#و لاأنـي مرأة

part41

بقيت واكفه كبالها اسمع منها .. ابتسمت بوجهاا .. كتلها .دشوفين الحلقه الي بادي ..لو لا .. عوفي الحلقه ..يجوز صغيرة وعينج متشوفها .. دشوفين بطني ...واضحه ومبينه .. كلامج مامقبول وعيب تكولي .. عندي رجال وعائله واحب رجلي وكولي لاخوج .. تفكيرك وكلامك حرام ..وعيب ..وممقبول ابد .. كالت اعصابج شكلت اني ..نسيتي .. اوكفي اوكفي مانسيت ولا انسه ..لا جرمت ولا كفرت .. كافي امج الي سوته بيه وشهرتني وطلعتني مهزومه ..حبي الدنيا دولاب ترة ..ع العموم موموضوعنه هذا ..الي تردي شنو مني ..هسة هااا لا هيج سلامتج .. الله يسلمج وجريت اخويه ورجعت للبيت .. ناس ..وقحه ..وصلفه ..بطني لخشمي ودز اخته .عليه . شيفكر هذا وشيحس ..شعباله اني رخيصه ..لو شنو .صرت لكمه سهله عباله ...اخر شي افكر بي سيف ... ولا افكر لا ميستاهل ..لحضه من عمري .. داخلي فرح ..كلش مو حبا بسيف لا .. انتصرت عليه واتندم لان خسرني .. دائما بعد مانخسر الشي نتندم عليه .. الطريق كله افكر يجوز اني هم اخسر فهد ..واتندم ويجوز اذا ا رجع اخسر نفسي ..واتندم بقيت بين نارين .. مرت الايام ..وفهد ولا تنازل ..ولا سال ابد .. بس مرات احجي وي سهام ..واعرف يمها .. واسمع نفسه وحسرته ..بس ماسال عليه ..بقيت اكابر وكل يوم يمر مني ..يزيد حقدي اله ..ويقل الشوك ... الحجي اجه ..هوة وسهام .. هلمرة ابويه كال ..خلي اجيب ويصير خير .. واتعذر من الحجي ... والحجي اتقبل الموضوع .. ابسط شي فهد ماكلف نفسه ولا اجه. ولا خابر ..عليه ولا سال نساني .. الفترة هاي .. كمت اسمع هوايه ...من العالم والاقارب .. عزة تتطلكين ..والعالم ..والحجي ..اسمع كلمه ارجعي اكثر من السلام ..تعبت ...ارجعي لخاطر ابنج ..وانتي فصليه ...والعالم لحد هسة تحجي بسيف .. حسيت روحي ..بمكان محصور بي هم التقاليد والناس والحجي .عرفت راح. اصير فريسه سهله لمثل سيف وغيرة تبقى نضرة المجتمع للمطلقه والارمله مريضه وكانما الرجل الستر الوحيد للمرة ..مجتمع مريض .. ولأني امرإة ..اصبر  ....................................... فهد .... اني ..فهد ..ربيت بلديوان بين الدله والهيل.وتفك وهوسات من صغري وبين الشيوخ ..جنت صغير ومات ابوي ..بعدها ..اخوي حاتم لزم كل شي .. وصار جبيرنه ..ولزم شغل ابوي ..والكياعين .. حاتم (ابو عامر)ّّ.اب واخ وصديق .. الي . مو فد اخ جبير ..كبرت ودخلت مدرسه وجان اخوي يشجعني ونجحت ورحت للولايه درست ..هناك ..جنت دوم اشوفن بعيون الوادم كلمه عربي ..ابن ريف ماحسيت منها بنقص لا انه افتخرانه اعربي عرفت الرفيج الزين .وعرفت الرفيج الشين بيهم من جان بس مصلحته وبيهم الي ..صار الي اخ .. عاشرت اشكال نسوان وعرفت بنت الولايه شنو . ..بس ماحبيت .اعرف لا كد حياتنه ولا انه كدها ..تخرجت ..وزادني فخر انه ابن عرب. ..سافرت ..