لسه بنفتح الباب لقينا الدنيا كلها ضلمه فدخلت انا الأول وعمرو اخويا دخل ورايا ولسه بدير فهب دماغى اتخبطت فى دماغ عمرو وفجأة النور اشتغل واغانى حلوه اشتغلت ولقيت بابا جه من السفر فسلمت عليه انا وعمرو وطبعااا قعدت جنب بابا وقعدت اغيظ فى عمرو واضايقه
عمرو: بت انتى انتى مش هتبطلى شغل العيال ده انتى داخله على منعطف تاريخي يعنى تعقلى شويه
امل : هههه لا مش هعقل وانت مالك يااارخم ولا علشان بابا بيحبنى اكتر منك وطلعتله لسانى
عمرو : هقوم اضربك بطلى تستفزينى
امل : متقدرش
بابا: امل عمرو هو مافيش احترام لوجودى ولا ايه بطلوا شغل العيال ده ثم نادى على زوجته ايه يارشا معرفتيش تربى العيال كويس فى غيابى ولا ايه
رشا : هم كده ع طول بس ايه رايكم فى الكلام ده ياولاد
امل وعمرو فى نفس واحد ااااااسفين يابابا فقاموا بصوا لبعض وضحكوا هههههههه .
الاب : لاحول ولا قوة الا بالله امتى هتعقلوا
امل : يابابا ده حتى الهبل نعمه
الام : الايشوفك جوا البيت وانتى بتضحكى وتهزرى مايشوفكيش برا وانتى على الصامت
عمرو : معلش ياماما هبقى اجبلك الريموت تعليها شويه من حق ياماما لما جبتوها مجاش معاها ضمان
امل : هههههه ياخفه دمك بارد على فكره
عمرو : منا عارف اصلا بخففه كل يوم بالميه يلا ياجماعه انا داخل انا علشان مسافر بكره
امل بنبره حزن عمرو وانت صحيح مسافر بكره
عمرو : اه ياامل هوحشك ولا ايه
امل : لا طبعا
عمرو : امال بتسائلى ليه
امل: اصلا بصراحه مش هلاقى حد ارخم عليه وأتكلم معاه وانا بستناك من الاجازه للاجازه وبابا اكيد هيرجع يسافر تانى وهبقى لوحدى
الاب : بمناسبة السفر دى انا عايزه اقولكم انى معتش هسافر تانى هسافر المره دى بس انا وامكم بعد كام شهر من دخولك الجامعه نخلص الإجراءات وانقل شغلى هنا لمصر واعيش جنبكم كفايانا غربه
امل : هيييييه يعيش بابا
رشا : ايه يابنتى هو ابوك داخل انتخابات ولا ايه
عمرو ضحك على الا ماما قالته
امل : عجبك كده ياماما ضحكتى عمرو عليه طاب انا سحلانه
عمرو: انا داخل انام تصبحوا على خير ياجماعه
أنت تقرأ
غريبه عن نفسي
Romanceإن تحبنى سرا وانا لا اعلم فضلك علي أن تكون لى سندا وقت ضعفي ولا اقدر فضلك علي أن تحمينى من شر نفسي ولا اقدر قيمتك الا فى النهاية وارجع ارتمى بين يديك شاكية باكية لاننى لم امشى فى طريقك
