"يا معلمة ، يا معلمة تايلور ، ألحقي يا معلمة" بتصحى الصبح على صوت عالي و هي اتقل ما علي قلبهاا هو الصوت العالي، هي تعلي صوتهاا اه لكن حد يعلي صوته و هي عايشةة لاا اومال..
بتقوم و بتلبس حاجة تسترهاا اصلهاا بتنام بقميص النوم البتنجاني الحلو بتاعهاا. بتبص من شباكهاا المُطل علي احسن حارةة في الحسين كله بالعباية ام ترتر الحمراا و الإشارب الأصفر أبو كور ملونة الملفوف حولين دماغهاا.
"فيه إية يا وااد يا كنكة؟ بتصحيني من النوم ليه كداا بصوتك المعفن داا"
"ألحقي يا معلمة في خناقة على اول الشارعة بين المعلم حشيشة ، و المعلم غوزهاا"
"خناقة؟ و مين داا اللي يستجرأ و يتخانق في منطقتي؟ داا أنا المعلمة تايلور و الأجر على الله كبيرة الحارة دي كلهاا ، وريني يااض فين الخناقة دي" نزلت المعلمة تايلور بعد ما خدت العباية بتاعتها و لبست حتتين دهب و السلسة ام خروة زرقاا تخزق بيها عين الحساد ، خرجت من باب البيت و وراهاا كنكة الدراع اليمين بتاعهاا و ماشية و بكل ثقة.
كل شبابيك الحارة مفتوحة و الستات واقفين يتفرجوا و جمبيهم اجوازهم بيسبلوا للمعملة تايلور.
وصلت المعلمة تايلور على ناصية الشارع قدام القهوة بتاعتها و لقت فعلاا المعلم غوزهاا واقف و قدامة و قدامة المعلم حشيشة و الخناقة هتقوم.
"وسع يبني للمعلمة ، المعلمة تايلور وصلت !!" الحارة كلها سكتت و مستنية تشوف المعلمة تايلور هتعمل اية؟
بيجيب كنكة القهوجي كرسي و يحطه في نص الشارع بعدين يتف عليه و يمسحه بالفوطة اللي كانت معاه.
"الله يقرفك يمعفن ، غور يااض من هناا"
"إية الحكاية يا معلم منك ليه ، مش عيب تبقوا رجالة بشنابات و تتخانقوا في نص الشارع؟" حطت رجل علي رجل في وش الناس و الشبشب أبو وردة اللي ممكن يتفلق من كتر بص ستات الحارة فيه.
"الحكاية يا معلمة ان الواد النتن داا ، ضحك على البت كيداهم بتي و عشمهاا بالجواز و كان رايح جاي ، داخل خارج واكل شارب طافح ببلاش ، و بعد كداا يقولهاا كل واحد مننا في طريقة ، النتن ابن النتن"
"ما تلم نفسك يمعلم غوزهاا و لم بنتك المعفنة دي ، دي حتي متجيش حاجة قدام البنات اللي الواد هاني ابني بيشوفهم كل يوم" بتبص تايلور على هاني ابن المعلم حشيشة بتلاقيه بيرفع شعره بتفة و لابس بنطلون ساقط و مقطع.
"ما تقف عدل يااض أنت بدل ما أفلقك نصين ، انت واقف قدام المعلمة يلاا ، داا انا المعلمة تايلور سويفت روز و الأجر على الله"
"قصره الواد هاني هيستر البت كيداهم بت المعلم غوزهاا و الدخلة يوم الخميس" قامت و سابتهم كلهم مبلمين و لسةة هاني بيستوعب انه اتدبس قام باصص لكيداهم لقاها بتغمزله قام واقع عالارض فاقد النطق..
أنت تقرأ
المصري Logic.
Humorتست تست واحد اتنين تلاتة ، الو الو ، ايوة كداا اللي وراا سامع ، طب يلا استعناا على الشقاا بالله ، قرب قرب قرب. لا تقولي زين مالك طالع دارك بيعذب البطلة و يطفي سجاير تحت باطهاا ، ولا تقولي سيلينا طالعة علطول كيوتي جيرل ، ولا هاري اللي موقف بنات الجام...
