صابرين (عمرها 22 سنه تالته طب اسنان مواصفاتها : سمره وعيونها عسليات باهتات هلبا
شعرها : لونه بني وطويل يوصل نهاية ضهرها
طولها : لاهي طويله لا هي قصيره اعدي
جسمها : حلوه لاهي سمينه لاهي رقيقه
عيونها : احلى حاجه فيها كبااار هلبا
فمها : كبير ماشي مع شكلها
يعني م الاخير طرف اطلع طول 😍😂)
العائله الكريمه
بوها ( شخصيته حلوه والكل يحترمه وماشي ع الموضه ولاده يلبسو منه 😂 اصلا هو مره 4 صغير يعني اتشوفه اتقولي هدا في العشرينات او التلاتينات جوه مليح مع اصغاره ورومنسي الحويج 😂 ،،،، حي نسيت اسمه : ايهاب )
نمشو لي مامتها ( جوها مليح وطرف عمرها 38 طبعا هي متجوزه صغيره متجوزه علي علاقة حب طبعا بنتها طالعتلها ) 😂 ،،،، نسيت اسمها :الاء )
مشاكل العمر يلي هم الخوت😂 تيم ( عمره 19 سنه طرف الفرخ يقراء سنه اولى هندسه عنده ع جو الفرخات نوصفوه لالا فكةنا منه
ياودي نوصفوه هي : بشرته قمحيه شعره قهوي نفس لون عيونه نفس شعره طويل جسمه حلو يتدرب ف الصاله ووووك عليا امالا طرف هو 😍😂)
تميم ( عمره25 سنه سنه رابعه قانون عنده محل يخدم فيه بعد المحاضرات نحكو شويه ع شكله
شعره : لونا قهوي مايل للاصفر هو ناعم هلبا عشان هكي ديما طايح لوطه 😍
عيونه : اتبرق فيهم اضيع نونهم اخضر باهت متوسطات بس حلواات 🙈
بشرته : مخلطه لاهو اسمر لاهو ابيض 😸
طوله : طويل وجنتل 🙊
جسمه : طبعا هو من جماعت الصالات الرياضيه 😉
من الاخير احلى من تيم ) 😍
الخوات 😖
حلا( عمرها 17 سنه تانيه تانوي جوها ابداع الفرخه
مواصفاتها : سمره وعيونها كبار لونهم اسود وشعرها: ملوي كله يعني كيرلي يهبل ماشي معاها لونه اكحل
طولها : عادي ) 🙂
ريم ( عمرها 15 سنه تقراء تاسع ( تالته اعدادي) شعرها تااااعم ونازل ع ضهرها لونه بني داكن عيونها نفس تميم بس هي بنيات طولها حلو جسمها 😍 )
الكبيده اخر العنقود
ميس ( الدلوعه هي شكله عكس خواتها في كل شي
مواصفاتها : بيضا بياض الثلج ❄ عيونها كبار بس مش هلبا لونهم كستنائي باهت نفس لون شعرها
شعرها : قصير يوصل ربع ضهرها بس لونه ❤👆
طولها : قصيره هههه دريه
المهم حلوه احلى وحده في خواتها هي وصابرين ) عمرها نسيته : 13
باقي الشخصيات نتعرفو عليهم في الروايه 😉
هي نبدو البارت 1.
في الصبح في حوش ايهاب
صبريا : حلا يا حلا
حلا من دارها : نعمم
صابريا : تعالي في داري
حلا مشت : هاا
صبريا لوا انشاءالله _ من بيرفعكم للمدرسه
حلا : الفرخه صابرين
جتهم صابرين : والله ماني رافعاتك باهي
حلا : توا اتشوفي انخبر بابا
صابرين : خبري
صابريا : غير امتى بتعقلو بس المهم شن تبو الغدي
صابرين : شاورما
حلا : عينك بازين
صبريا : لا هدا لا هدا هي 😂
صابرين : اوكي سلام
طلعت صابرين نقلت ريم و ميس للمدرسه وحلا لا
عند تيم وتميم
تيم : تيمو
تميم : شن تبي
تيم برجاء : سعتك وراس امك
تميم برق فيه وضحك ضحكة هزوه : هه مالا هبلت اني 😂
تيم : لاهي جيبلي سعت بووك يا عنبوك
خش عليه ايهاب : يا كلب اني بوك ةاتقول يا عنبوك
تيم خاف : تي لالا ماهو عرفت معلومه جديده
ايهاب : ابدعنا يا اينشتاين
تيم : عرفت انه تميم مش خويا عرفت كيف
ايهاب : برا يا ولد الكلب برا
تميم : اهدى يا حويج اهدى 😂
ايهاب قرب من تيم
تيم يصيح : ياااا ماما تعاليييي خوودي رتجلك ووك عليا ووك
