قصتي مع بائعه الجمله

جزء 18 والاخيرر

الجزء الثامن عشر

الكاتبه ام زهراء👏👏

نور**** تعرفون شنو اليوم لولا

اليوم زواجي من كلبي علي👰

اريد اوصل الكم فرحة كلبي مااكدر لان ماكدر اعبر ابد ابد

جهزت نفسي رحت لصالون رتبت نفسي كلش راح نروح فندق مانروح للبيت ... كنت خايفه من زينب خاف تسوي شئ .. رحت لبيتي رشيت بيه تربة الامام الحسين

خليت بيه ايات وسور معلكه هواي شغلت بيه قران هواي حته وصيت علي كل ما يروح للبيت يشغل التلفزيون علئ القران حته يطرد كلشي مو زين

رحت لصالون وجهزت نفسي ورجعت لبيت اهلي اخذني علي بسيارته وحدنه واجوو كم ولد وياه اقاربه وهوسوو بالباب ووصلونه للفرع مال منطقتنه وطلعنه للنجف وحدنه .. دخلنه الفندق اوووف احلئ ليله بحياتي مانساها ابد ابد

علي// يمي اكعد يمي اكل يمي كلساع اطلب منه يضربني حته خاف يطلع حلم هو عضلات وطول كلساع يشيلني ويفر بيه الغررفه طلبت من نتعشا ونروح للامام هنا اطلب منه يحفضني ويقدم الي بيه خيرر

وفعلااا رحنه زرنه وندعينه هوواي وصلينه

ورجعنه للفندق .... وماحجيلكم بعد شصار تعرفوون😳😳 ... واحلئ ليلئ بالعمر والله

صار الصبح كعدت قبل علي&&& ضليت اباوع بوجهه مامصدكه ابد اباوع واضحك وكلساع ابوسه واشمه واسوي شغله كعد علي

علي// يمه فدووه لصباحج💞

نور// رحت يمه فدوه لطولك ولعيونك علي احبك احبك الحمدلله ربي ماقصر ويانه وعوضني بيك علي انت شمسي

علي// ياروحي وعد مني ماخليج يوم ضايجه

نور!! انتي مثل المسجون الي كان بمكان اضلم وتايهه وانتي نورتي اليه دربي بنورج احبج😘😘💗💗

واجه يشم بيه ويبوس بيه

كعدنه سبحنه وكملنه طلعنه نتريك بالمطاعم برره

بقينه 4ايام هناك وحدنه عشنه اجمل ايام حياتنه ماانساها ابد ابد لو شما صار

رجعنه لكيت زينب بالبيت كدامي*** سلمت عليه وكعدت يمي

خفت منها كلش خفت جايبه شئ وياها للبيت اجوو اهلي

جابولنه ريوك وياهن وكعدوو يمي اختي ساره جاي اتابع زينب وشابت حرمل بخرت البيت ورشت البيت كله من ماي زمزم لان عمتها جايه من العمره

طلبت من علي* يرجع زينب وهيه عند اهلها واني بيتي وحدي عايشين اني وعلي حياة ماكو مثيل الها.. بعدني اداوم محكمه والحمدلله مرتاحه.. من اول شهر حملت وصار عدنه بنيه اسمها شمس☺ (( علي اختار الاسم يكول انتي ضويتي حياتي )

علي ماكوو ابد ابدد منه..

زينب صارت زينه بس تغار مني وكلما علي يروح يمها تضل تتهم بيه وطبعا علي راح حلفها بعد ماتسوي اعمال ابدد وحلفت بكتاب الله هيه وامها

بس علي يروح الها ويجيني ضايج

كم مره يكول اخر مره اروح الها بعد

بس اني اكوله علمود عمك

لاتنسه هو جمعنه وزوجنه وماقصر وياك ..,اني ماانسه فضله عليه لان تقبل زواجنه

يكول من اروح تضل تجيب عليج كلام كله جذب وتنافق واني انقهر

كتلها// اني باقي وياج لخاطر نور هيه تجبرني اجيج ومااطلكج لخاطر شيبات ابووج😒

مرت سنتين اني عندي شموسه بنتي**-- علي ابد ماامل من حضنه مامقصر ويانه ابد ابد.. جاي يشتغل وي عمه بلمحب لهسه...

(((😍ياويلي شكد احب هذا المحل ههههههه)))

علي*** عشت اجمل ايام عمري وي نور** عشت كل يوم كأنما بسنه من السعاده حضنها كان حضن ام مو زوجه من اتعب بس اجي لحضنها ولعطرها انسه كل تعبي وايامي ذيج

تمنيت من زمان اعرفها😍😍

تمنيت من زمان هيه زوجتي وحدي بس

من اكعد يما اموت ضحك ووناسه شموسه بتنه تخبل هسه هيه حامل بس اول اشهر بعدهي مانعرف شبيها

كلشي يجي عادي المهم تكوملي بالسلاامه فقط

نور*** اني خلصت قصتي كتبتها الكم بعد اريد ارائكم مو ماتعلقون

من اشوف تفاعل انزل قصه جديده الكم بعد

قصه حقيقه فقط اسم البنت وزوجه والولد مستعار....

نتمنئ لهم سعاده دائمه

النهايه😊😊😊😘😘