انتِ ملكي🍂

part1

نتعرف على الشخصيات

اريج( عمرها ١٩ متزوجة من سنه حركاتها تميل لحركات العيال قاصه بوي تدرس ثالث ثنوي لانها سحبت سنه لما تزوجت وهي ساكنه بالشرقية )
مشعل (عمره ٢٥ هو زوج اريج وسيم  وهو فله ويحبها مررا لدرجه انه ممكن يضحي بنفسه عشانها )
هذي الشخصيتان الرئيستان في القصه والشخصيات الباقيه تتعرفرن عليها مع الأحداث

نرجع قبل لا يتزوجون اريج ومشعل
يعني قبل سنه
وقتها كانت اريج في ثاني ثنوي ومشعل اخر سنه جامعه

اريج بالمدرسه  كانت تمشي هي وصديقاتها في وقت الساحة ينتضرون نتائج النصف الاول 
اريج :اخ انا طفشت من ذا المدرسه شكلي بفصل وارتاح
ريم : ترا تعبتينا نفس الكلام الى تقولينه كل يوم
منى : ايه والله زهقنا هنا بعد منك افصلي وريحينا
اريج وهي تطق منى مع ضهرها :لا انا الى مييته علييك
منى :ايه ميته على اصلا واضح من شكلك
اريج :أقول اسكتي ولا يكثر هرجك اليوم نتايج الفصل الاول تتوقعين كم تجيبين
منى:١٠٠٪‏ أكييد
اريج :ههههه انتى وجهك مو وجه مييه من مييه
منى :لا عاد انتى الى وجهك وجه مئه من مئه انتى خمسين وتخب علييك
ريم :يلا عاد انتى وياها فكونا من هواشكم وأمشو بيبدأ توزيع النتائج
منى وأريج :يلا
وراحو وكل وحده استلمت نتيجتها
كلهم ترجاتهم زيينه الا اريج
منى:الله وناسه انا ٨٧ اول مره أخذ كذا
ريم : وانا بعد درجتي زينه٩٣
اريج:لاااا انا الوحييده الى ماخذه ٥٦ امي وأبوي بيذبحوني اذا درو
منى :الا صح وش بتقوليلهم اذا هاوشوك
اريج : بقول ان شاءالله الترم الثاني أحسن
ريم :يلا انا لازم اطلع اريج بتطلعين معي ولا بجيك سواقكم
اريج :لا لا بروح معك

طلعو اريج وريم وراحو لبيتهم (بيوتهم جمب بعض )
وصلت اريج البيت ودخلت كان البيت هادي وهي كانت تتسلل عشان تروح لغرفتها من دون مايشوفها احد وسالها عن نتاجها وصلت لغرفتها وجت بتفتها بهدوء الا وسمعت صوت ابوها ورآها يقول:اريج بشري كم نتيجتك
اريج لفت وخبت النتائج ورا ضهرها وقالت :هلا يبا اخبارك طيب لا ابد نتيجتي زينه تسعين
ابوها عبدالله: انتى وشفيك تتكلمين كذا كن لك شهر ماشفتيني ترا اليوم موصلك المدرسه ويلااا وريني النتيجه عشان أتأكد
اريج : افا يبا متصدقني بنتك
عبدالله:انا ماقلت أني ما اصدقك بعدين ليش مرتبكا عطيني النتيجه
اريج عطت ابوها النتيجه ودخلت عرفتها بسرعه وسكرتها الا شوي وتسمع صوت ابوها يصرخ :ارييج لييش كذبتي علييي وش هاذي النتيييجه الى تفشل افتحيي الباب
اريج فتحت الباب ونزلت راسها وقالت:يبا اخر مرا ان شاءالله الترم الثاني أزين
عبدالله:انا الى قاهرني لييش كذبتي علييي لو قلتيلي كان خففت العقاب بس الحين بعاقبك زياده 
اريج:يبا انتِ قلتها بتاقبني عشان كذا كذبت
عبدالله :يعني لوكذبتي ماراح ادري وأعاقبك
اريج:طيب طيب قولي وش العقاب
عبد الله :طول العطله النصفية مافيه طلعه من البيت حتى صديقاتك مايجونك هنا
اريج:لا يبا تكفى توبه
عبدالله :هذا عشان ماتكذبين مرا ثانيه

