ندى:: المهم دلوقت ى عايزك تاخد ماما وتنزلها البيت فى مصر وتعرفها كل حاجه وعرفها انى هسافر وانى هاعمل كده علشان خاطر بيتى وجوزى واختى وعلشان نفسى احميها من الشر بتاع الناس دى فاهمنى يابابا
حسنين:: حاضر حاضر طيب ماحنا نفهم حماتك ومصطفى وابوهم كل حاجه
ندى:: مش هايصدقوا حتى حاول تتكلم من بعيد وشوف رد فعلهم
حسنين:: هجرب قبل مانخاطر
ندى:: عمرها ما تصدق ان 😞😞يابابا يابابا لما يبقى فى دليل احسن لنا والحمد لله ان آدم عملى توكيل بالتصرف مكانه
حسنين:: خلاص يابنتى الخير ربنا يقدمه
ندى:: يارب
خرج حسنين وهو بيكلم نفسه يااارب الخير قدمه لبناتى انا ماليش غيرهم هند حالتها خطيره وندى بتعرض نفسها للخطر بسبب إللى هاتعمله يااارب احميهملى واحفظهم يااارب يارب من إللى يتمنلهم الشر ومن أنفسهم
خرج واتجه إلى بيت آدم واول ماوصل دخل لاقى الكل هلال وسيده وفرحه ومصطفى
حسنين:: السلام عليكم
الكل:: عليكم السلام
قعد على الكرسى وحط رأسه بين ايده
سيده:: مالك ياخايي البنته كويسين
حسنين:: اتعدل اه الحمد لله بس انا شاكك ان ده حد بينتجم منيهم
سيده:: واه واه ياخايي عمر الانتجام ما يوصل للجتل خالص
هلال:: ولنفترض انه انتجام إللى هاينتجم مش فى الجتل لا هينتجم فى خراب البيوت او فى الشغل لاكن مش جتل
حسنين:: لالا يمكن يكون حد من البيت اهنيه
سيده:: لاه ياخايي كل إللى فى البيت يعرفوا ربنا حتى لو فى شويه اختلاف بس ماتوصلش للجتل ولادى يختلفوا لاكن مايجتلوش حارمهم كمان اكديه يتخنقوا مع بعض يوقعوا بين بعض لاكن مش توصل للجتل
فرحه:: يا خال اطلع ارتاح علشان هتتعب على الفاضى
حسنين:: فهم كلام فرحه طيب عن اذنكم هطلع اريح وهو قايم صح انا هوصل ام ندى بكره مصر
سيده:: ليه اكديه سبها معانا
حسنين:: لالا
هلال:: ليه هاتجعد لوحدها
حسنين:: لاه مع اختها تصبحوا على خير
__________haydy_________
سحر:: الو
خالد:: ايي ده انا بحلم ولا بجد
سحر:: لالا بجد ولا انت مش عايز تتكلم معايا
خالد:: واه واه هو ده حديت برضك
سحر:: طيب هاتيجى تقابل ماما امتى
أنت تقرأ
صعيدي بين الجفون (الجزء الثاني)- الكاتبه هايدى محمد
Romantikجميع حقوق الملكية تخص الكاتبه هايدى محمد وما الحزن الا صدأ عميق يتغلغل فى النفس و العمل بنشاط هو الذى يقوى النفس ويصقلها و يخلصها من احزانها فالانشغال بالعمل هو خير دوى للوجع و الاحزان و لكن ليس فى كل الاحوال .
