DALAWANG TAON AKO NUNG PUMANAW ANG AMING AMA. AT MULA NOON, SI MAMA NA ANG SUMALO SA LAHAT NG RESPONSIBILIDAD NI AMA. SIYA ANG NAG SILBING AMA'T INA SA AKIN AT SA BUNSO KONG KAPATID. INALAGAAN, TINURUAN, PINAKAIN, PINAG ARAL AT PINALAKI NIYA KAMING MAY TAKOT SA DIYOS. WALANG PAGOD SIYANG NAGTRATRABAHO MATUSTUSAN LANG ANG PANGANGAILANGAN NAMIN. MINSAN TINITIIS NIYANG HINDI KUMAIN PARA LANG MAPAKAIN KAMI.
"MAKITA KO LANG KAYONG KUMAKAIN, BUSOG NA AKO" ANG LAGING SINASABI SA AMIN NI INAY. BAGAMAN HINDI NAMIN NAKILALA ANG AMING AMA, IKINUKWENTO NAMAN NI INAY ANG MAGAGANDANG KATANGIAN NI AMA NA DAPAT NAMING TULARAN. MAHIRAP MAN KAMI AT WALANG KAYAMANAN, MASAYA NAMAN KAMI.
HANGGANG SA ISANG ARAW, PAUWI AKO GALING ESKWELAHAN. NABALITAAN KO SA BUNSONG KAPATID KO NA ISINUGOD SA HOSPITAL SI NANAY.
NAGMADALI AKONG PUMUNTA SA KINAROROONAN NI NANAY HABANG PUMAPATAK ANG LUHA SA AKING MATA.
"SA NGAYON MAAYOS NA ANG KALAGAYAN NIYA. NAHIHIRAPAN LANG SIYANG HUMINGA, AT MASYADO SIYANG NAGPAPAKAPAGOD, MAAARI MO NA SIYANG IUWI SA INYONG TAHANAN." SABI NG DOKTOR.
GUSTO KONG HUMINTO SA PAG AARAL PARA MAGHANAP NG TRABAHO AT TULUNGAN SI NANAY. DAHIL ALAM KONG NANGHIHINA NA SIYA AT TUMATANDA, GUSTO KONG NASA BAHAY LANG SIYA AT MAGPAHINGA. NGUNIT TUTOL SI NANAY SA PAGHINTO KO NG PAG AARAL DAHIL LIMANG BUWAN NA LAMANG AY MAGTATAPOS NA AKO.
AT DUMATING NA NGA ANG ARAW NG AKING PAGTATAPOS, NIYAKAP AKO NI MAMA AT SINABI NIYA SA AKIN NA NATUPAD NA ANG KANYANG MATAGAL NA PINAPANGARAP, ANG MAKAPAGTAPOS AKO NG PAG-AARAL. HINDI SUMAMA SI INAY SA AKING PAGTATAPOS DAHIL PAGOD SIYA AT GUSTO NIYANG MAGPAHINGA. AT TANGING KASAMA KO SA ENTABLADO AY ANG AKING BUNSONG KAPATID AT SI TITA.
NAGMAMADALI KAMING UMUWI, GUSTONG GUSTO KO NANG YAKAPIN SI INAY. IPAKITA ANG DIPLOMA AT SABIHING MATUTULUNGAN KO NA SIYA. NASASABIK KONG BINUKSAN ANG PINTO NG KWARTO NIYA NGUNIT NANG HAWAKAN KO SIYA AY MALAMIG NA.
SA KANANG KAMAY NIYA AY MAY KAPIRASONG PAPEL AT ANG NAKASULAT AY.
"HUWAG MONG PABABAYAAN ANG BUNSO MONG KAPATID, ALAGAAN MO SIYA GAYA NG PAG AALAGA KO SA INYO. HUWAG KA MUNANG MAG AASAWA. GUSTO KO SANANG NANDON AKO SA PAGTATAPOS MO AT KASAMANG TATAYO SA ENTABLADO, PERO NANGHIHINA NA AKO. MAHAL NA MAHAL KO KAYO."
