هلو اني اسمي زينب مواليد 1998محجبة وملتزمة دينيا الحمد لله شكلي ملامحي عاديه حلوة ورشيقةو ناعمة احنه جنه ساكنين بغداد بيت بسيط زغير بي 2 غرف ومطبخ وتواليت ➕حمام احنه اتلث بنات سارة الجبيرة واسراء واني الزغيرة وتلث ولد حسين وحسن وعباس والدي رجال كبير بالعمر وولدتي هم كبيرة بالعمر و فقيره كلش انتقلنه لكربلاء 2007 بسبب التفجيرات أخويه الوسطاني حسن تصوب وشلنه من شلنه اني جانت صف رابع ابتدائي يعني ستوني نجحت للرابع رسبت بلرابع لأن جنت متعلمه ع غير جو مو بس اني رسبت اخوي الاكبر حسين من هم رسب اني اخر العنقود 😂😂😂 واختي الوسط اسراء جانت رابع اعدادي وحولت تجارة واخوي الصوب حسن ترك يعني ادهورت حالتنه كلش لان متعلمين على جو كربلاء بعد سنه اني واخوي الزغير عباس نجحنه واخوي حسن داوم وحسين اخوي الجبير جان ايبع ادوات منزلية وجانت وحدة مة جبيرة اتبيع يمة دلالة وكلتله اني ازوجك بنت ابني واتزوج اخوي واختي الجبيرة سارة تركت المدرسة واتزوجت ابن خالي الجبير واسراء هم اتزوجت حمة سارة وضليت بس اني بلمدرسة تغير الحال وتعلمنه عل الوضع وصلت صف سادس ابتدائي اني من الطفولة اني لابن خالي واني جنت مااحبة اخوية حسن صار سادس اعدادي خطب بنت خالي ٢٠١٢ضلينة انجهز الخطوبة اخوي ونعدل ونسشور الحفلة مختلطة ولد وبنات لان خطوبة فبلحفله شفت ابن خالي اسمة كرار وروحي اتعلگلت بي واسال اخواتي علي لان هو حماهن الزغير من يجن خطار الاهلي اشويه اسولفلكم عن كرار مواليد ١٩٩٢ شكله حلو اسمر والعيون عسلي والجسم حلو متناسق وعندة سكسوكة 😍
اني _اكولج سارة اسالج سؤال بس مستحية
سارة _😂😂 كولي حبي علويش هل المستحة
اني _اكلج حماج كرار مرتبط 😅
سارة _اشلون يعني 😂ولج هو حته مخاطب بس مادري يحب لا وانتي لويش اتسالين 🤔
اني _ الصراحة يخيتي اختج وكعت ومحد سمة عليها 😁
سارة _اشلون ولج شكو
اني _ ولج حبيته من كل كلبي اشكد جنت مااطيقة اليوم شفته بلحفلة روحي اتعلكت بي 😍
سارة _ حبيبتي عوفي هذا ميفيدج ميحبج ترة والله ،
اني _لا بربج سارة فدوة لتكولين هيج _
سارة _والله لا يحبج ولا سال عنج شيلي من راسج هل الفكرة وانتي تعالي اكولج انتي بعدج ازغيرة وينج وين هل الحب اهتمي بدراستج احسلج ترة عندج اخوان لو يدرون بيج اكسرون راسج
اني _لا عفية سارة خليها بيناتنه فدوة
اجت اسراء _ولجن صارلي ساعة اصيح تعالن انصب غدة اجوي ابوج واخوانج يلا اني رجلي كلي للتاخرين خلي اتغدة ابسرعة حته ارجع
سارة _لا ولج شنو ورة الغدة نرجع فد ساعة ونرجع اصلا سامي كال اليوم يتاخرون بلشغل
اسراء _علواه ديلا تعالن والله كريم
والله اتغدينه ويا محلات اللمة امي وابوي ربي لا يحرمني منهم واخواني اخوي حسين هو مرتة جاي ايغور بيها
حسين _اليوم اجتي وحدة للمحل اتريد ماسحة اتمنيت اني ماسحة 😁
مرة اخوي ضاجت😢اشويه وشاورهة وبتسمت 😊 واحنه نضحك عل سوالفهم وجهال اخواتي كاعدين ياكلون لكمة ويركضون واخواتي ايصيحون وخلص الوقت ابسرعة ابسرعة
غسلنه مواعين ويه مرت حسين اشويه وصاحها حسين وراحت واحنه نضحك عليها والعصر راحن اخواتي صعدت الغرفتي اقرة واتذكرت حجي سارة بلكي جذب ياربي اشلون اني حبيته 😢 واني جاي اتصفن نمت محسيت الا عل صوت امي
ولج الدنية المغرب وقت نوم كومي بخري البيت
اني _يو يا مامة يومية
امي _لعد اشلون ياامي هاي تبعد العين النكسة والنفس عن البيت
اني _اوك مامتي تدللين 😇اشعندي غيرج يااحلى ام بلدنيا 💖
امي _الله يهديج 😊
جنه متفقين خطوبة اخوية حسن تستمر سنتين الى ان يتخرج من المعهد اتخرج من المعهد وضلينة انحضر العرس اخوي وكلساع امشغلين اغاني ونركص وكلساع امي صايحتني اسوي شغلة واني اشويه واغلس 😁 واروح وية البنات اركص واخواتي طبعا بايتات قبل العرس باسبوع 😂😂 جهالهن شياطين 😈مخلو ثلاجة مفتحوها غراضي كلساع الكة شغلة بمكان وهسة بلحفلة يم النسوان جاي ايركصون ويصيحولي ننب جيبيلنه كيكة شربت علساس اشتغل عند الخلفوكم 😢 لا اكلكم ولا اتكلولي عل مخلص عرس اخوية اني متكسرة من الشغل ومن جهال اختي بس ايزبلون صعدو العرسان وضليت اباوع وراهم وتخايل روحي اني العروس وية كرار 💑 ابوي صاحلي
زنوبة حبيبتي جاي واخواني هم رادو جاي خرب بحضي خربو عليه اللحظة
بابا _زنوبة اتسمعيني
اني _اي بابا اي جاي اسمعك بس اشوية صافنه عندي باجر مدرسة ومقارية
بابا _لترحين باجر مدام معندج امتحان
اني _اي بابا هو هم هيج
رحت اسوي جاي الهم وبعدني جاي افكر بلعرسان وافكر بحجي سارة اخاف صدك ميحبني
صاح بابا
لج زنيبة جاي لو باجة
اني _اي بابا هياته خلص صبيته وقدمته الهم وهمة جاي ايسولفون عل العرس عفتهم وطلعت كلتلي ماما
يلا يوم ايدج وياي خلي انضف هاي الهوسة باجر الصباحة راح يجون العالم
#
