#سكر_وبناتها_1
[تربية الطفل يجب أن تبدأ قبل ولادته بعشرين عاما، وذلك بتربية أمه.]
ابتدأ دوامي في المستشفي بشكل روتيني كان لي تقريبا 6 شهور مما نزلت الشغل في احدي مستشفيات تركيا وفي اخر اليوم اثناء ما انا طالعه من المستشفي صادفت مراة ماسكه جنبها الايمن وتلتوي من الالم وبتصرخ وبتطلب المساعده جريت مشيت عليها وقعدتها في كرسي متحرك واول من دخلنا قسم الطواريء بصريخها اتلموا حولنا الدكاتره و من الاعراض الشكت منها واضح انو عندها التهاب في الزائدة الدودية وبعد الفحص والتصوير طلع فعلا عندها التهاب حاد في الزائدة الدودية ولازم تستاصل فورا دخلوها غرفة العمليات انا بعد كده خليتها ومشيت .. تاني يوم اول ما وصلت المستشفي مشيت سالت منها قالوا لي في الغرفة رقم كده ومشيت ليها .. كانت نايمة و ما شاءالله عليها رغم التعب الباين في وشها لكنها جميلة جدا .. شلت الفايل بتاعها اسمها هيلين واضح من شكلها انها اثيوبية عمرها في اواخر الاربعينات لكن شكلها اصغر من كده بكتير ، فحوصاتها كلها كويسه عندها بس سكري ونسبته عالية عشان كده كتبوا ليها انها ترقد يومين لحدي ما يظبطوا ليها نسبة السكري .. جات داخله الممرضه صحتها عشان تقيس ليها الضغط والسكري .. اول ما صحت و شافتني ابتسمت لي
هيلين: انتي الدخلتيني من بوابه المستشفي متذكره شكلك.. ( بتتكلم الانجليزية بطلاقه )
انا : ايوه دي انا .. حمدلله علي سلامتك .. اجر وعافية ان شاءالله رديت ليها بالعربي وبلهجه سودانية كمان .. قلت كدي اشوفها بتعرف عربي 😅 شليقة عارفه نفسي 😉
هيلين: 😲 بتتكلمي سوداني عديييل انتي سودانية؟؟؟
انا : سوداني وخليك سوداني 😂
هيلين: هههههه مافي كلام خلاص كدي اقعدي عليك الله خشم خشمين كده 😀 اسمك منو؟
انا: اسمي مريم 😍 مافي طريقة ونسة هسي عايزه يرفدوني من الشغل😅 لكن بجيك في البريك
هيلين : وانا هيلين عاشت الاسامي .. خلاص تمام منتظراك ما تطنشيني عليك الله 😀
انا: افو معاك بت النصري💪 بجيك ان شاءالله
طلعت مشيت شوفت شغلي و جيتا في البريك سلمت عليها تاني وسالتها كم سؤال عن صحتها حتي قعدت وابتدت الونسه
انا : انتي مقيمه هنا يا هيلين؟
هيلين : طبعا اسم هيلين دا لما زول يناديني بيه بستغرب انا معروفه ب اسم سكر 😅
انا : سكر سكر سكر وحياة عينيا سكر 👏🏻👏🏻👏🏻
صحي سكر 😍 شيكر علي قول الاتراك
سكر : هههههه شكرا من ذوقك 😘 .. انا ما مقيمة هنا بس بتي الكبيره مقيمة هنا و جيتا زياره لكن هي سافرت ليها كم يوم مع زوجها خارج تركيه لشغل وبجوا بعد 10 ايام
أنت تقرأ
مريم الأخرى 02
General Fiction📝 بقلم: مريم النصري سلامون عليكم 🙋ايي اكشاملار (مساء الخير😘) تعاااالوا احكي ليكم عن سكر وبناتها 👩👧👧 عابرين سبيل في حياتي اتعرفت من خلالهم علي عالم اخر او بالاصح ناس اسلوب حياتهم غيييير .. اسلوب حياة بعيد عني كل البعد ومرفوض تماما بالنسبة لي وح...
