البارت ( ٥ )
قعدنا نتكلم كلام مو مهم لمن دق جرس الحصة الرابعة وطلعنا الفصول وانا داخلة للفصل جات بنت دقتني هي نفسها اللي سارة كانت معصبة عليها زي ماقالت
فتون : سلامات عميا ماتشوفين
البنت : لاعندي عين كبر جبهتك
فتون : كلي خرى قصيرة ولسانها اطول منها
مسكتني من رقبتي وقالت : مين القصيرة
فتون : ايه قصيرة والفين قصيرة فكي رقبتي
البنت : ماني فاكتها
سحبتها من شعرها ودقيت راسها في الجدار لمن فكتني وقلتلها : عشان لسانك هذا مرة ثانية ماتطولي عليا ناقصتك انا يابزرة
البنت : كلي خرى بقول للمديرة
فتون : روحي قوليلها يابزرة وابكي طيب عشان تحزن عليك
وطنشتها ومشيت
دخلت الفصل جاتني الابلة قالت : فتون ليش متأخرة وليش مريولك كذا
فتون : اه معليش يا ابلة بس طحت
الابلة : سلامتك طيب ادخلي
فتون : الله يسلمك
جلست جاتني قمر تقولي : كذابة ماطحتي ايش صارلك
فتون : ايش دراك اني كذابة
قمر : ترا انا اعرفك لمن تكذبي ولا لا
فتون : ياهو ياللي فاهمتني
قمر : شفتي كيف بس يالله قوليلي ايش صار
فتون : اتضاربات مع وحدة ها كذابة ولاصادقة
قمر بضحك : لا لا صادقة
الابلة : قمر حتبطلي ضحك ولا انقلك من مكانك
قمر : خلاص يا ابلة اسفة حسكت
وكملنا هذا اليوم السامج
رجعت البيت وهي اللي فتحتلي باب الشارع غيرت ملابسي وهي رجعت نامت وقعدت اذاكر ونمت غصبا عني شافتني نايمة وصرخت علي
قالت : ليش نمتي
فتون : غصبا عني
زوجة ابوي * تتريق * غصبا عني
قلت في نفسي * كلي خرى *
زوجة ابوي : قومي كنسي البيت ومسحي الطاولات
وراحت
قلت : عقبال مايمسحوك من الحياة
وسويت اللي تبغاه بعدين كملت مذاكرة ودق جوالي
ايش هذا رقم غريب
فتون : اه ... اهلا
من الجهة الثانية : اهلا فتون كيف حالك
فتون : الحمدلله بس مين ؟
من الجهة الثانية : انا دكتور ابوك تذكريني ؟
فتون : اه ايوا اتذكرتك
الدكتور : كيف حال ابوك
فتون : الحمدلله كويس اتحسن
الدكتور : الحمدلله بس ممكن اكلمه
فتون : ا ايوا اتفضل
بابا خذ كلم هذا دكتورك
ابوي : السلام عليكم
الدكتور : وعليكم السلام كيف حالك
ابوي : الحمدلله كويس وانت اخبارك
الدكتور : الحمدلله بس بطلب منك طلب ممكن
ابوي : تفضل
الدكتور : اه... بخطب بنتك لولدي
ابوي : ها بنتي مين ؟
الدكتور : بنتك فتون نسيتها
ابوي : اه معليش بس يعني ماكنت متوقع بس هي دحين صغيرة ماحترضا تتزوج
الدكتور : ايوا منا عارف لمن تكبر
ابوي : طيب لمن تكبر بس هي راضية
الدكتور : ما ادري اسئلها
ابوي : طيب مشكور عندك طلب ثاني
الدكتور : لاشكرا
ابوي : طيب مع السلامة
الدكتور : مع السلامة
# ابوي
من جدو هذا فجعني بيتزوج بنتي وهي باقي صغيرة ماحتتزوج الا لمن تكمل دراستها بس ولده كيف شافها وكيف اخذ رقمها
بناديها وافهم السالفة
فتون فتون
فتون : طيب جاية
ابوي : هذا الدكتور من فين اخذ رقمك
فتون : هو طلبو مني واعطيته
ابوي : طيب ليش اعطيتيه
فتون : اسفة بس قلت يمكن طلبوا عشان يتطمن عليك
ابوي : تعرفي هو اتصل ليش
فتون : لا ليش ؟
ابوي : عشان يخطبك لولده
فتون : ها ابوي من جدك بيخطبني لخالد ... اه قصدي بيخطبني لولده
ابوي : وانتي من في عرفتيه
فتون : لا انا بس كنت ابغا اروح اشتري الادويه وصدمت في بالغلط وبعدين ابوه ناداه وعرفت اسمه
ابوي : اها طيب بس انتي راضية انك تتزوجي
فتون : بس مو دحين انا باقي صغيرة لمن اكمل دراستي بعدين اشوف
ابوي : طيب خذي الجوال بس اعطيني رقمه
فتون : طيب رقمه ********** يلا بابا انا رايحة اذاكر
ابوي : طيب بالتوفيق
رحت كملت اذن العشاء صليت ونمت كنت مرة نعسانة
