روايه مايجي من بعد الكره الا المحبه

١

بسم الله نبداٲ

♥((البااااارت الاول ))♥

في صباح يوم جديد الساعه 7:30.
ام احمد:منار يالله قومي تٲخرتي على الدوام.
منار:هممممممممم.
ام احمد:منار تسمعيني.
منار:نعم يمه،دقيقه انتي روحي وانا شوي وٲنزل.
ام احمد:إي يصير خير،بتقومين ولا ٲصحيك بطريقتي الخاصه.
منار:.............•
ام احمد بخبث:طيب خوذي راحتك بالنوم وانا رايحه.
وطلعت ام احمد من الغرفه،طبعاا منار فرحت انها طلعت،ويافرحه م تمت،،شوي إلا ام احمد راجعه بقلاس ماء بارد وكبته عليها شوي إلا منار قامت مرعوبه.
منار:آآه وش ذا،،،،،ليكون تحدي ثلج وانا م دريت.
ام احمد وفيها الضحكه:ٲحسن ٲجل ٲصحي ،صرتي وش كبرك ولين الحين ڪانك بزر(طفله )،،شوففي تراك تاخرتي على دوامك.
منار:آآآه يمه العمر يخلص والدوام م يخلص.
ام احمد وهي طالعه:يلا يلا بلا ڱثره حڱي ،،ٲهوه قومي يالله.
منار استلمت للامر الواقع ،خصوصاً ٲنها كارهه الدوام بالشركه اللي هي فيها،،بسبب غرور مديرها وٲنه دوم يتقصد ينرفزها ويعاندها وهي دائماً يكون لها نصيب ٲكبر بالشغل والمهام اللي يكلفها بيهن،،تنهدت وقامت اخذت لها شور،،وتجهزت ونزلت. .
ام احمد جالسه بالصاله تتقهوى.
منار:السلام عليكم يمه..وراحت حبت راس امها.
ام احمد:وعليكم السلام والرحمه،،تحبين الكعبه ان شاءالله.
منار:امين،،يمه وين ابوي واحمد وسويره.
ام احمد:ٲبوك واحمد راحو من بدري للمصنع عشان يستلمون بضاعه الالات،،وساره طلعت مت بدري للمدرسه.
منار:اف مشاءالله الكل رايح من بدري.
ام احمد ناظرتها بنص عين:على الاقل احسن منك ياخيشه النوم،،ٲبد فيك ولا كٲني اصحيك.
منار بضحكه:يمه الله يهداك البارح طول الليل وانا اشتغل بالملفات ،
،ثم قالت بحقد:بصراحه هذا مديرنا المغرور والمتكبر واللي شايف نفسه والمتسلط مكلفني اقضي هالملفات.
قاطعتها ام احمد:بس بس بس ياڱثر حنتك ،اهوه يالله روحي لدوامك تااخرتي.
منار:لهدرجه منتي طايقتني ولا طايقه الجلسه معي،،ع العموم انا رايحه،،يالله مع السلامه ،،وراحت
-------------------------------------------------------------------------•
~~نعرفڪم على عائله ابو احمد~~

*ابو احمد:سلمان 46سنه،يملك اكبر مصنع لصنع السجاد والاثاث المنزلي،طيب وحنون بس وقت الجد يكون صارم وم يتراجع بقراره،،وليه هيبه وشخصيته قويه. .

*ام احمد:نوره40سنه،تدير مشغل ،تهتم حيل لمضهرها ودائماً تواكب الموضه اول باول ،حنونه ومافيه احد منها على عيالها وزوجها،متفهمه دائماً تحسس بناتها انها صديقتهن مو امهن.

*احمد:25سنه يشتغل مع ابوه بالمصنع ،رشحه ابوه بإداره الفرع الجديد للمصنع بالدمام ،وسيم ،فيه كل مواصفات اللي تحلم فيها اي فتاه،،ملامحه تجذب الشخص ليه.

*منار:22سنه،عنيده وحساسه لدرجه ان صديقاتها ملقباتها بٲم دميعه،،جمالها لا يقاوم ،،تشبه رؤى الصبان،،ذكيه متقنه لعملها.