
غرام : الحمدلله ايديده ما شفتي وين ملاك؟
الجده : امبلا حبيبتي ملاك راحت مع يارا المطعم وخذو معاهم احمد اخو يارا جا ومرهم
غرام : اها زين ديده انتي الحين زينه؟ شلون السكري
الجده : تمام الحمدلله انتي تعالي شنو فيج ؟
غرام : ما فيني شي ليش
الجده تضحك : هههههههه منو تحبين انتي
غرام توهقت : انا احب وحده حلوه قاعده معاها الحين
الجده ضحكت : هههههههههههههههههههه لا صج منو اهي الي قاعده معاها الحين ؟
غرام : وحده اسمها نوره <اسم الجده
الجده : ما تيوزين عن طبايعج😂😂😂
غرام : شسوي ما اقدر اتخلى عنها
الجده : المهم انت انتي الحين تحبين ولا لاء ترا اعرفج انا
غرام : تبين الصج اي احب🙄
الجده : ههههههههه ومنو عاد لا تقولين لي نور
غرام : هذاك اول لا الحين وحده راح توصدمين اذا عرفتي منو اهي
الجده : منو
غرام : انا احبها بس اهي ما تدري اوك
الجده : اي ؟
غرام وهي تطالع الطوفه : يارا
الجده : حلو جوج انتي ههههههههههه
غرام : والله ايديده شسوي احبها
الجده : اي خو قولي من الاول
غرام : المهم ما علينا شرايج اسوي لج عصير برتقال؟
الجده : اي والله سوي لي
غرام : على هالخشم دقايق - وراحت
