من الاخر...
أغلبنا اتربي علي قصص و اساطير سندريلا و الاميرات... واتزرع فينا بشكل ما ان الحياة السعيدة او الhappily ever after هتحصل لما مشاكلنا تنتهي بمعجزة... ونلاقي الامير الجامد اللي نقع في غرامه... و نتجوز و نعيش عيشة فل... و توتة توتة خلصت الحدوتة! كل الكلام ده كلام جميل كلام معقول و ما اقدرش اقول حاجة عنه.. لكن للاسف مالوش اي علاقة بالواقع! الواقع ان سر العيشة الفل هو السؤال الحير الملايين.. السؤال اللي هنجاوب عليه من خلال صفحات الكتاب... السؤال اللي لو معندكيش اجابة عليه يبقي انتي غالباً ماشية في مسار غلط عشان توصلي مكان انتي مش عايزة تروحيه.. يبقي انتي عايشة زي ما المجتمع بيقولك و خلاص.. بتدوري علي السعادة و النجاح في حدود القالب اللي مجتمعك حطك فيه، سواء كان اسمه كليات القمة أو العربية الشيك او الجوازة اللي "شكلها" حلو و خلاص... مشدودة بين البيقولك انك دورك في الحياة انك تتجوزي و تخلفي و بس.. و بين البيقولك اتمردي علي الرجالة كلها بلا وجع دماغ!
ايه هو بقي سر العيشة الفل؟ موضوع مش للبنات بس
{هبة السواح}
تقييمي:10/10
أنت تقرأ
Rate books
Randomالكتاب ده لكل البيحب قراء الكتب الكتاب ليه اهداف كتير 1-نعرف الكتب حلوة و الكتب الوحشة 2-الكان محتار في كتاب و عايز يشتريه يقدر يعرف اراء الناس الفي سنه و قروا الكتاب من خلال الكمنتات 3-العايز يكتشف كتب جديدة كمان هتناقش في الكتاب يعني انا هجيب ال...
