التقيت بك صدفه وجمعنا القدر

الُبّارَتْ الُثُانَيَ

انمار. دخلت للبيت وكلت لامي اريد افصخ الخطوبه وصدك رحنه وفصخناها بس ماحجينه لاحد ليش

نرجع للحاضر

دحلنه وضل ابوي وابو ايلين يسولفون وابوي كال راح انجيب الشيخ يعقدلهم عقد ومن انسافر وتتعالج. ومن ۛۛنرجع نفسخ العقد وكلمن يروح بحال سبيله اتفقوا خابرو الشيخ واجه وعقدلنه

انمار. عمي ممكن احجي ويه ايلين الوحدنه

ابو ايلين. اي ابني انتة هسة صرت زوجهه

دخلت شفتهه هيه حلوة تخبل من شفتهه ضليت صافن عليهه

انمار. اسف ايلين هذا كل الصار بسببي راح اصلح كلشي واخليج ترجعين تمشين

ايلين ...........

انمار. شو ساكته احجي

ايلين.........

انمار. ايلين والله مايرتاح ضميري بس احجي

ام ايلين. وليدي هية مو بس انته ماتحجي وياك ماتحجي ويه الكل ضاله ساكته بلكي شوي تهدأ وتالي تحجي

انمار. اترخص انه

ام ايلين. اخذ راحتك اوليدي

طلعت وانه افكر شنو من جمال دخيل الله وين جنت عنهه بس القهرني هية ليش امخليه رمز موبايلهه مواليد لؤي

بالمطار كاعدين ننتظرها اجت هية وامهه وابوها سلمنه عليهم

ام ايلين.ديري بالج عليهه اعتبريهه بنتج

ام انمار.بعيوني هيه بنتي هم

ام ايلين. ايلين كلبي راح اشتاقلج

ايلين. وانه هم ماما راح اشتاقلكم هواااي

وضلو يبجون كالو يلا راح انسافر راحو اهلي وانه ضليت اباوعلهم شفت انمار اجه دنه ودفع الكرسي مشاه وضلينه ساكتين وصلنه للمانيا اويلللي تخبل شكد كنت اتمنى اجي للمانيا بس كنت اتمنى نجي انه ولؤي من نزوج بس مامقسوم وهوة اصلان ماحباني اني لازم انساه وابدي حياتي من جديد بدون لؤي دخلنه البيت كلش حلو وجبير يخبل ليشوفه مايكول بيت ليشوفه يكول قصر دخلنه انمار دخلني للغرفه وكال هاي غرفتج اي شي تحتاجين دكي هذا الباب

ايلين. وشنو هذا الباب

لؤي.هذا الباب فاصل بين غرفتي وغرفتج ورحت فتحته وشافت غرفتي شفتهه تباوع خذيتهه دفعت الكرسي ودخلتهه الغرفتي شافت الغرفه وشافت كل صوري لمخليهن على الحايط

ايلين. ممكن اترجعني الغرفتي

انمار. تدللين

ايلين
رجعني الغرفتي وشفت غرفته وصورة اول مرة انتبه  عليه اسمراني عنده عضلات وطويل وعيونه كبار وشعره اسوي وسرح وسيم يخبل البنات من يشوفنه يسودنن  عليه هيبه وخصوصا من يلبس بنطرون اسود وقميص اسود يخبل