حواديت

Chapter 2

2..

حبيبة ..

صحيت من النوم و قررت اني اشتم نفسي عشان صحيت ، اول يوم في اولي جامعة و بصراحة مش متفائل خالص ..

تيليفوني رن .. مين ابن السخيفة؟

حبيبة : الوو ..

رناد : انا بنت السخيفة🐸!

حبيبة : ها ها ها تنترارارن تنتن ، عايزة ايه.

رناد : يخربيت ابو تنترا زفت ديه ، يلا يا ماما انزلي انا واقفة تحت ننزل الزفتة سوا ..

حبيبة : رناد انا علي السرير :)

رناد : حبيبة انا هشتمك .. خمس دقائق لو ملقتكيش تحت همشي و اسيبك و تعالي مواصلات !

قفلت ف وشي🙂💔! احلي صباح الخير؟
قمت دخلت الحمام و ظبطت نفسي و خرجت لبست بسرعة و خرجت لقيت ماما بتجهزلي ساندوتشات ..

حبيبة : ماما انا في جامعة!

ماما : و ايه يعني؟ و يلا عشان اوديكي ..

حبيبة : رناد واقفة تحت مستنياني ..

ماما : احسن برضو ، الخطوبة امتي؟

حبيبة : من و احنا عندنا خمستاشر سنة و انتِ بتقولي كدة كفاية بقي؟

بصيتلي و ضحكت و انا نزلت لرناد بسرعة ..

حبيبة : قلتلك ميت مرة علميني السواقة و انتِ مش راضية!

رناد : فاكرة اخر مرة العربية قعدت اد ايه عند السمكري عشان كنتِ جربتي؟ فاكرة ولا افكرك؟

حبيبة : يووه عليكي يا رينو ده انا بهزر ..
الا صحيح الساعة كام؟

رناد : احم ايه؟

حبيبة : سبعة!!! مصحياني سبعة!! طب ليه؟ يعني احنا المفروض نبقي هناك تسعة اصلاً!

رناد : لسة قدامنا ثلاثة كمان و هنروح نفطر في اي حتة و بعدين هنروح .. و احتمال نروح متأخر كماان ..

رناد اتحركت بالعربية .. فضلت ماشية شوية و بعدين طلعت التيليفون من الشنطة و حدفته علي رجلي ..

حبيبة : اييييه يا بت !

رناد : معلش معلش ، كلمي روان خليها تنزل يلا و اول ما نوصل عندها كلمي ندي و فرح نزلوا ..

حبيبة : طب قولي الباسورد طب!

رناد : بقالي كام سنة عملالك فينجر برينت علي التيليفون و لسة بتنسي؟

حبيبة : اه صح ..

فتحت التيليفون و كلمت روان خليتها تنزل و كنا وصلنا عندها و هي خارجة من باب العمارة ..

روان : هيلووو جايز !

حبيبة و رناد : ياهلاااا

رناد مشيت و انا كلمت فرح و ندي عشان ينزلوا عدينا خدناهم طلعنا علي ماك نفطر💃🏻..

رناد : متتعودوش علي كدة ده بس عشان اول يوم ..

بصينالها بقرف و نزلنا الجامعة كلنا و كل واحدة دخلت محاضرتها ..
انا و فرح فنون جميلة و رناد و روان و ندي طب ..

خلصت محاضراتي و خرجت لقيت الباقي واقف مستنيني عند العربية ، روحنا اتغدينا و طلعنا علي بيت رناد بما ان النهاردة مفيش حاجة هتتذاكر ..

جهزنا الحاجة و القاعدة بتاعتنا و بدأنا بقي نتكلم .. انا نايمة علي رجل رناد و رناد ساندة علي الحيطة و فرح و ندي قدامنا نفس الحكاية و روان نايمة علي بطنها و رافعة رجليها كدة و ماسكة التيليفون كالعادة ..

روان : الواد ده هيجنني! عبرحمان هيجنني!! حيلو اوي!

حبيبة : صدقيني طول م انتِ بتقولي حيلو كدة مش هيبوصلك ..

رناد : اسكتي يا حبيبة كئابة انتِ

فرح : نفسي الاقيلها كراش..

ندي : هتعيش و تموت سينجل🤦🏻‍♀️💔

حبيبة : احسن حاجة ، مش بدل ما افضل عاملة زيكوا كدة؟ كل واحدة مهبولة علي واحد !

رناد : فككوا من الولاد ، متخيلين ان كلنا كنا نعرف بعض من علي النت منغير ما نشوف بعض ! يعني بوصوا دلوقتي ! احنا غالباً كل يوم مع بعض ! مين كان يصدق اننا كنا هنبقي كدة؟

بصينا كلنا لبعض و سكتنا شوية و بعدين ضحكنا ..

قعدنا نرغي ف تافاهات كتير بس عن ذكرايات مفيهاش حاجة مهمة ..

خلصنا و ماما خدتني من عند بيت رناد و روحت طلعت مسكت التيليفون شوية و نمت ..

" قالوا الحب ده سر الحياة ، ف عشت في وسطهم فاقد الامل .. "

..
تنترارااارن ، تن تن ..
اول بارت ، ايه رأيكوا يا بنات؟
ان شاء الله البارتات الي جاية هتعجبكوا اكتر ان شاء الله ..
"اقرؤا رغم الصعوبات بتاعتي و هنزل الجزء التاني من المشاغبة كمان شوية اهوه ان شاء الله"