وشفت اشكال وادم .. لحد ..ما الحجي عرض عليه زواج ..من كرابتنه .. بنت ديرتنه ..وربت ..بلولايه .. خوال حلا ..وعمامنه من بعيد .. ازوجت المرحومه شفت بيها ..بنت ديرتي ..وبنت الولايه .. فديوم ..رحت وديتها لاهلها ..تبات ..وراه زواجنه بأشهر .. وثاني يوم ..طلعت بسبعه ..اريدن ارد لاهلي .. ودعتها وطبت ..وطلعت يم سيارتي ..قبل لا اصعد ..شفت بنيه حديثه ..طلعت من بيت من الجهه المقابيل ..بيت المرحومه ..انه بقيت اباع عليها ..جذبني شكلها والصدريه ..والكصيبه النازله للخصر وشايلة بديها كتب ..مرت من يمي انه صعدت بسيارة ..ضليت اباع ع روعتها ..بس مابنيتي شي..شفت ..زلمه صغير واكف بابهم ..وصلت قريب يمه انه شغلت وفتت من يمهم .. جانت تبتسم اله وهوة يأشر الها ...ونظرات الحب ..بيناتهم وكانما الشارع فد الهم .. عاينت عليهم صفح ومشيت .سريع ..ونسيت كل شي ..ايام وماتت مرتي وكتالها من نفس المنطقة عرس وهوسه .. وطاحت طلقه عليها وماتت .. حسيت باول كسرة ..الي ..نفكدت مني ..زوجتي وبعدهي عروس لا شبعت من حضنها ولا هي شبعت من دلالي .. اجيتهم بليل ..ردت ادك بيتهم بعد ماعرفته بس ..خواني جروني ..يمكن حبيتها لليوم ماعرف ..انه احب المرحومه لو لا صار الفصل ..وانفصلت الي بتهم .. واجتني لليال فصليه .. من اول يوم ماريدها وانه ماعرف منو هيه جانت .. بس من شفتها وعرفتها .ام الكصيبه ..ماعرف شصار بيه .. تبدلت ..مريتي بهاي .. لا مامعقولة ... وتهجمت عليها وكرهتها .. جانت الليل كله تبجي ..وتونح وانه ابالي تبجي ع حبيبها . ماابالي شي ..صح كسرت خاطري من كالت يتيمه بس .. بقيت..كارهه .. اعرف ضلمتها واعرف جرت عليها .. بس الشك جان ياكلني من جدمي للراس .. .واذيها واضربها .. حتى باذيتها اشوف التحدي .. بديت ..احن الها .. ماتحمل ..الي داخلي .. بديت احب ضعفها ..يمي ...وقوتها ويايه .. بدت تتغير وياي ..وبديت الين ..واحاول اطلع ضحكتها من خاطري وابالي ... وارجع الها .. صلافتها ..مراددها ..قوتها ..امتلكتني . حسيت رغبه برغبه ..الها وانشديت ..الها .. دلعها ..كلامها .. حاولت اتقرب صدتني.. اعرف انه مسرع .. ردت اكسرها ..بمرة .. وله داخلي ماقانع بيها .. كسرتها وكسرت رويحتي وياها .. بقت كويه مانهزت .. وبدة الحب بداخلي ..الها .. اخذتها بين احضاني ... سلمتني نفسها ... حسيت ..هلشفه ..ماملزومه يوم حسيت برجفه شفايفها من تحاجيني ..مرات جنت اقسى عليها بين حضني واذيها ماعرف ليش ابين الها رجولتي وله انتقم منها ولة انتقم من روحي ..بقيت اغالط بروحي معقوله عشك ..وجيران ماصار شي بينهم ..حاولت انسى او اتناسة .. ياعمي احبها ..واريدها ..وكل شي بيه ..يريدها .. وصار اليوم وديتها لاهلها وجيت خذيتها وسمعت سعيد وكلامه ..اهنا ماكمت ماشوف شي ..ولا اسمع شي .. غير انهانت رجولتي وانضحك علي.. انه ابن الشيخ .. وابن العرب .. انضحك علي .. سالتها ..