The Silence of Darkness

- The Silence in the Darkness

တစ်..နှစ်..သုံး..လေး..ငါး..ခြောက်..ခုနစ်

ကျွတ်စ်.........

ကျွန်တော် လက်လျှော့လိုက်ပြီ။ မျက်နှာကျက်ရိုက်ထားသော ပျဉ်ပြားများကို ရေတွက်နေသည်မှာ ဒါနဲ့ဆို လေးကြိမ်မြောက်ဖြစ်သည်။ တစ်ဆယ်အထိပင် မရေတွက်နိုင်သေးခင် ဝေဝါးလာသော မျက်လုံးအစုံကို ခဏခဏ မှိတ်ချပစ်နေမိတာမို့ ဒီတစ်ကြိမ်မှာတော့ ကျွန်တော်အရှုံးပေးကာ ရပ်တန့်လိုက်သည်။

အိပ်ရာမဝင်ခင်ကတည်းက အခန်းမီးအားလုံးမှိတ်ထားခဲ့သည်။ အခန်းရှေ့လျှောက်လမ်းမှာထွန်းထားသော နှစ်ပေမီးချောင်း၏အလင်းရောင်ကသာ ခပ်စိတ်စိတ်ရိုက်ထားသည့်မှောင်တန်းတွေကြားကနေ ခပ်ဖျော့ဖျော့တိုးဝင်နေသည်။ လုံလောက်သောအလင်းရောင်မရှိ၍လည်း မျက်နှာကျက်ပျဉ်ပြားတွေကို ရေတွက်ရခက်နေတာဖြစ်မည်။

"ဟူး"

သက်ပြင်းတစ်ချက်ကို မှုတ်ထုတ်လိုက်မိသည်။ လေပူတွေက အထက်ကိုမတက်ဘဲ ကျွန်တော့်မျက်နှာပေါ်ကို ပြန့်ကျဲပြီးကျလာသည်ထင်မိတော့ မျက်နှာတစ်ပြင်လုံး ပူဆာဆာကြီးဖြစ်လာသည်။ ရေတစ်ခွက်လောက် ထသောက်လိုက်လျှင် သက်သာမည်လားမသိ။ သို့သော် ခန္ဓာကိုယ်ထဲ ရေတစ်ခွက်လောက်ထပ်ဖြည့်ရုံနဲ့ ထူးပြီးအေးမသွားနိုင်ဟုတွေးမိတော့ မထဖြစ်တော့ဘဲ ငြိမ်နေမိပြန်သည်။

အိပ်ပျော်သွားရင် ဘယ်လောက်ကောင်းမလဲလို့စဉ်းစားမိတော့ စာအုပ်စင်ထောင့်က အိပ်ဆေးပုလင်းကို မြင်ယောင်လာသည်။

"အိပ်ဆေးတွေအမြဲမသောက်နဲ့၊ အကျင့်တွေပါမယ်။ ဒီတိုင်း အိပ်ပျော်အောင်ကြိုးစားအိပ်"

သူ ဒီစကားကိုပြောခဲ့တာ ဘယ်တုန်းကပါလိမ့်။ လွန်ခဲ့သောနှစ်နှစ်လား၊ သုံးနှစ်လား။ အမှတ်တရတွေကို ကာလမဲ့သိမ်းဆည်းထားချင်မိတာကြောင့် နှစ်တွေကို နောက်ပြန်မရေတွက်ခဲ့တော့ ဘယ်လောက်ကြာခဲ့သလဲ အတိအကျမသိနိုင်တော့။

အိပ်မပျော်မယ့်အတူတူ အေးအေးဆေးဆေးမှဖတ်ရန်သိမ်းထားသော ဆောင်းပါးကလေးတွေ notes ထဲဝင်ရှာဖတ်ရလျှင်ကောင်းမလား။