سامحيني حبيبتي

بارت 1

ابو زين :عيني الهام هي بعدهه يم ابنج ؟
ام زين :منيه ؟
ابو زين :هي بنت اختج الملعبه
ام زين :شنو ملعبه ياعيني عيب هالحجي بنت اختي هي وبعدين هي بنت خالته شكو بيهه اذا بقت يمه شويه وهي هم تحبه ياعيني انت ليش معاند دخل نخطبها اله ونفضها
ابو زين شنو شنو شنو نخطبها اله مومطلقه وهو بعد ممتزوج شتحجين انت عيني الهام
ام زين :شكو بيهه واذا مطلقه مابيهه شي وهو هم يحبهه
ابو زين :انت شنو نسيتي بس تمرض عافته وراحت تزوجت واحنه محتارين بي من دوله الدوله ونعالج بي وهي حضرتهه متونسه ومن عرف تزوجت هم حالته سائت
ام زين :ياعيني صارت ضروف وتزوجت واذا يعني هي شنو ذنبها وهسه صار الحمدلله وتشافى ورجع احسن من الاول
ابو زين :المهم هي ماتصير لابني زوجه خوش مو لان مطلقه لا لان تركته وهو مريض وهم اذا لا سمح الله رجع تمرض هم تتركه واليوم مسافرين لبيت اخويه بالبصره اني ويا خلي يكون عنده علم بلغي
ام زين :شتسوون رايحين لهناك
ابو زين :شنو ميصير اروح اشوف اخويه واهلي واقاربي لو شنو بالله
حسين :بابا اروح وياكم اني
ابو زين :لا انت ابقئ ويا امك بس اني وزين اروح
ساره :شونك عمو اخبارك
ابو زين :هله زين حضر نفسك اليوم اروح لبيت عمك بالبصره ماشي اروح ارتاح اني
زين :ليش بابا شنسوي نروح
ابو زين :نروح وخلص 😏
راح ابو زين للغرفه
ساره :خالتو شبي عمو اشو كوه يرد السلام عليه
ام زين :تعبان شويه حبيبي
زين :لتهتمين حبي سارونه
اللتفتت الماما ماما شسالفته ابويه هي اول مره يكول اروح ويا لبيت اخو
حسين :ديدورلك مره مناك
زين :😏نجب انت محد سئلك
ام زين:عادي ماما روح شوف عمامك واتعرف عليهم
ساره :اكول حسين انت ليش. تستفزني كولما تشوفني تضوجني زين حبي ممكن توصلني
حسين :ههه لج لا مو اضوجج بس هذا احساسي يكولي هيج 😌
زين :حسون سد حلكك سارون ليش متبقين يمنه
ساره :لا حب تاخرت
ام زين :ابقي حبي مو وقت طلعه ابقي ع الغده
ساره :لاخالتو اروح اني
ام زين :ماشي ياروحي سلمي على امج
ساره :يوصل خالتو
طلعنه يم الباب زين :هسه مصممه ترحين
ساره: اخوك ضوجني
زين :لج انت تعرفين هو يتشاقه ليش تعصبين بسرعه
ساره :مااحب شقاه ماصخ
زين :وصلتهه رجعت للبيت اني زين عمري24 تخرجت من كلية الهندسه المدنيه كليه اهليه وطبعا ماكو تعيين كنت احب بنت خالتي ساره بعدهه تمرضت بقيت اشهر مريض ماااكل واذاا اكل اتقيئ والمستشفيات صارت مقري اخذوني اهلي للخارج اتعالج سمعت بساره تزوجت انقهرت بالزايد رجعت للعراق وهم بقيت مريض وسويت عمليه وهم بقيت مريض وهم رجعت سافرت كالو العمليه موناجحه كلش وهم علاجات ومراجعات ودعوات امي ونذوره يله صرت زين وتعافيت بس تصرف ساره بقه يألمني مره تزوج ابن خالي ورحت شفتهه كالت راح تطلك وكالت الي ع ضروف زواجها وهي انجبرت لان ابوها خسر ويا صديقه وانجبر يزوجهه اله لان جان معجب بيهه ويخطبها وهي متقبل ومن هالحجي قنعتني بعد طلاقها محبيت ارجع الها بس شفت نفسي رجعت الهه محادثات الليل ومخابرات وظلت تكرر زياراتها النه وقوت علاقتنه هوايه .
ابو زين :يله زين حتى نطلع
زين :يعني بابا ضروري اروح اني
ابو زين :اي ضروري
سافرنه الطريق طويل واني تعبت خابرتني اختي ريم
ريم :الو زيوني شونك محتاجتك والله
زين :انت متخابرين اله محتاجتني وبعدين اني بالطريق رايح وي ابويه للبصره شتردين عود من ارجع
ريم :ها يا صدوك عود ماما مكالت اني عود وياكم بنفس البيت وهيج اوكي راح اطلب من ماما بلكي فارغه تاخذني لبيت صديقتي
زين :اي طبعا متدرين بالليل سهرانه وبالنهار نايمه اطلبي من حسين شعنده هو يوديج
ريم :حسين عينه زايغه يكعد يبصبص وميستحي واني اريد اروح ويا صديقاتي للسوك
زين :اي حرامات تره فاتتني بيهه صديقاتج هي عود بربج خليهه من اجي
ريم :لاياعمري لا ماالحك هسه لازم اروح عود سلم على بابا
زين :يوصل
وصلنه لبيت عمي فتح عمي الباب سلمنه عليه ورحب بينه
عمي اسمه ابو حسن من تمرضت اجه شافني المنطقه العايشين بيهه منطقه ريفيه زراعيه بيت عمي كولش جبير وعمي ضابط سابق وشخصيته قويه حييل وبيته بنص بستان شاسع بالمساحه صاح البنته ماانتبهت على اسمها جنت تعبان ولاانتبهت الهه بقت تسولف وي بابا واني جنت فاتح محادثه ع مسنجر احاجي ساره
ابو زين :مشكوره بنتي انت منو منهم من البنات
نسرين :عمو انه نسرين
ابو زين :ها نسرين انت بنت ليلئ مو
نسرين :لاعمو بنت ابتهال