الحلقة الاولى: سميرة ...سميرة.... سميرة:ااه ماما هاني جيت... الام:فيسع فيسع راح الوقت وانت مازلت مفقتيش... سميرة:هاني جيت يا امي افففف ...خرجت من بيتها وهي تلبس في سروالها وتقفل فبه وشعرها مفركش راحت تجري لسالدوبان غسلت وريقلت امورها وامها تعيط عليها خرجت تجري وامها ديرلها في سوندويش باش تاكلو خرجت من غير ما تشرب قهوة ... سميرة بنت في عمرها 15 سنة بنت شابة عايشة هي وامها واختها وخوها وهي اكبر وحدة فيهم بوها مات وامها تاكلة عليها تقري فيها وتتعب عليها المهم انها توصل للي حاباتو تدرس وتتخرج امها تعبت عليهم راجلها مات في حادث على غفلة كانو عايلة بسيطة متواضعين كان بوهم يخدم موضف في شركة صحيح انهم ماهمش اغنياء وعلى قد الحال المهم عايشين وهانيين ...سميرة بعد مامات بوها وهي تكبروتزيد مسؤوليتها على دارهم على امها وخواتها صغار ..حبت تقرا وتتخرج وتنقص على امها ...مي مزال طريق طويل على هذا الكل ..هذا العام جوز الباك هي تلميذة مجتهدة وخطيها الخلاط ومتحبش تعمل صحاب ومتأمنش بالحب عندها حلم وعندها طموح تحب تحقو في اقرب وقت ....