جت ام اريج(مها) :وش فيكم وش ذا الصراخ
عبدالله :خذي شوفي نتائج بنتك الم تفشل ولا فوق هذا كله تكذب علي
اريج:يما تكفين قولي لبوي يخفف العقاب شوي
مها:يبو ماجد مايحتاج هذا كله تراها توها صغيره وغلطت وماراح تعيدها
عبدالله :وانا عاقبتهاعشان ماعاد تغلط وبعدين بنتي وحر فيها كيفي
ثم راح لغرفته  عشان يرتاح  شوي
وأريج دخلت غرفتها وهي معصبه وقافلة معها
ومها ام اريج انزلت المطبخ تجهز الغدا
_______________________
نعرف الشخصيات الجديده
ريم صديقه اريج من الطفولة (
عبد الله (ابو اريج وعمره ٤١ سنه يشتغل مدير لمدرسه متوسطه وهو يعصب بسرعه بس اذا روق يصير فله )
مها(ام اريج عمرها٣٨سنه تشتغل مرشده طلابية لمدرسه ابتدائيه هي حنونه ونادرا ماتعصب)
وفِي اخو لاريج اسمه ماجد(عمره ٢١ اكبر منها بسنتين هو حاليا في كندا يدرس لغه وبرجع بعد سنه شعره اسود وعيونه عسليه ووسيم  )
_______________________
نرجع عند مشعل في بيت أهله
مشعل وهو ينزل من الدرج:صباح الخير
ابو مشعل محمد :صباح النور مادا ومت اليوم
مشعل :لا عندي اف
ام مشعل نوره: هلا يا ولدي تعال أفطر معنا
مشعل وهو يجلس على طاوله الاكل : طيب يما
بِسْم الله   وبدا يأكل ثم جته رساله من خويه حمد يقول انه يبي يجتمعون في الاستراحة  خلص مشعل اكل ثم قام :الحمد لله يبا ترا بطلع عند اخوياي في الاستراحة
محمد:طيب ياولدي بس لا تتأخر
جت اخته  من المدرسه مي:صباح الخير
الكل :صباح النور
نوره :هلا يابنتي كم نتيجتك
مي :تسعين حلوه صح
محمد: ايه يابنتي حلوه
مشعل : وش ذا النتيجه الى تفشل صدق ماطلعتي علي انا يوم أنى كبرك كنت اجيب مئه دائماً ولا عمري نقصت درجه
مي:اول شي ما طلبت رايك ثاني شي كذاب كنت تجيب ٧٠ وتحت  مدي كيف دخلت ألجامعه ولا تكذب مرا ثانيه ترا الكذاب يروح النار يابابا
مشعل:أقول طيري وراك بس انا بروح ماني فاضي أتهاوش مع ذي الأشكال
نوره:هههههه انتو لازم تتهاوشون كل يوم
مشعل:هي الى تبدأ
مي:كذاب يما شوفيه يكذب
نوره:مشعل عيب الكذب بعدين حنا نشوفك ان الى تبدأ دائماً
مشعل:خلاص طيب ماني كاذب مرا ثانيه ومع السلامه بروح
الكل :مع السلامه
طلع مشعل وتوجه للاستراحة عشان يقابل خويه حمد  وصل  وأول مادخل:السلام عليكم
حمد وعادل :وعليكم السلام
حمد:ليش يبو الشباب تأخرت
مشعل:تهاوشت مع الغثيثه اختي
عادل:أكييد انتِ الى بادي
مشعل:لا هي الي بدت تقول أني كسلان وما اذاكر
حمد:الله اعلم انا أعرفك زين هههه
عادل :الله يعين اختك علييك هههههه
مشعل :اذا كنت تبي تعينها تزوجها فكني منها هههه (غمز له)
عادل:امحق اخو ينطل اخته على الدشيره
مشعل:يعني تقول انك داشر هههه
حمد:ههههههه
عادل :اولا ماقلت أني داشر ثانيا مافي شي يضحك

وقعدو يلعبون بليس تيشن ويطقطقون على بعض
_______________________
نتعرف على الشخصيات الجديده
محمد ابو مشعل(عمره ٤٩سنه  يملك شركه خاصه وهو من النوعية الصارم)
نوره ام مشعل(عمرها ٣٩ سنه تشتغل مديره روضه أطفال هي حنونه مرا )
مي أخت مشعل الصغيره(عمرها ١٩ تحب تتهاوش مع مشعل وهي فله شعرها يأصل لنص ضهرها عيونها تميل لرصاصي  وهَيِ جمييله )