مصطفى.ايوه😒
مي.انت فين
مصطفى.نعم ياهانم
مي.ايه ماسمعتش،انت فين
مصطفى.ف المستشفى يا مي
مي.وانا اتاكد منين انك ف المستشفى😬
مصطفى.انتى اتجنتى يا هانم؟؟؟ايه اتاكد ازاى دى ،انتى ايه نسيتي نفسك
مي.اثبتلى انك ف المستشفى
مصطفى.😨انتى مجنونة رسمي
مي.ابعتلي صورتك ف المستشفى علشان اتاكد
مصطفى.شكلك رايقة وعايزة خناقة تظبطك ،احترمى نفسك يامي بدل ما تحلى ليلتك سودا ،وانتى عارفة
مي.تبقى مع واحدة م الاشكال اللى تعرفها علشان كده مش راضي تطاوعنى
مصطفى.ايوه يا مي مع واحدة غيرك ،واعلى ما ف خيلك اركبيه
مي.انا يا مصط.....الو ،الو ،قفل ف وشي 😬ماشي يا مصطفى
___________
عبلة.يلا يا سارة بقينا العصر ،قومى البسي علشان خطيبك لما يجيي
سارة.مش هلبس،هطلع بالعباية
عبلة.طلعت روحك،قومى البسي يا بت ،اتعلمى من اختك حاجة،هتطفشي خطيبك
سارة.ياريت والله يطفش،قلت لك يا ماما مش عايزاه وكل يوم بقولها مش عايزاه،مش طايقاه،مش عارفة هعيش معاه ازاى
عبلة.هتعيشي معاه زى اى اتنين متجوزين،وبكرة ياختى اللى مش طايقاه ده،مش هتطيقى بعده
سارة.اشك 😒
عبلة.اما نشوف😏😏
بعد المغرب دخل البيت بيومي وهو بينادى
بيومي.يا حجة انتى فين
سارة.بابتي حبيبتي
بيومي.اهلا اهلا بالاستاذة سارة ،فين امك واخواتك اومال
سارة.ماما ف المطبخ سمر بتلبس علشان خطيبها ،وياسر وحامد لسه بره
بيومي.وانتى مالبستيش ليه والا خطيبك مش جاى
سارة.لا جاى😒
بيومي.مالك يابنتى مش قابلاه ليه،انتى شفتى منه حاجة غلط
سارة.لا يا بابا(هقول لابويا بصته غلط ،هيقولى بتحجج)
بيومى.سرحتى ف ايه
سارة.ولا حاجة ،يا ماماااا
عبلة.عايزة ايه
سارة.بابا جه
بيومي.ماهى سامعة ،بس بتستهبل😂
عبلة.وهستهبل ليه ياخويا
بيومى.ياولية بهزر ،ده انتى نكد
سمر.حلو كده😁
سارة.😨😨طقمى يا متخلفة ،اخلعيه
سمر.لا مش هخلعه
سارة.ياسمر ده انا لسه مالبستوش
سمر.ايه رايك يا بابا
بيومي.جميل يا سمر
سارة.اخلعيه ،يا بابا
بيومي.خلى اختك تلبسه،انا اللى بجيب يبقى ماحدش يتكلم خالص😬
سارة.يا بابا ده لسه جديد😬😭
بيومى.وفيها ايه يعني،انتى واختك واحد
سمر.😛
سارة اتعصبت ودخلت جرى لاوضتها وبعد شوية الباب خبط
بيومى.اهلا وسهلا يابنى
رامي.ازيك يا حج😊
بيومى.انا كويس يابنى،ازيك وازى العيلة
رامى.بيسلموا على حضرتك
سمر.سلام عليكم
بيومى.تعالى يا سمر ،انا هقوم اشوف اخواتك
رامى.ازيك يا سيمو ،وحشتيني
سمر.انت كمان والله😳
رامى.حلو الطقم اللى انتى لابساه ده اوى
سمر.ايه رايك،نزلت اشتريته مخصوص علشانك
رامى.ده انا غالى بقى
سر.اوى،هتوحشنى اوى على فكرة
رامي.هانت يا حبيبتي،انا هسافر بعد بكرة اظبط الشقة وهاخدك ونسافر
سمر.ياريت
سارة.اهلا يا رامي
رامى.ازيك يا سارة،ايه ده مالك
سارة.مفيش😒
رامى.مالها سارة
سمر.سيبك منها
بعد شوية خبط الباب وكان حاتم
حاتم.ازيك يا حبيبتي
سارة.ازيك يا حاتم
حاتم.مالك يا سو ،شكلك زعلانة اوى
