اغتصبني والله مخيبنيش

3

وصلنا فيلا مطلوبة تقدمنا وحنا خايفات دقينا خرج لينا واحد ولد
انا : سلام خويا هاذي دار حمزة
ولد : اه اختي شكون انت
انا : انا اية وهاذي رجاا صحبتي اليوم كان جاي يخطب صحبتي وتعطل وخفنا تكون وقعاتليه شحاجة
ولد : ( ملامحو تبدلو ) سمحولينا انتوما ماشي اي واحدين ديما تدرها را مزوج وعندو ولاد وتتفلا على بنات
رجا سمعات هاذيك هدرة سخفات ماشي ساهلة شمتها
ولد مشا جاب ليها تشرب
انا ،: شوية
رجا : شوية ماشي حشومة عليه عرضت على ناس وكلشي اش غادي نقول ليهم
ولد : خايبة ماشي ساهلة حمدي الله لعرفت دبا كون تزوجتي بيه وعرفتي مزوج وعندو ولا د اشغادي ديري غادي جي نهار وربي ينتقم منو را عينا والو مبغاش يحيد هاذ قاعدة سمحولينا
انا : صافي ارجا لعطا الله عطاه يلا نتحركو دبا نواجهو الناس ويقدرو يكونو مشاو
رجا : معنديش وجه علاش دار هكا معايا كون فير معرضتش على ناس هانية ولكن عائلة يشمتو في
انا : لي بغا يدوي يدوي مهم عرفتيه على حقليها
تحركنا من تما ركبنا في طاكسي لي دنا ورجا حالتها حالة غير كتبكي اتصلت بماما عاودتليها على لي طرا واتصلت بخالتي
انا : خالتي امدرا مشاو ضياف
خالتي : مزال اشدرتو
انا : والو صدق مزوج ولد حرام هاذي هي قاعدتو تتفلا على بنات مهم قولي ناس دار كسيدة وحنا معاه في كلنيك باش يشدو فمهم وهي غادي نديها معايا
خالتي : وخا ابنتي ردي بال ليها
مشينا دار. عاوناتني ماما عاوناتتي في تنفيس عليها من فقصة شوية ارتاحت
ماما ؛ بركا عليك ابنتي من بكا واش هو راجل وحيد لكاين حمدي الله لتفرش قبل وقت
انا : اه ارجا ولاد حرام كان بغا غير تفلا داكشي ديال انترنيت ممنوش
رجا : ولاد حرام فكل قنت كثرو. انا بقا في غير. شمتني كون فير معرضتيش على. ناس
انا : نفرض خطبك وتزوجتي وصقتي خبار غادي نفعوك هما يدوو يدوو متصوقي حد وهزي راسك فو ق لعل بوهم لبكي هاذ عوينات
ر جا : هههه ضحكتني ومفي لضحك
انا : ضحكي مطلعاش مطلعاش لما نضحكو يلا نتخمدو هاذ نهار. متورخ عندنا
✍✍✍✍✍✍✍
اصبحنا واصبح الملك لله نضت
صباح على صوت غوات
انا: صبحنا على الله مالك صابحة تنقزي
رجا : عرفت شكون عيطليك
انا : شكون
رجا : عرفت ديك مسابقة لشاركت فيها في انترنيت ديال احسن فكر ة مشروع
انا : اه عقلت عليها مالها
رجا : عيطولي قالولي جي فرنسا نخدم مع واحد
شركة تجارية عجبوهم افكار ي انا فرحانة واو
انا : ياك تهنيت من داك شماتة طلعتلي بمشروع وانا لمن تخليني حشومة عليك
ر جا :ويلي على حمقة رتب اموري ونصفط عليك انا وياك متفرقنا غير موت نسيتي لى وعد لعطناه من كنا صغار
انا : اه عهد بالدم تانا خاصني نشغل راسي بشحاجة
رجا : اه ضروري جلسة في دار خايبة غير نقاد اموري نصفط عليك
انا : امتا غدا
رجا : من هنا شهر
انا : افففف بهاذ سرعة اوا اش غادي نقول ليك الله يسهل عليك وعلي
رجا : عر فت مكرهتش نتزوجو برجالا خوت ولا صحاب
انا : وي والله وي كون شخصية قوية وعزيز عليه تفرشيخ ياسلام
