هو شافها وهو تخبا عارف اذا شافتو ممكن انها ترجع للدارهم ...سميرة من نوع الي تخاف على روحها وعمرها ما جربت الحب كانت تسمع بيه في افلام الهندية ولا مكسيكية وكانت كل متشوفهم تشبع ضحك عليهم ... بعد مخرجو من البيت لتمو عايلة نور وجدو خيمة تاعهم وقعدو مقابلين البحر نور عايلتهم متفتحة كانت عايلة نور لباس بيهم خوها كبير العايلة يخدم مقاول وبوها مدير تع بنك عايلتها لباس عليهم ...نور نحات روبتها وقعدت بلبيكيني وسهام محبتش تعوم ..بلال قاعد يتبع فيها بعينيه ويشوف فيها ..وصاحبو شلق بيه... -هههه راك كليتها بعينيك يا صاحبي هههه.. بلال قحرلو:وانت واش مدخلك ... شاف فيه صاحبو وقعد يضحك عليه ... بلال:خلاص يزي من بلادتك اففف ...كفاش نعمل يا ربي مقدرتش نصبر عليها حاب نحكي معاها حاب نقوللها الي هي حبي وعمري وحياتي ودنيتي ... -هههه والله راك خير من نزار القباني ...وانت ملقيت غير هذي مفهمتش واش عجبك فيها.. بلال بعد مسمعو جبدو من تريكوه:بلع رب فمك ومتزيدش تحكي عليها... صاحبو بعدلو يديه ...:بشوية عليك ...يا صاخبي هي مطفياتك وانت قاعد تدابز فيا على جالها .. بلال:اففف انت واش يفهمك في الحب ..ياسيدي انا قلبي رايدها وحابها واش دخلك انت نحبها ونحب نكمل حياتي معاها انت تشوف في وجها اما انا نشوف في اخلاقها وحشمتها...عام وانا نتبع فيها ومطاحتليش ..هي طفلة متربية وانا حبيتها على اخلاقها...هي صغيرة مي عقلها كبير خلاني نحب عليها ... سميرة كانت صغيرة اما بدنها كان اكبر من سنها وكانو عينيها فلون الاخضر وغطيتهم بنضارات وشفافها غوز ومليانين خدودها حمر كلوردة وعينيها كبار وكل حاجة مرسومة فيها بلال كان يشوف فيها وطابعها في مخو كل حاجة فيها وكل تفاصيل الي فيها كان يعرفهم ...هو كان يشوف فيها هو الي كان عارف زينها الي مخبياتو تحت ملابس عادية وزينها الي من غير مكياج ومن غير حتى كحل عارفها الي هي زينها يقتل وكان من قوة حبو ليها كان يشوف في زينها وحدو ...صحابو كل مرة كانو يقولولو وش عجبك فيها وهو مقتنع بيها ..... بلال عمرو 20 سنة عينيه نوازات كبار يقتل بزين ....بلال بدا يحب فيها بعد ما شافها فلحومة سميرة عندهم عام ملي جاو سكنو جدد بعد مرحلو من دار القديمة بوها كان كاري في دار ومولاها بدا يعلي في سعر خرجو منها وحوسو على دار اخرى ولقاوها في هذي الحومة الي عايشين فيها دار فيها زوز بيوت وكوجينة دار متواضعة ...وبلال كان من عايلة لباس بيها كان يخدم مع بوه في فبريكة تع صبابط بلال مكملش قرايتو كان بوه محتاجو باش يعاونو وهو كبير في العايلة تاعو كانو عايلة لباس بيها يعني غنية ...بلال حب سميرة وكل يوم يزيد يتعلق فيه
