#طفله_ملكت_قلبي
↙️البارت1↘️
مروة طفلة عمرها ١٠ سنوات الوحيده لاهلها طبعاً كل الي يشوفها ينبهر بجمالها بيضه مثل الثلج وشعرها اسود ناعم مثل الليل وعيونها عسلي وحلكها ممتلئ يعني ماكو واحد شافها غريب ولاقريب مااخذ منها بوسها وكرصلها خدودها الي مثل الفراوله جانت دائما تسال والدتها ماما اني ليش ماعندي اخوان والدتها تدمع عيونها وتسكت مجانت تفهم شي بعمرها ومرة سمعت والدتها تحجي على ابوها وترزل بي وكفت برى الباب تتصنت الهم
خاف ربك يرجال انته شنو حيوان اربعه وعشرين ساعه سكران وتعودنا عليك بس توصل بيك تتحرش بالاطفال لهنا وبس ترى ابلغ عنك افتهمت لو لا وعلت اصواتهم وضربها ونزلت يم خالتها تبجي خالتها جانت ساكنه بالشقه مقابيل باب شقتهم ها ميشو شبيج هم تعاركو نفس الشي مروة سولفت الخالتها خالت نصدمت ورى كم يوم مروة دتلعب وسمعت خالتها وامها يحجون على والدها صار عدها فضول تتصنت
والله ماعرف شكولج بس زوجج هذا يخوف ديري بالج على بنتج منه همزين مخلفتي منه بس مروة يمعوده
منين اخلف ليش هو يباوعلي اصلا مدري شلون صارت مروة بالكوة تدرين ميتقربلي ابد واني هم اشمئز منه من عرفت عنده شذوذ ويه الاطفال مروة معرفت شنو الموضوع بس وصلت اله فكرة والدها موخوش انسان وياذي الاطفال كامت تخاف تكعد يمة ومرة الايام وتمرضت والدتها ونامت مستشفى شهر وراها توفت هنا بدت معاناة مروة بقت فترة يمً خالتها لمن صار عمرها ١٢سنه وبيوم اجتي جانت طالعه من شقه الي بيها ابوها جان داز عليها جابلها شغلات وملابس وحلويات طبت لخالتها وجهها اصفر مو طبيعيه وتتصفن خالتها تعاي ميشو نعم خالتو تعالي سولفيلي شبيج ضايجة لامابيه ولج اني مثل ماما الله يرحمة تعالي واخذتها بحضنها باوعتلها بخوف اخاف بابا يكتلني اذا حجيتلج كالي لتسولفين خالتها تخبلت والشرار كام يتطاير من عيونها ولج احجي شسوالج هذا السافل اعرف سوالفه خافت وكامت تبجي كلتلها خالتو باسني بشفايفي وعضهن حيل ولمن كامت تزف شفايفي ورواتها حلكها خالتها حضنتها تهدأها وبعد شسوالج كلتله مرات هو بكعدني بحضنه ويخلي ايديه على مكانات بجسمي لمن تكوم توجعني يعني شلون يضربج كلتلها لا يبقى يكرص بيه حيل وبجت خالتها اششش اسكتي روحي هسه انتي طبي لغرفتي راح اروحله شويه واجي لا خالتو فدوه اذا حجيتلج هددني بعد ميخليني اوصللج ولزمت بخالتها تبوس بيها حبابه لتروحين عيفي خالتها ولج ماما هذا باجر يسوي الاكبر منها كومي ويايه كلتلها وين نروح خالتها كومي ومعليج
خابرت على ليث الو ماما ليث وين انته بالدوام اهلاً ماما شلونج اي بالدوام خيرج ها اريدك تمر عليه لشقتي بالليل تندلها مو لو نسيتني صارلك سنتين ماطاب البيتي وبجت نقهر لا يوم ليش هيج تحجين بس تعرفين دورات ودوام وعيونج مالحك ام ليث الي اسمها سعاد متلحك لو ابوك الله يسلمة مانعك😔 يوم مامنعني من جنت واني زغير يمنعني هسه واني عمري٣٣ سنه
