رحت خفيت لبست حوايجي ولبستلو لبوخنونة(عثمان) غير فتحت لباب ويقابلني رحيم 😍ياه كي شباب قاعدة نخزر فيه 😳
-هو: علابالي مقدرتيش تقاومي جمالي يا مرتي العزيزة 😝
-أنا: سبحان الله لوكان ماجيتش زواخ كون راك خير 😒
-هو:(مع عثمان) قوللها لطاطا وسام بلي أنا شباب بزاف قوللها 😝
-عثمان: طاطا وثام ثكون هاذ البهلول ...ضرك نبيعلو لجدو ونقولو بلي راكي تدوري مع دراري 😈
-أنا: شد فمك عندك ولا نعاود نرجعك للدار 😒 ... وانتا يا راجلي الشباب وش ربحت 😒
حبطنا للتحت ودخلت فالطونوبيل تع السي رحيم .... معلاباليش مام پا وين راح يديني...
-أنا: رحيم وين راح تديني؟؟
-هو: راح نديك عند الطبيب تاع لامافيا ينحيلك الكلية تاعك ونبيعها ونتقاسم الدراهم مع بوخنونة 😎
-أنا: رحيييم باركا جياحة لولد راهو يسمع 😣
-عثمان: عمو ثح راح نتقاسمو الدراهم 😍نقدر نشري بذاف ثيكولات كيما لي كلاتها لبالح طاطا وثام وحدها ؟!
-انا: كليتها وحدي ازلد الكلب ماشي نتا لي قاعد تنوح وكليتهالي كامل
رحيم قاعد غير يضحك 😬
-رحيم: راك تشوف طاطاك وسام بوكريشة 😂 ...
حبس الطنوبيل فالباغكينڨ وحبطنا 😍واااو حبييتو رحيم علابالكم وين جابنا جابنا للباغك 🎢🎡🎠
رفدت عثمان وقاعدة ندور بيه كي المهبولة 😂
-رحيم: هاذي ڨع فرحة 😟 لوكان عرفت بلي كرتي مسكينة مراحتش للباخك كون ني جيت خطفتك على البكري😂
-أنا: خلينا مجياحتك وخلينا ندخلو نلعبو😏
-رحيم: انا كنت رايح نديك تاكلي مي كي جبتي بوخنونة جبتكم للباخك😂
دخلنا وهاذاك البوخنونة تع عثمان قاعد غير ينوح 😒 ركبت فالطومپوناج وحدي و رحيم وعثمان فطونوبيل وحدهم قاعد غير يخبط فيا😂
وبوخنونة خايف 😒ويبكي لخنونة تطاير من نيفو😂حرت فرحيم كيفاش حتا ولا يحبو 😐
بدات تطيح الظلمة بوخنونة رقد 😑 رفدو رحيم وحطو فالطونوبيل
قاعدة لبرة مع رحيم ...
-انا: اشريلي شلاغن لمعيز😭
-رحيم: شلاغم وااش😦😦
-أنا: لمعيز😢
-هو: جامي سمعت بيهم هاذو 😑
وريتلو وحد الطفلة كانت تاكل فيهم
-هو: 😂😂😂يسموها لحية بابا ماشي شلاغم لمعيز 😂😂
-أنا: المهم تشبه لشلاغم لمعيز😒
ناض جاب زوج 😐 واعطاهملي فيزوج 😍 انا ناكل وهو يغزر فيا نحيت شوية وحطيتهولو في نيفو 😂 ولا يضحك
هو زعف وشنف 😦
-أنا: شبيه البوڨوص تاعي زعفان
قاعدة نمسحلو علا شعرو 😋 هممم عندو وحد الريحة 😍 تقتل 😜
دار لعندي وقاعد يدغدغ فيا انا نضت وهربت نجري جا يجري مورايا 😂
حكمني وانا نعيط بهاذاك الصوت الجميل الذي يشبه صوت الغربان رفدني وحطني فالطونوبيل
-رحيم: ليوم يقتلنا السي مصطفى😥
-انا: يقتلني انا برك😂
-رحيم: او انا ليمن نقعد😥
-انا: اسكت علينا 😒
شدلي يدي وباسني فجبهتي 😱يااي حبيتو 😍
لحقنا للدار .......
يتبع.....
أنت تقرأ
رحيم 💍 باللهجة الجزائرية 🇩🇿
Romanceحكاية بالاهجة الجزائرية تحكي علا طفلة عايشة فاميلية محكومة 😕ويززجو بناتهم بالطريقة التقليدية بطلة لحكاية طفلة اسمها ويسام راح تتزوج كي هي كي خاوتها بالطريقة التقليدية لكن هاذ المرة زهرها وقف معاها وتبدلت حياتها 😍 رومنسية تع هنودا ممنوع علي ذوي...
