نرجع لابطالنا بالغابه.
راحت تجر خطاويها بصعوبه يوم اتضحت لها الرؤيا او بالاصح عرفت مصدر الصوت لاكن انصدمت باللي شافته.
صرخت من غير شعورر : يمااااااااااااااه.
#اكيد عرفتوها بطلتنا منار،،شافت راكان متمدد ومتجهات لجهته عناكب شكلها غريب ومخيفه باينتها عناكب سامه.
بهاللحظه ماأ ثقدر اوصفلكم شعورها ،،اهي مو مستوعبه اهيا فين ولا المنظر اللي تشوفه قدامها هل هو حقيقه ام حلم.
كل اللي تعرفه واللي متذكرته انها نجت من انفجار الطائره،،بس مستحي لا يكون راكان ميت وقعدت تبكي ودموعها مغطيات وجهها.
منار : يارب ساعدني يارب ماعرف اتصرف يارب.
بحثت لها عن حجر عشان تقتل العناكب بس ماحصلت.
اضطرت انها تفصخ حجابها وراحت ركض تبعد العناكب عنه بس الصدمه انهن بدن يصعدن بحجابها،،صرخت وحذفت الحجاب بعيد عن مكانهم.
ثم اضطرت تبحث مره ثانيه،،وطاحت عينها على خشبه ،،اخذتها وبساع راحت تقتل العناكب وفعلاً بفضل الله قدرت عليهن .
طاحت من طولها على الارض ،،بعد هالمجهود اللي بذلته وقعدت عشان تستوعب اللي قاعد يصير ،معقوله انا بحلم.
اااااه ياربي،،،وقعدت تبگي،،بعدين تذكرت راكان راحت لمكانه تتحسس نبظه وفعلاً كان فيه نبض.
مسحت على شعره وهي مو مصدقه اللي يصير.
ماتدري كيف تصحيه قعدت تظرب خدوده على خفيف عشان يصحى لاكن لا مجيب،،آآه ياليتني مت مع اللي ماتوا ولا اقعد اتعذب ،،
راكان اللي كانت ماتطيق وجوده ولا تحمل كلامه الحين تتمنى لو يصحى لو يتكلم اي شئ اهم شئ تسوفه على قيد الحياه عشان م تحس انها وحيده.
تذكرت الشنطه الصغيره اللي رابطتها بخصرها فتحتها لقت فيها جوالها. وعلبه عطر وعلك (البان ).
فرحت اخذت علبه العطر رشتها بيدها وحطت يدها قريب من انفه كررت المحاوله 3مرات واخيرآ تحرگ وفتح عيونه.
كان يتمتم بكلمات مو مفهومه ،منار ماهمها وش قاعد يقول ،،اهم شئ انه صحى،،انتظرته لين يصحصح .
منار بفرحه : الحمدلله عَ السلامه.
راكان م انتبه لها كل اللي ساغل تفكيره هم بليل ولا بنهار ولا المكان اللي هم فيه رعب×رعب.
كل شئ بهالمكان غريب عجيب.
بعدين ناظر منار : احنا فين!!!.
منار بحزن : مادري مادري،،عجزت من كثر التفكير،،حطت كفوف ايديها على وجهها وبكت.
ثم رفعت رأسها وناظرته.