تمنيت تكول علاقه عابرة ومرت .. كلت اقدر انه هم بشر .. ولو بداخلي ..الحب ..شي ..ثاني ..من علاقتي ..وتجاربي .. جنت اشوفه دوم ..بي..حرام .. بقت ..تنكر ..وتجاهل بمريض .. اذيتها ..ودست عليها وعلى نفسي .. في سبيل ارضي ..فهد .. جنت اتمنى تحجي ..وتعترف اريد اعتراف اريد اسمع .. عندي لزمه الايد حرام .... نكرت ماواجهتها .. مو خوف ولا ضعف مني .. ماردت اخسرها .. اخخ ليال .. ماهز كلبي غيرها ..وماوكفت بوجهي مرة غيرها .. زوجت رشا .. واحس روحي فوك ..ادور عذر واصعد .. مادور عذر من احد ادور عذر لروحي .. واروح الها .. اشوف بعيونها تحدي ..وخوف ..وقوة .. ماكدرت اقاومها .. عرفت حامل ... فرحت ..راح تبقى يمي .. وارجع ..خاطري ينكسر .. اعترف بجيت بيوم .. الي ضربتها ..واذيتها .. مرت الايام ..وانه الي اريدها .. مو هي ! ليال ..ياليلتي ..الي وحدي .. ملكي ..انه بس ..ماحب احد ..يباع عليها ولا يتدنه الها .. ماريد اسمع يكولون مرت فهد شفنه عيونها ..حتى لو عمها اخوها هذا انه ..ماقبل اريدها الي وحدي وانه بس اشوفها .. هذا انه ..اناني بحبي .. هذا انه ..احب ..املكها .. الي ولحالي .. صارت هوايه ..اشياء ..عرفت انه ماكدر ع بعدها .. وبقيت وياها ....وبقى ابكلبي الها شوك ..مانقص زاد.. ردتها ..وزوجتها ... الدنيا ماتسوى بعيوني ..اذا طعم شفتها ماكو .. جرت بدمي .. تحديت بيها هلي ..وعشيرتي وزوجتها .. ردت تعقل ..وتكبر .. ردت تحجي ..تكول حتى ارتاح وهيه هم ترتاح ... غضبت اخوي وغضبت الله ... من هجرت رشا .. مو هيه السبب .. انه ماكدر .. اعيش وي غيرها .. ماكدر المس غيرها ..ماتحلالي غيرها .. ليله ... اذوبن بين اصابيعها وكلامها .. اضعف من اشوفها روحي تنسحب مني .. علم ثاني تاخذني ..بي اني ..وياها .. حبيت القهر والشوك .. ماطولنه وصارت ..سالفه حلا ورشا ماكدرت اواجهها .واكولها انه شفتج بيوم .. ولا اكدر اكول انه صكطت سعيد ..لان جاب طاريج .. عافتني ليلتي ..وبقيت وحدي .. البيت يخنك ..هوى مابي .. اكرهه اصعد غرفتي .. كل شي بيها فارغ .. كلشي بيها مابي طعم .. فراشي..بارد فارغ .. عطرها بكل مكان .. اطلع احاول الهي روحي .. وي الحجي وي ربعي .. وارجع احن .... اشتغل ..والهي حالي بطلايب .. وكعدات .. ومن ادخل البيت ..احس روحي تنعصر .. ني الي فاكدله عزيز ... تمنيت تتصل ..تكول فهد ..احجيلك ..الي جرة .. اريد تصارحتي ...بلحقيقه وراها .. احكم ..لو نستمر لو لا ... مو تستهزء ..وتضحك ..وتكول انت مريض .. انه مو مريض ..انه رجل شرقي .. انه اعربي .. انه ..عاشك .. وعشكي مسودن ... ليال مرت الايام وبطني كبرت ..وكمت كوة اتحرك.. وعرفت فهد باعني وانتهى الموضوع صار اشهر لا سال ولا اجه ..عود كلف روحه ..ودز فلوس بيد سهام الي .. عبالك الفلوس راح ترد شي الي .. ليش ...