ليث ابنها لسعاد سعاد تزوجت ابن شيوخ وجانت كلش حلوة وجميله بس بنت مدينه وهو اهله ريف ماقبلو عليها تزوجها بالغصب عليهم صار عدها ليث وبعدها بدت معاناتها وية ام زوجها وابو الشيخ كاله لو تتزوج بنت عمتك هاي اليتيمةاقلها تعرف شغلنا وتشيل خطاطيرنا الي متخلص واحنه علينه رجل ومضيفنا ميفرغ وهاي الحضريه كلشي متعرف بعد مابقو يلحون عليه اخر شي تزوج بنت عمته سعاد كلش غار عليه ونطاها وعد ميتقرب لبنت عمته وبالكوة قنعها وتزوج ويوم عن يوم تشوفه اهله يزنون عليه لازم ينام يوم يمها ويوم يم هاي وبالاخير رضخلهم تمرض والده الشيخ واستلم الشيخة بمكان والده سعاد مكدرت تكمل ويه اهله كلتله اشتريلي شقه يم بيت اهلي وفعلا اشتراهلها شقه يم اهلها وكام يجيها بالشهر مرة ميلحك وبعدين عرفت زوجته حامل منه نقهرت حبل وتالمت وطلبت منه الطلاك هو جان حيل يحبها وميكدر يعوفها كالها ماطلكج الى تتنازلين عن ليث يعرف بيها متتنازل عن ضناها لكن بعد محاولات نصدم بيها تنازلت عن ابنها وطلكت منه وبقى فتره مشايفه ابنها واختها امها المروة تزوجت هذا الحقير وطلع هيج هم شترت الشقه المقابيل شقه اهلها ام ليث موظفه بالكهرباء وراتبها زين ومكفيها وام مروة هم جانت موظفه معلمة روضه وخياطه تخيط للمحلات جانت شايله البيت مصرفه وكلشي لان رجلها لايشتغل ولا شي بس يشرب وسكير
نرجع الليث من كبر كام يروح لوالدته وطبعا صارو
عنده اخوان من زوجت ابوه وعلاقته قويه بيهم عبالك اخوهم من امهم
ليث ظابط بالشرطه طويل ومربوع حنطي البشره عيونه وساع وعنده هيبه ماكو بنيه تشوفه متذوب بشخصيته وهيبته ماعنده علاقات بالبنات وميحب هيج سوالف صارت وياه نفس سالفه ابوه عمته جانت عايشه عدهم وزوجها متوفي وعدها بنيه مثل اخته جان معتبرها وبيوم من الايام عمته راحت للعمرة وماتت هناك وبقت بنتها زينب يمهم زينب جانت حيل تحبه الليث طبعا اي بنيه تشوفه تحبه بنات منطقتهم كلها تريده وتحبه وتتمنى تحجي وياه وبيوم اجاه ابوه كلها هاي بنت عمتك العالم اكلت وجعي يكولون شنو كعدتها عدكم لوتزوجها لابنك لو تنطيها لعمامها وتدري ماكدر انطيها لان اختي موصيتني عليها الله يرحمها واذا تحبني مترفضلي طلب وتتزوجها ليث كلش مطيع لوالده كاله الراي رايك حجي انته تفصل واني البس بس ماجذب عليكم ماراح احبها كزوجة وتزوجها ومرت الايام وبقو خمس سنوات ماعدهم طفل واهله اكلو كلبهم بعدين قررت تروح للدكتوره تعالج وفعلا راحت وطلبت منه الدكتوره تحليل من زوجها واخذت التحليل
الصدمة جانت عدها انه هيه متخلف عقيم وهو كولشي مابي طبعاً هو مراح وياها لان مفارغ وجان عنده دورات تدريب زينب فكرت بخبث اذا تكللهم الخلل منها حيزوجون ليث واكيد تموت راح تكلهم الخلل بي شمدريهم محد يعرف يقرى التحاليل هاي جانت فكرة خالتها زوجة ابوه وحدة خبيثه ومسمومة السالفه احتي بمصلحتها متريد ليث يخلف وياخذ الشيخه من ولدها ولدها اوله كلتلهم اني كدامي الدكتوره كالت ليث ميؤس منه وليث طبعا صدكهم والموضوع اصلا مو اباله ولا هامة وصارلهم هسه ١٠سنوات زواج بدون جهال لان كل ظنهم ليث عقيم
نرجع الليث وامه سعاد سعاد توفت والدتها وبعدين ابوها وبقت بس هيه واختها وحده مكابله الثانيه واختها هم ماتت ومبقالها بس ميشو بنت اختها الي والدها واحد نذل ليث صارله سنتين مواصل لبيت امه يعني بس يتخابرون ومرات يجي ياخذها للزياره بسيارته تطلعله للشارع ومطاب لبيتهم مفارغ
ليث خيرها الوالده صوتها ماعاجبني سهاد بينها وبين نفسها لازم تحجي لليث على هذا الحيوان بس هو الوحيد بكدر يوكفه عند حده ويخوفه
يتبع....
اذا اعجبتكم اكمل