سارة.مفيش حاجة،انا زى الفل😊
حاتم.بقولك يا سارة،عايزك تبقى تيجي معايا علشان نشوف الشقق
سارة.لوحدى؟
حاتم.اومال هنروح شلة،انا وانتى نلف نشوف شقة حلوة كده نأجرها بقى
سارة.ابقى قول لبابا
حاتم.ما انتى عارفة مش هيرضى،قوليله انتى
سارة.حاضر😡هو فين حامد
حاتم.حامد😏
_
يمنى.😕
حامد.مالك يا روح قلبي
يمنى.مالى؟،انت مش عارف احنا عملنا ايه
حامد.انا ماعملتش حاجة😏ما انا رحت اتقدمتلك ورفض
يمنى.ماعملتش حاجة؟انت ضيعت مستقبلي
حامد.ماتكبريش الموضوع بقى
يمنى.ما اكبرش الموضوع؟صحيح وانت يهمك ف ايه،عملت المصيبة ولو حصلت فضيحة،انا اللى هتفضح
حامد.فضيحة ايه يابت،الكلام ده ف الافلام،انا هتجوزك،احنا عملنا كده بس علشان نضمن انك هتبقى ليا لوحدى
يمنى.يعني مش هتتخلى عنى يا حامد
حامد.ماتخافيش يا حبيبتي 😘قومى بينا يلا اوصلك بيتكوا
يمنى.لا،انا هروح
بعد يومين كانت الحياة ماشية زى ماهى مفيش اى جديد
هدى.محمد ،انت يا حيوان
محمد.نعم يا ماما
هدى.تعالى اترزع ادامى عايزاك
محمد.خير
هدى.جايبالك عروسة زى القمر واحلى كمان
محمد.عروسة💔بس انا مش عايز اتجوز يا ماما
هدى.كل ده علشان بنت الحداد
محمد.😏مابلاش تريقة يا حجة ،ما بابا الله يرحمه كان ميكانيكى
هدى.انا مش بتريق وماتركبنيش غلط ،وبلاش تتوه الكلام وبصلي
محمد.عايزة ايه
هدى.عايزة افرح بيك يابني ،نفسي اشوفلك عيل قبل ماربنا ياخد أمانته
محمد.بعد الشر عليكي يا ماما،انا مش عايز اتجوز ومش علشان حد ،سمر زى اختى وبس مش اكتر من كده ،انا مش عايز اتجوز علشان شغلى
هدى. وبعدين انت عرفت منين ان قصدى سمر مش سارة 😒ده كلام فارغ ،اعمل حسابك هتيجي معايا بكرة بالليل تشوف العروسة دى
محمد.طيب اسمها ايه
هدى.اسمها ضحى ،مدرسة العاب وزى القمر
محمد.ربنا يسهل 📲📲📲📲
هدى.خليك قاعد هنا اما ارد
محمد.هو حد قالك انى هقوم أجرى
هدى.عليك لسان ،عايز قطعه
محمد.😁😁😁😁
هدى.الو .....مالك يا بنتي ......هبعتلك اخوكى دلوقتى
محمد.😒😒اخوكى
هدى.يا محمد
محمد.جوزها متخانق معاها وضاربها وعايزانى اروح اجيبها،موال كل مرة
هدى.اللى تبقى تتكسر ايده
محمد.قلت لها أطلقها منه،هى قالتلى بحبه وماقدرش استغنى عنه وانتى قلتيلي شكلنا ادام الناس،اشربوا بقى😒
هدى.بتعايرنا يا محمد
محمد.انا نازل بدل كلامك اللى يحرق الدم ده
_______
ياسر.والله بحبك يا ندى
ندى.هو علشان بتحبنى تبقى عايز تتجوزنى عرفى
ياسر.ما انا لسه ف سنة اولى جامعة،فاضل اربع سنين واخلص وادخل جيش ،تكونى اتجوزتى وعيالك دخلوا المدرسة
ندى.برضه يا ياسر انا مش هغضب ربنا علشان بحبك
ياسر.هو فين غلط ربنا ده،احنا هنتجوز
ندى.الجواز اساسه اشهار ،وانا مش هعمل حاجة من ورا اهلى
ياسر.يعنى ده اخر كلام عندك يا ندى
ندى.ايوه ،عن اذنك ،وياريت ماتكلمنيش تانى 😥وفكر أن اللى بتعمله ف الناس هيطلع ف اهلك ،سلام😔
ياسر.طارت المصلحة
______