رجا : اصلا انت ديال تفر شيخ
انا : ( ضربتها بمسند ) ياك امك
بقينا كنتشايرو بالمخاد تدخلات ماما لقات بيت تضحك بلا سنان
ماما : تبارك الله على عزبات اش هاذ حالة نوضو جمعو بيت وجمعو دار ولحقو علي عند مامات رجا
انا : واخا .... دوزت مع رجا ايام بزز تامها قبلات غربة ماشي سهلة خصوصا عمرها ممشات جاب الله كاين عما تما عمها تجلس عندو بما استقر ت
اتصلات بي والدة نجي لدارنا ودعتهم وتميت جايا دار كنشوف شي طنوبيل تابعاني معرفتش مالي وليت مخلوعة من خيالي واش هاذشي بصح ولا كنتهيا هزيت صلاطي وضربتها بجريةةتال دار نا طليت مبان لي تحد وقيلا كنتخيل
طلعت دار لقيت والدي وخويا جالسين تتعشاو
انا : سلام عليكم كتعشاو بلا بي
رضا : اففف تقلت غادي ناكل حقي وحقك
انا ،: ضربك على كرشك تساخر لهيه عرفين عزيزة علي رفيسة ومتعيطوش
ماما : بشوية عليك انت دايرة سباق ماكلة مغاديش تهرب
بابا : خليها تاكل خير موجود
انا : الله يخليك لي
دخلت فماكلة طول وعرض ماهزيت راسي تاكملت ههعع
مشبت درت اتاي باش نهضم ههعع تعيط لي والد
انا : وي بابا
بابا : جلسي ابنتي بغيت ندوي معاك
انا : الله يسمعنا خبار الخير
بابا : فكرت تاعيت قلت نخليك تشقي طريقك انت حنا مغاديش ندومو لينك تلين غادي تبقا حاضيك انا واثق فيك لكن ديابا كثرو ابنتي الحاصول ربي يحرصك مكينش حسن منو
انا : ( عنقتو ) الله يخليك لي كنواعدك مغاديش تندم ونهز راسك فوق
بابا : عارفك راني مربيك وعارفك
دخلت بيتي نقز ونخقز واخيرا غادي نخرج نخدم انا فرحانة بزاف انصلت برجا عاودتليها لي طرا مكاينش لمقلتها ليه دبا حان وقت باش نقلب على خدمة جبدت دبلوماتي قديتهم باش غدا انشاء الله تبدا رحلة البحث عن عمل .....
بعد مركبات تفارقنا كل واحدة وجهة ديالها ترى اش مخبي القدر الحبايب
هذا نهار جديد احداث جديدة فقات البطلة ديالنا على صوت تلفون تصوني
انا : الو
بنت : مدموزيل اية
انا : وش شكون معايا
بنت : حنا شركة MEDICAاتصلنا بيك باش تجي دوزي امتحان اذا كنت مخدمتيش
انا : ( بفرح ودهشةة) اه اختي معاش
بنت : مع عشرة صباح نهارك مبروك
واخيرا ربي غادي سهل علي بعد عام من شوماج غادي نحقق حلمي ونرفع راس والدي
مشيت نفرح ماما خرجت عندها كنغنيةونشطح
انا ،: ست حبايب بركيلي انا غادي نخدم
ماما : على سلامتك مني غادي تخدمي غير تخرجي من دار من نهار سافرات رجا وانت كئيبة مضيومة الحمد لله هاكي هاذ فلوس ) 1000 سيري شري حوايج باش تبداي الخدمة را كلشي على مظاهر
انا : الله يخليك لي ياست الحبايب
حنا الحمد لله ميسورين ماشي فقراء وماشي اغنياء الوالد متحرمنا من والو وتاحنا مكنتشعبطوش
لبست جلابتي ودرت زيف خرجت قساريا لحدانا خديت خذاء عالي فمجال لي غادي نخدم فيها تبغي واحد يكون انيق وشريت شي قوامج وتجين وشي شالات ملونة ودخلت دار في خلعة غادي نبدا حياة جديدة وخدمة جديدة مغرفتش ناس لغادي نتلاقا بيهم كيف دايرين الله يسهل دعو معايا البنات ....