انت لي مهما 💖 تمر السنين
ويوم من الايام اني جنت بل كليه واخت علي داخله لغرفتي وماخذه الوصفه مالتي ورايحهه شايفتهه شنو من وصفه وجايه لمهه وكايلتلهه ومن رجعت اني وعلي
ام علي .... ماما شنو هاي
علي.... شنو ماما
ام علي ....هاذا الادويه شنوو
علي.... ماما ادويه عاديه
ام علي .... مرتك متجيب جهال
علي.... شنووو.
ام علي ... اسكت اختك راحت للصيدليه اخذتهن وتاكدت شنو من ادويه
علي .... لج غديييير انتي تستغلين طلعتي ودورين بغراضي .... جريتهه من شعرهه وموتته اتمووت
ام علي .... علي مرتك متجيب جهال
علي .... ماما دا تتعالج
ام علي .... علاج شنو دا تحجي عليه
رزان ..... مشيت اركض للغرفه وابجي بحركه ليش يالله اني بل ذات الي هيج ديصير بيه لييييش
علي.... حبيبي هاي ارادت الله بعد شنسوي ولتفقدين الامل دا تتعالجين
رزان .... لا علي ماكوو علاج
علي.... لتفقدين لامل يا كلبي خلي املج بالله جبير
رزان .... علي
علي..... عيونهه
رزان ... انت ح تزوج موو
علي .... شنو شدتحجين مااريد اسمع هاذا الكلام بعد عل لسانج فتهمتتتتي
رزان .... وعد
علي.... وعد بس بعد لتحجين هيج حجي
رزان ... مر شهر عل هاذا الموضوع الجو هاداء الموضوع بعد مينفتح تصرفات علي متغير وره اسبوع اجاني
علي ..... اكلج حبيبي اريد اسافر لتركيا
رزان .... شنوو لويش اتسافر
علي..... عندي شغله هناك
رزان ... شكد اتضل
علي...ماادري من الله يسهل اجي انشالله مااتخر
رزان ... لعد امشي وياك
علي.... لا وكليتج بعدلج شهر
رزان...اووك بس لاتتاخر
علي ... اكيد مااتخر ..... حضنتهه وبستهه براسهه ومشيت
علوش مره يومين عل روحته وثاني يوم طلعت اريد اشرب ماي من المطبخ سمعت ام علي تحجي وي علي ادكوله ها ييمه شوكت تجي انت ومريتك
رزان .... عمه منوو هاذا
ام علي... انتي من شوكت هنا
رزان .... هاذا عليي مووو علي مزووووج
ام علي.... يي عيني لعد يريد يشوف جهاله واني هم اريد اشوف جهاله
رزان .... الله ينتقم منكم الله ينتقم منك علي جرحت كلبي الله ياخذك حسبي الله ونعم الوكيل بيكم......... رحت اركض لميت ملابسي كلهن وخابرت اخويه واجه واخذني ورحت لهلي كمت ابجي ابوي كال اني اعلمه هاذا.... هو موصوجه صوجي اني انطيتهه وثقيت بي بس اني مخليت بابا يحجي عليه كتله بابا هم حقه هو يريد جهال
بابا.... دا دافعين عليه بعد الي سوا وياج
رزان .... اتمرضت واخذوني وضليت بل مستشفي سبوع
علي..... سمعت رزان تحجي ...اجيت اركض رجعت من السفر ذبيت بنت خالتي الي هيه مرتي بلبيت ورحت اركض لبيت رزان طلعتلي اديان ....اديان وين رزان
اديان. ... رزان تسال عل رزان لك انت دمرتهه وتسال عليهه الله ينتقم منك علي ليش هيج كسرت كلبهه
علي..... اديان والله العضيم اني ضغط امي وابوي فوك راسي وتزوجتهه والله ماراضي على هاذا العرس ارجوج اتساعديني اديان ماعندي غيرج
اديان .... شساعدك انت بعد دمرتهه اديان بل مستشفئ وصارلهه سبوع داخله كله منك
علي... شنووو ليش بل مستشفى شبيهه
اديان .... وتسال شبيهه لك كلبهه تعبان لك هيه ماعدهه مناعه وانت هيج سويت شكول عليك
علي.... كمت ابجي ..... اديان والله امووت اذا مااشوفهه ابوس ايدج
اديان .... شسويلك اني مااكدر اروح وياك بنتي مريضه
علي....صدوووك شوكت ولدتي عل الخير
اديان ... هه ياخير هاذا
علي.... اديان ابوس ايدج بس كوليلي بل مستشفى
اديان .... اوك اوك بس مدكول اني كتلك .... كتله اسم المستشفى وراح ركض
