كنت_مدللة _وبعدها...

البارت 3

#كنت_مدللة_وبعدها ....
البارت _3

،،،،،،،،،،،،،،،،،،،،بقلمي رزان باسم،،،،،،،،،،،،،،،،،،،،،،،

نور.....صاح بيهم بابا وكللهم اسكتو....طبعا الكل سكت وكملنا الغدة ونظفنا اني وزوجه محمد وحنان لان احنا مقسمين الشغل وبعد الشغل رحت لغرفتي ودرست من خلصت دراستي نمت وكعدت الصبح غيرت ملابسي وصلني بابا للمدرسه اول مدخلت سلمت على شمس انوب دخلت المدرسه وامتحنا وبالفرصه نطلع اني وشمس ندردش طبعا استمرت الايام وعلاقتنا تزداد وصارت شمس اعز صديقه عني وهي نفس الشي وصارت اسرارنا سوه وحدة متضم على الثانيه الى ان اجت الامتحانات وظليت بفترة المراجعه حابسه نفسي بالغرفه من اجت الامتحانات امتحنا وطلعت معدل 89وشموسه 93خوش معدلات طبعا بابا كولش فرح وسوالي حفله صغيرة وجابلي موبايل وكال لاخواني ولانسوانهم مالهم دخل بيه وطبعا احنا عدنا شبكه ودخلي الرمز وكلي اني واثق بيج ثقه عميه اني من كلي هيج ارتاحيت. طبعا من جنه ندرس انطتني رقمها وكلتلي من ابوج يشتريلج الموبايل والخط هذا رقمي احجي ويايه واني كبل سويت برنامج فايبر وراسلتها ونصبت عليها
نور...مرحبا
شمس....منو ويايه بلا صغرة
نور...ضحكت من كالت هيج كلت بكلبي هاي متنطي مجال كتلها شخص معجب
شمس...لعد حتاكل بلوك باي
نور...من كلتلي هيج كتلها لج يمعودة اني نور
شمس...ههههههههههههععهه
نور....ووجع شبيج متنطين مجال
شمس...احسن غير اهلي واثقين بيه
نور....فديتها للحبابه
شمس...لج عوبه مشتاقتلج موووت
نور....والقران مو بكثري
شمس...عندج حساب فيس
نور...يمعودة وين اعرفله خلي يولي اخواني دائما يكلولي بس مشاكل
شمس....اذا استخدمتي صحيح متوكعين بالمشاكل
نور...ليش انتي عندج ?
شمس...اي بس ابد ما اضيف ولد ولا احجي ويه ولد والي يدخلي خاص كبل حظر وبس بنات بي
نور...احسن الج <
شمس...شنو رائيج اسويلج حساب لان اني اكثر وقتي بالفيس مو بالفايبر
نور...هااا لا ما اريدة اخاف
شمس....لج اني اعلمج عليه سهل كولش بس شنو اذا تستخدمي لازم بعقل
نور....والله الصراحه اتمنى اشوفه شنو الفيس
شمس...اوك لعد راح ادزلج الخطوات وانتي سوي
نور....اوك
شمس...رسلت الخطوات لنور
نور...دزتلي الخطوات وصدوك نزلت الفيس وسويته اول طلب انطتني هي شمس وبعدين كامن يجن طلبات اهوايه بس البنات اوافق عليهن الولد كبل انطيهم حضر
ظليت هيج وبس احجي ويه شمس حتى اكو بنات يدخلن خاص ما احجي وياهن الى ان اجه يوم وخلوني بكروبات هوايه واكو كروب بي شباب وبنات كوله نشر صور اني مجنت اعرف انو هذا ادمن الكروب دخلت على حسابه وشفت صوره يعني كولش حلو ومرتب وبعدين خرجت بس. انطي اعجاب للمنشورات ابد ما اعلق
فد يوم كاعده دا اتصفح الفيس وجان تجيني رساله على المسنجر .......
----------------------------------------------------<br>
يتبع...
للكاتبه (رزان باسم)