اني تعبت .. ليش ميصدك بيه ... ليش وصلنه لهل المرحله .. راح اخابرهه ماتحمل بعد .. كمت ..ع فوني .. دكيت رقمه ..مغلق ..هوف ..وينه خوما بي شي .. شفته متصل بلنت ..دكيت .. يدك يدك .. احس كلبي الي يدك.. جاوب .. بصوته الخشن .. نعم .. سكتت ..اووف لحضات صعبة عليه .. رجع كال الو ..ليال .. فهد .. ي فهد شونك زين .. وانتي تمام .. سكتت..حسيته بارد ..متوقعت هيج يجاوبني .. ليال شبيج اكو شي .. لا فهد ..بس ..سكتت..اختنكت ..حسيت نفسي نزلت روحي اله وتندمت .. بس شنو لليله... ماكو شي .فهد .. هيج ..اوك اروح اني .. اوكفي ..شبيج ..ليال الطفل بي شي .. هذا الي همك الطفل .. ليال .. انت وين فهد .. انه مسافر .. اهااا ..وين .. مالج شغل وين .مسافر انه .. ليش فهد .. شنهو الي ليش .. هيج عيني روح انت ملتهي واني الي جارعه الهم ..وحدي وبطني بخشمي .. ضحك ..ولج شمالج ..شني الي صار لا عيني مصار شي ..هيج .. بس داكولك اسبوع الجاي عمليتي وين الله واموت وماكوم منها ضحك ..ها سودنتي لا ..انت وين بلبنان بربك اي والله وشعندك بله ..كملت ع نسوان العراق وطلعت  ها بدة اللسان الطويل والصلافه .. لا عيني عليمن ..روح ..كمل ونستك اسفه ..استاذ فهد .. ليال ..يعني مخابرتني تالي الليل جاي تغثين بيه .. لا عيني عليمن اغثك ..روح فهد .. خوش لليله ..تصبحين ع خير ..  عزة هذا شبي راح يروح ولا كلف نفسه وكال شبيج .. اريد اسدة ماكدر ماعرف شسوي وشحجي .. الو الو .. ها فهد .. يلا روحي .. اي اروح مميته عليك .. ضحك .. اوك فهد ..بس .. ولج شني البس ..من خابرتي لحد هسة بس وبس .. اريد احجيها ماكدر مترددة .. مشتاقه الك .. سكت .. كال اي .. اي ! هذا جوابك الي .. اي ليال .. ويعني شنو ...خلص نسيتني .. موشغله انساج ..ليال ..الحجي وهوايه ارجع ويصير خير .. فهد .. دمعت عيوني حسيت بضعف ورخصت روحي ..حسيت صدك وصلنه للنهايه والبعد مازاد شي منه ولا نقص شي ... توقعت اسمع غير شي .. فهد.. اني اسفه .. ع شنو .. اني اكولك ..بس اسمع ..انت وراها احكم والي تريدة يصير .. احجي ..ليال ..سمعت صوت جكارة ..واخذ نفس .. فهد .. قبل كل شي ..اني تعبانه بدونك ..ماعتبرها نزلت روحي من خابرت لا ..هذا كلبي ..حكم .. اي .. اسمع لا تكول اي .. احجي .. فهد ..اني ..قبل لا ازوج ..جنت اعرف سيف وعلاقتي بي بريئة غير النضرة والكلام مجان اكو غيرها .. محد لزم مني شعرة غيرك .. وانتهى سيف بيوم الي حبيتك .. رغم قسوتك وضلمك احبك ..موبيدي فهد .. ماريد منك ترجعني لا .. اريد ارتاح واحجي الك .. لان اني لحد هسه تعبانه .. من اتهاماتك الي ..تعبانه منك ..فهد .. الشرف مو رخيص فهد .. ليال .. لزمتني العبرة .. نعم ..اجاوب وصوتي يرجف .. اعرف كل شي ..واعرف الي صار وجنت انتظر اسمعج .. خلص ليال .. الي ردته سمعته .. خوش يابنت العالم .. انه اروح...مودعه بالله ..