ساحر العيون

البارت الخامس

ساحر العيون

للكاتبه سولاف الكناني

نسيت التعب ويه وبنات خالي نزلت اضحك وانتبهت انا شكد ظالمه التهيت بروحي ونسيت امي 😔
امي حسنه كاعده بالارض وماالها

خلك الهوى لو مر من يمها

ام مهند خيه ام نجمه كومي سبحي وذكري الله وادعيله وانتِ اذا طيحين منو يوكفله كومي خيه

حسنه صح كلامج خيه لازم اوكف على حيلي لان ابو نجمه محتاجني
😔😔😔😔😔

كمت سبحت وصليت
ياالهي ماعندي غيرك انتَ عوني وسندي ياالله احبه ابو بيتي ودنيتي مايوم اذاني وتحمل لاجلي هواي
اخذ من عمري وانطيه مااريد العمر بَليه ابو نجمه 😭

كمت اكلت لكمه ولبست عباتي وتحضرت اروح للمستشفى

نجمه.. يمه اروح وياج اريد اشم ابوي اشتاكيتله😭

حسنه اجت نجمه ولابسه نفنوف لازك على جسمها وظفيرتها تفتر وراها دمي فار نجمه😡يمه ستري نفسج وغطي راسج

نجمه يمه بس انا مااغطي راسي بالبيت

حسنه بس هذا مو بيتنا هنا ولد خالج وحرام يشوفونج مكشفه راسج

نجمه تامرين يمه
حسنه عفيه بنيتي
وانا احاجي امي دخل ولد يمكن هذا ابن خالي مهند مربوع اسمراني يشبه خالي

مهند السلام عليكم

ردينا وعليكم السلام

مهند حليت من الدوام وصلت للبيت تعبان
دخلت بوجهي صارت بنيه
اللهم صل على محمد وال محمد
ابدع من خلقها
بيضه تضوي والعيون شهل واسعه والكصيبه طويله وشكره
شنو هاي وين جانت عني😯

ام مهند تعال يمه هاي عمتك ام نجمه وهاي بتها نجمه
مهند الله ينتقم منج يايمه بت عمتي صاكه وماجبتيلي سيرتها😒بسيطه

حسنه شفت مهند عينه ماشالها من نجمه دفعتها روحي لبسي حجاب

حسنه هلا يمه هلا بمهند حقك ماتعرفني ماشفتوني من جنتو صغار

مهند بقلبي كلت عمري خساره
اي والله عمه وابوي ملتهي وماعرفنه بيكم

حسنه عمه انا اترخص اروح للمستشفى
نجمه لبست حجاب وركضت يمه لاتعوفيني اريد ابوي

لبست عباتي وطلعت انا واامي جلب بينه مهند يوصلنه بس امي ماقبلت كالتله تعبان انتَ عود ارتاح وغير وكت

ركبنا ومشت بينا السياره شوارعهم تخنك لاريحة زرع ياالله دخيلك كوم ابوي اشتاقيت للكاع ☹️

وصلنا يم غرفة ابوي محمد خطيه عيونه ذبلانه من التعب

نجمه الله يساعدك محمد
محمد افيش ردت رويحتي الي شلون حس
هلا نجمه الله يساعدج

دخلنا انا وامي للصاله ابوي اصفر وميحرك لاايد ولارجل
نجمه اويلي عليك بويه 😭😭😭😭مشتاكه لريحتك يبه 😭عمت عيني عليك
ومن حيلي على حيلك
محمد سمعت نجمه شلون تبجي مردت قلبي اووووف مابيدي شي اسويلج

حسنه طلعت لمحمد الله يحفظه شلون ولد اكبر من نجمه بخمس اسنين شهم وصاحب غيره
يمه محمد شني كلك الدكتور

محمد خاله يكول بيد الله وكال نحتاج واحد من اهله ياريت تمريلهم

خالتي ام نجمه راحت للدكتور ونجمه مكابله ابوها وانا عيني عليها نجمه شسويتي بيه من صغري واشوف صورتي بعينج مادريت تحلين بعيني واعشكنج
مردتي قلبي بدمعتج شبيدي لوبيدي ابدل روحي بروح ابوج
استغفر الله

نجمه رفعت راسي والكه محمد يعايني اجت عيني بعيني ماادري شصار بيه يمه جمره واشتعلت بقلبي كلبي رف عليه كمت وطلعت يمه محمد انتَ تعبت ويه ابوي ومااعرف شلون اجازيك الاهل مايوكفون بوكفاتك
محمد شني السالفه يانجمه من كلج انتِ غريبه علي
نجمه محمد يحاجيني وعينه بعيني دخيلك ياعلي موش عين تسحر نسيت الناس فزيت بجيت امي والدكتور
شبيه انا طكني الثول صفنت بعين الولد هسه شيكول علي 😕

نجمه هايمه بشري
حسنه يمه شبشر ابوج يروح من ايدي مابيدي شي😭

نجمه يمه وكفتي قلبي احجي باصريني
الدكتور لازم نغير دمه مابيدنا شي هو الحل الوحيد ومو من صالحنه التاخير

محمد خاله شني رايج

حسنه يمه رايتك بشغله
محمد تأمرين ام نجمه
حسنه مايامر عليك ظالم تروح تبلغ عمام نجمه لزوم يكون عدهم خبر هذا ولدهم
محمد صار خاله هسه انزل
حسنه هاك يمه💴
محمد 😡مارجيتها منج ياخاله انا بحسبت ولدكم
حسنه يحفظك الله يمه
محمد اخذت حسنه لبيت خالها مايصير شابه تظل بالمستشفى
اجرت تكسي انا كعدت كدام وهي وراي اخذت العنوان من خاله ام نجمه
تعمدت نزلت الجام خاطر اشوفها بالمرايا
الهوى يطكها وعطرها يجيني احلى من عطر الورد
استغفر الله لازم الكه حل بس تفض سالفة ابو نجمه على خير
نزلت نجمه بيت خالها جنها روحي انسلبت مني
نجمه الله وياك محمد
وهو مشه وعينه علي بس لو اعرف شنو السر الي بعينه يخليني انسه روحي
دخلت بيت خالي واسمع 😱
شنو تتوقعون سمعت نجمه
يتبع....