+ALIEN+ (Editing)

Эхлэл

Брэйв Лежэнд
Яг л нэр шигээ домог болсон мэргэн бууч. 18 насандаа армид элсэн 28 насандаа домог гэх нэрийг зүүсэн.  Тэррористуудтай тэмцэлдсэн 7 жилийн хугацаанд бүх зүйлс өөрчлөгдсөн юм. Тулалдсан тулаан болгондоо ялалт авчирдаг ч яг дотроо бол үргэлж ялагдал хүлээдэг өрөвдөлтэй нэгэн. Тэр үнэ цэнээ мэдрэхийг хүссэн, түүнийгээ ч авсан, гэсэн ч тэр дотроо хоосон нэгэн болж үлдсэн.

Хурандаагийн өрөөний гадна ирж Брэйв хэсэг зогссоноо хаалгыг тогшлоо.

"Эрхэм хурандаа таны тушаалаар мэргэн буудагч Брэйв Лежэнд ирлээ"

Тэр ёслон цэх зогсох ба үүнийг нь харсан хурандаа түүнийг бахархан харах аж.

Хурандаа:"Болно"

Тэр сул зогсон хурандааг ямар нэгэн зүйл хэлэхийг хүлээлээ. Тэр түүнийг дэмий дуудаагүй нь л лавтай.

Хурандаа:"Энэ бол маш аюултай даалгавар. Үхэж ч магадгүй"

Брэйв огтхон ч эргэлзсэн шинжгүй:"Би бэлэн эрхэм хурандаа" гэж хариулав.

Дайнд өнгөрүүлсэн 7 жил түүнийг үхлээс айх айдасгүй болгожээ.

Хурандаа түүний нүднээс юу ч олж харсангүй. Яг л сүнсгүй хий хоосон ангал мэт түүнд санагдана.

Брэйвийг 13 настай байхад террорист бүлгэм түүний эцэг эхийг өөр бусад мянга гаруй хүний хамт дэлбэлж орхисон нь түүний армид элсэх гол шалтгаан болсон юм. Тэр цагаас хойш өшөө авалтын тухай өдөр бүр бодсоор эцэст нь армид элсэж чадсан ч түүний төсөөлж байсан шиг энэ нь тийм ч амттай байгаагүй ажээ.

Хурандаа:"Чамайг бүх зүйлд бэлэн байдгийг сайн мэднэ. Гэхдээ чи энэ даалгаварт явах хамгийн анхны эмэгтэй хүн."

"Би бол цэрэг"

Хурандаа инээн:" Энэ бол маш нууцын зэрэглэлтэй даалгавар. Арван таван жилийн өмнө дэлхий дээр хар нүхний онцгой нүүдлээс болж маш том ангал үүссэн. Хүнтэй ижил төрхтэй хүн идэштэнгүүд бидний дэлхийд аюул учруулж байсан юм.  Гэхдээ манай хүн төрөлхтөний технологийн гайхамшгийн ачаар тэднийг зогсоож чадсан ч тэд улам хүчирхэгжсээр байна. Уг дайралтыг дэлхийн бүх орны засгийн газар хүн төрөлхтөнөөс нууцалсан.  Энгийн ард иргэд гэртээ тайван гэр бүлээрээ хоолоо идээд сууж байгаа. Харин бидний хийх зүйл бол тэр новшийн харийхнуудыг бүгдийг нь хядах. Тэр хараал идсэн заваан амьтад улам л хүчтэй болоод байна. Бид бүгдийн хар өгзгийг өшиглөхөөс өмнө тэднийг Есүс Христ рүү явуулах нь чиний үүрэг"