ام زهراء
8
رجعت للبيت....رحت للموبايل فتحته ماكو اي مكالمه او رساله من عماد
ليش هالتغير
شنو الي صار مني.. ماتوقع ضوجته بشئ
اغلب اوقاتع يطلب مني طلعات
وكنت ارفض
وكان يحاول وياي ..اكثر وقته صار خلي نطلع
وانتي هم نفس زينب
مرت اشهر
وعماد نفس الاسطوانه مالته
اريد نطلع واحجي وياج
وليش ماتقبلين
وانتي ماتثقين بيه ....واني مليت منج
وانتي حالج من حال زينب
هم طمعانه بيه
وامتحنه نهائي
واخر امتحان .. اجت زينب فرحانه
ولمن سالناها كالت انخطبت . والعصر حفلة العقد مالتها
والكل البنات باركوو الها
زينب عافها عماد بسببي اني
حسب ماعرفت كان قبل يهدد بيها وماتكدر تعوفه... وكل ماتعووفه يجيها لدوام
بس بفضلي اني وبفضل غلطي وغبائي
عافها
واني الي وكعت بيها ...
اني الي تورطت
زينب انخطبت رسمي
وسوت حفله جبيره... وكل البنات راحو الها بس اني ماقبل حيدر اروح
هسه بعد زينب انخطبت
وبعد عماد ماعنده اي عذر
نفس اليوم
اتصلت عليه.. كان حيدر طالع بغير منطقه لازم بيت
ومارجع. للبيت
بقه عند بيت عمتي هناك
اهلي نايمين
رحت للسطح
دزيت رساله.... اذا فارغ. اتصل
دقائق واتصل
الووو
هله عماد شلونك
الحمدلله..... شلونكم
اسال عنك ....وين
موجود .... سويها مره غلطه واتصلي انتي
تعرف ضروفي عماد ..لو عندي مااقصر
اي كلجن عالعذر هذا انتن 😒
عماد
خير
زينب انخطبت
شنووو
نفس ماسمعت
أنت تقرأ
أمنيات طالبه
ChickLitقصه منقوله للمبدعه ام زهراء اكيد حتعجبكم تحتوي علئ خمس قصص لطالبات وحقيقيه ...علئ لسان صاحبتها