صبريا : خيرك اتصيح يا فرخ
تيم جي وىاها : ولدك يا حنه ولدك
صبريا : تي حول يا هم نسحاب حد مات 😡
تميم ميت من الضحك
ايهاب : والله لما انوريك باهي
تيم : ماااااماااا
جت الاء : خيركم شن في
تيم : نحي راجلك من عليا
الاء : خليه يربيك
فجاء قطع حديثهم رنت نقال ايهاب
ايهاب : الو....والله تمام ...... تي كيف مش قتلي الليل ...... تم تم جااي
تيم يصفق ويغني : عمل جاك جاك برا روح العمل جاك جاك برا روح
كلهم منفلقين بالضحك
ايهاب : والله ولو طريحتين يا تيمو
تيم : غير اتروح بس ههههه
عدا ايهاب والباقي فطرو وكل واحد عدا لي مكان
نمشو لي صابرين
صابرين تمت محاضراتها و مكسده مع البنات ف الكافتيريا
فاطمه : هي اني جاني حسين سلام
البنات : سلام
صابرين تلعب ب نقالها وسارحه
والبنات يهدرزو
شهد : اووي بينو صبوره ( وتعطيها خبطه )
صابرين : ااااه خيرك نعم نعم شن تبي
البنات يضحكو ع منضرها
شويه وكل وحده روحت
قعدت شهد مع صابرين
شهد : شويه وانجي باهي
صابرين تمام لبين مايوصل الكريب
شهد : تمام خدت شنطتها وناضت
ناضت صابرين طلبت و ولت وشهد مزال ماجتش
شاب قعمز ع طولتها : اهلين
صابرين : اهلا ... تفضل
شاب : اني مؤيد
صابرين : تشرفت
شاب : ممكن طلب
صابرين : تفضل
شاب : عيونك في عيوني
صابرين : كيف ¿¿
شاب : لو سمحتي برقي فيا دقيقتين بس
صابرين : مافهمتش بالضبط انت جاي اتكسد عليا
شاب : لوسمحتي دقيقه بس
صابرين : اوكي اوف
خلت عيونها في عيونه طولو وهم يبرقو في بعض
شهد : احم احم كح كح
صابرين فاقت ع روحها وحولت عيونها : ءؤااا خخخ خلاص تم طلبك
مؤيد ناض هو طايرتله من شهد قرب من صابرين ومسح ع لحيته وقال : شكله عجبوك عيوني 😍
صابرين : اي بكل ( فاقت ع روحا ) قصدي اي بكل انا بارد
مؤيد : بس طرف
شهد : تي عدي مش وقت غرامياتك
مؤيد : ناويه اتعكريلي مزاجي انتي ولا كيف بالضبط
شهد : ننن ننن تي برا ع حالك
صابرين اتبرق في مؤيد تبي تحفض شكله وهو يتعاك مع سهد
بعدين التفت قاللها : مش قتلك اني
صابرين : ضحكت وقالت والنبي امشي ع حااك
هو : تشااو يا حلو
مؤيد عدا وشهد استلمت صابرين اسئله بارده يعني قصقصا من هدا و من وين تعرفيه وجو متع البنات عاد
( صابرين ناضت روحت ب شهد وهي روحت ع طول خشت لي دارها )
فتحت الفيس القت طلب صدافه من مؤيد
صابرين خشت ع الحساب فتشت الصور
وبعدين قبلت الطلب
بدلت دبشها وصلها اشعار من الفيس خشت عليه
اول ماقرت الاسم ابتسمت لا ارادياً
مؤيد : هلا عسل
صابرين بعد تفكير طويل ردت : اهلا
مؤيد : شن جوك
صابرين : تمام وانت
مؤيد : دوم
صابرين غلاك 😊
نؤيد : اووووبا جاي الحوشكم شكلي 😂
صابرين طلعا تكتب وهي راقده ع السرير هشت عليها حلا : شن اديري
صابرين سكرت الاب : ءءء اااا اني
حلا : لا اني
صابرين : شي شي بننزل توا
حلا بتشكيك : متاكده شي
صابرين حدفت عليها المخده : تافها
حلا : هيا هيا الغدي
صابرين : امشي توا انجي
طلعت حلا وصابرين فتحت الاب لقت رسايل هلبا من مؤيد قتله : نستادن معليشي ماما اتنادي فيا
هو : هههه شن غداكم
صابرين : هههه بارد
هو : صحتين سلام
عدت خشت للصاله لقت كلهم ساكتين وايهاب حامق
ايهاب : تعالي قعمزي
تيم : لالا بالك.........
يارب تعجبكم
باللهي متابخلوش بتصويت 😍😍
نتلتقو البارت الجاي 🖐
