ميرنا: و لما بصيت ورايا شفت حاجه انتى نفسك صعب تتخيليها حاجه ترعب و تنشف الدم فى العروق
ساره: ازاى يعنى ايه الى كان وراكى؟!
ميرنا: الجن الى حضرناه
ساره: و كان شكله عامل ازاى؟
ميرنا: كان حاجه طويله اوى راسه كانت لامسه السقف و معندوش شعر و شكل جسمه غريب زى ما يكون محروق او عنده بهاق و عنيه مقلوبه و ايده طويله واصله لحد ركبته وكان لابس حاجه زى الخيش و كانت ريحته عامله زى النار زى ماتكونى مولعه فى حاجه ..
ساره: طب ماصرختوش ماعملتوش حاجه ماجرتوش؟
ميرنا: لا شكله كان كافى انك تفقدى النطق تماما بعد كده ميل عليا و حط وشه فى وشى و قالى: تحت امركم...
انا من رعبى بدات ارجع لورا و اول ما وصلت جمب صحابى باقى الشموع انطفت و بقيت الاوضه ظلام تام وبعد دقيقه نور الاوضه نور لوحده و لاقينا الجن قاعد على الكرسى بس شكله كان عادى بنى ادم زينا مسرح شعره و لابس بدله .. شكله شاب فى الـ 30 و لاقيته بيقولنا: مش كده احسن شكلكم كنتم خايفين منى
شيماء: انت مين؟؟
رد و قال: انا هو الروح الكامله سيد العالم و من حوله
بعدها بصينا لبعض بس هو كان مركز اوى مع شيماء
ساره: ليه يعنى؟
ميرنا: شيماء الوحيده الى جتلها الجرئه انها تساله انت مين
ساره: و بعدين حصل ايه؟
ميرنا: بعدها سالناه عايز مننا ايه
رد و قال: انتم الى عايزنى شميت ريحه احتياجتكم و فلبكم ليا بينادينى يلا اطلبوا انا تحت امركم بس قبل ما تطلبوا انا ليا طلب..
طبعا كل واحده فينا الشيطان كان لاعب فى عقلها اوى كل واحده فينا كان نفسها تحقق كل الى نفسها فيه كل ده خلانا من غير تفكير نوافق على طلبه من غير حتى مانعرف ايه طلبه
ساره: ياااااااااااه للدرجه دى
ميرنا: كل واحده فينا طلبت كل الى كان فى نفسها و هو نفذ و بعد كل واحده فينا شبعت من احتياجتها كنا لازم ندفع الثمن
ساره: و كان ايه التمن ده يا ميرنا؟
ميرنا: فى يوم اتجمعنا كلنا عندى علشان نصرف الجن او الى احنا كنا مفكرينوا جن
ساره: نعم ازاى لا مش فاهمه يا ميرنا ازاى مش جن؟
ميرنا: الى حضرناه كان ابليس كان ابليس نفسه و احنا ماكناش عارفين بعدما اتجمعنا و رسمنا دائره الموت و مسكنا ايد بعض و بدانا نقرا الطلاسم بعد ما نطقنا اول كلمه ظهر ابليس بس كان لابس لبس غريب زى لبس الامراء بتوع روما زمان ولابس تاج عليه رموز جماجم و بشرته بيضه زى لون الثلج لدرجه اننا ماكناش شايفين ملامحه ماكنش باين غير عيونه و لاقيته بيقولنا: اتفق
الي يخلص يكتب رائيه ف القصه عشان يوصله الجزء التالت
يتبع
رايكم يهمنى
