البارت 11
بعد مرور شهر من زواجنا وحياتنا حلوه صادف يوم عزمونا ع الغدا بيت عمهم ورحنا الهم لان عيب مانروح فرحنا اول مادخلنا سلمت علينا مرة عمرها 50 والمرة زينة وحبابة عندها 5بنات ولد3 متزوجين2 واحد لا وحبابين وجنتهم هم حبابة رحت اتعرف ع البنات حلوات وحبابات اله 2موهالكد وحدة مالها دخل بي ماتحاجيني وثانية مبين مامشتهيتني بدها تكتلني فد شوي ونضرتها احتقار سئلت حماتي(اخت حسن) نور
سهى: نور حبيبتي اكلج
نور: كولي حياتي
سهى: هذن منو ثنين شو هاي ماتحاجيني هالكد ولاتسولف مثل باقي البنات حبابات وهاي بس تباوع بنظره احتقار ليش شمسويتلهن
نور:حبي هاي اكبر بنية بين البنات واسمها نوال هي طبعها هيج ماتحجي مامتعودة ع الاختلاط هواي وطبعها هادية وللعلم هي مزوجة ابن خالتها عندها ولد منه بس دومه وياا ابو الولد
سهى: وهاي منو لعد
نور: هاي نسرين البنت اصغر من نوال بسنة بس اسم ع مسمه نسرين نسره من اسمها😂
سهى: هههه لعد شبيها نظراتها الي بااحتقار مبين
نور: هاي نسرين جانت تحب حسن بس هو مايحبها واعترفتله بحبها اله بس هو كلها اني مااحبج وانتي مثل اختي بس هذا الحجي قبل3 سنين بس هي يعدها تحبه لحد هسه وهسه من شافتج ماتت قهر وغارت منج بس لاتنطيها مجال زعجج وكد ماتكدرين ابتعدي عنها ولاتهتمين الها
سهى: هاا اوك لعد ختولي مالي علاقة بيها
هاا للعلم خوات 5(نوال ونسرين وشذى وندى وروبا)
نوال عمرها 24 سنة مزوجة
نسرين 23سنة مامزوجة
ندى وشذى توم عمرهن18سنة
وروبا عمرها 15سنة
واخوانهم عبدلله مزوج عمره30 وعنده 2ولد وبنية1
مسلم عمره 28مزوج عنده ولد وبنية
سليم عمره 21 مامزوج
فاطمه مرت عبدلله وعمرها 29سنة
بنين مرت مسلم وعمرها26
وكلهم حبابين ماعدا نسرين نسره هههه
وضلينا نسولف لحد ماصار الغدا وكلنا حظرنا سفرة وكعدنا ناكل طبعن زلم بحد ونسوان بحد ورا ماخلصنا اكل وشغل جاي اسولف وياا البنات واجاا حسن صاح عليه
حسن: سهى حبيبتي تعاي اريدج
سهى: اجيت حياتي (طبعن جاي اشوف نسرين مقهوره ويمته غيره)
رحت لحسن وضل يسولف وياي ويغازل كتله عيب هسه شيكولن البنات يكلي معليه حبيبتي ومرتي وبكيفي اله شوي واجن شذى وندى
شذى: عصافير الحب يلا كافي غزل
ندى: بعدين من ترجعون سولف وياها هسه احنا نريد نسولف
ضلينا نضحك ونوبة رحت وياا البنات
ورا ماخلصنا رجعنا لبيتنا
وكل شي عادي ماكو شي اله ورا يومين اجالي اتصال من رقم غريب ماعرفه وضل يتصل مارديت عليه ورا شوي دز رسالة مكتوب بيها (حبيبتي ردي ادري بيج خايفة من هذا رجلج وماتردين عليه😍 بس لاتخافين خلي يولي) ورا شوي دز صور ع الواتساب مال حسن صور محادثة مركبه عودك اني جاي احاجي هذا رقم حجي طايح حظه وكلام…
سهى: طبعن هذا رقم من دز الي رسالة ماشفتها لاني حكرت الاتصال مالة ورحت اسبح فماادري انو دز رسالة
حسن: دخلت للغرفة وسهى ماكو عرفت انو بالحمام جاي تسبح لان صوت ماي رحت ع جرباية اگلب بنقال واكو رقم دازلي بالواتساب صور محادثة ويااا مرتي سهى حتى دزلي صوره الها ورقمها اني شفت المحادثة وصور عصبت وماعرفت شصار بي نوبة فتحت نقال سهى ولكيت دازلها نفس رقم دزلي صور دازلها رسالة وكاتب بيها حبيبتي ردي لاتخافين من هذا زوجج خلي يولي… اني فرت طلعت سهى من الحمام وكضيتها من شعرها حيل
حسن: شنو هذا الي مسويته من وراي ياسافلة ويامن تحجين وشنو هذا الحجي
سهى: طلعت من الحمام وهذا جر شعري قوي ويحجي ويغلط كتله شبيك شنو جاي تحجي مافهمت شي عليك والله اترك شعري جاي اتأذيني
حسن: لا تسوين نفسج غبية ومامفتهمة اني احجي ع هذا الرقم المتصل عليج ومارده عليه انتي ودازلج رسالة ونوبة دزلي صور محادثتج وياا وصورج احجي بسرعة منو هذا
سهى: والله ماعرفه منو هذا تحجي عليه وهاي جذب اني محاجيه وياا احد والله (احجي وابجي)
حسن: لجذبين هو منين يعرف رقمج ومنين جاب صورج طلعي برا بعد ماريد اشوف وجهج بالبيت برا واذا شفتج ادفنج والله
سهى: (بعصبيه ودموع تنزل) هيج رخيصة اني عندك وماتريدني وتصدك هذا كله وجذبني وتطرني من بيت اني رايحة وبعد ماارحع ع هاي الاهانة لميت ملابسي
فتحت باب الغرفة واهله واكفين برا
ام حسن: يمة شبيكم صاير خير صوتكم عالية وشبيج بنتي سهى تبجين وين ماخذه جنطتج ورايحة
سهى: خالة اعتذر بعد مالي كعده بهذا البيت
ام حسن :ليش يمة صاير
سهى: خالة بعد مالي كعده ابنج طردني وصيح عليه وماعنده ثقه بكلامي وخالة اني رايحة لان هان كرامتي
وطلعت سهى من البيت والاهل يردون يعرفون صار بينهم
يتبع
تفاعلو علمود انزل البارت اليوم
