وبعد ما مرت الساعات ووصلنا لبغداد ،وذبيت غراضي ببيت هاشم ووو عمو ابو هاشم طلع هو وهاشم
لبيتنا (بيت عمامي) واني ضليت بالف ياالله وبالف قلق ،فااجت ام هاشم حضنتني وضليت ابجي
وكالت:لاتخافين بنتي الله سبحانه راح يوكف وياج مراح يتركج
وبعد ساعه ونص اجه ابو هاشم وهاشم. وسمعته يكول اتفضلو:
واثاري عمامي وهاني اجوي ،اني بس شفتهم اطفرت من يم ام هاشم ورحت ووكفت وره هاشم وابوه
عيونهم تجدح نار. وعصبيه ،ف عمي طلع سجينه وتقدم خطوتين ف ابو هاشم كاله
حجي صارلي ساعه
ونصف اترجاكم ودكيت بابكم ضيف وانتو اهل الكرم والضيافه واكوللكم بنتكم مصونه ونقيه وطاهره
وقدومها خير علينا وفتحلنا باب رزق حجي يعني
شيبتي و عمري ماغزر بيكم ،،
،ف هاني طلع مسدس وكال :حجي انت لا تتدخل ،ويابه ضم السجينه
اني اكتلها لاتنسى اني ناهي عليها وهاي خطيبتي وشرفي ومصانته
ابو هاشم:هاني البنت ممخطوبه الك هربت قبل هالشيء،حتلو ناهي عليها اتركها وااعتقها للبنت
هاني:ابو هاشم كتلك لاتتدخل لكم جابت السمعه والعار النا لكم بناتنا مزوجن مكابلاتنا جيبوهاااااا
***
ف هاني دافعهم واجه ديريد يوصلي وصار العياط بفلس ف ضرب بالمسدس
ف هاني دافعهم واجه ديريد يوصلي وصار العياط بفلس ف ضرب بالمسدس للسكف وصارت الطلقه
بالثريا،بهالاثناء اني نزلت للكاع كعدت ولزمت راسي ،،وهاشم صار عصبي وكمز على هاني شبعه
بوكسيات ، وصارت هوسه وعمي كال اله ناخذها بعدها
ابو هاشم كال:ابو هاني اطلع من هالبيت
اله حرمه ومن حقنا نبلغ الشرطه اطلعو بره منا
عمي ابو هاني:ماشي ابو هاشم راجعين .
وراها باوع عليه هاني وكال:متوعدلج فرح ارجعلج ارجعلج ،،،،وبعدها طلعوووو
واني ضليت منزله راسي وابجي ،،،بس ابو هاشم كال لاتبجين بنتي انت اهمشي لاتطلعين منا
هاي عاد احنه رحنا نستسمحهم وطلبناج منهم بس للاسف عقولهم متحجره ،،ماينحسبون من صنف البشر
الج الله بيهم
بعدها صعدت للغرفه ونفسيتي حيل تعبانه ،،جانت كل الافكار السوده تجي بتفكيري جنت اشوف كلشي
يمي يعتبر وسيله للاانتحارر،،اوف لوعندي لسان فداابجي وباوعت للسكف شفت( كلاب مالبنكه) فارغ
ف اشسويت جبت شالين وشديتهم ببعضهم وسويته مثل الطوق وشكلت ركبتي بي وشاهدت وبهالاثناء
اجت لم هاشم وضلت لج شدتسووين ،هاشم الحكني لك البنت راح اتموت ف هاشم وعمو صعدو ركض
واني وكعت نفسي بس مصار شيء لان ام هاشم لحكتي بس ركبتي تاذت ،،،لزمتني ام هاشم وكالتي
لابنتي لا لاتضعفين،خليج متوكله على ألله وواستني وحجت كومه ،،
اما هاشم :شبيج فرح تخبلتي تردين تموتين كافره ،لج انتي شنو ششفتي من حياتج حتى هيج لج حياتج
جحيم عشتيها ،وتردين تمووتين هم كافره وتدخلين جهنم ،،،حبيبتي اذا تكتلين نفسج اني المن اعيش
فررح لج باوعيني اني هذاك اليوم مووو كتلج اني سندج ،،راح اضل سندج للمووت راح اعوفج هسه
وانتي ارتاحي
وبعدها مرت ايام على هالشيء وباقيه بجحيم صرت انام واخلي جوه راسي سكينه اووف على هالجنون
شيء اكيد الهدوء يسبق العاصفه اوووف كلشيء يخوف
وبعدها مرت ايام على هالشيء وباقيه بجحيم صرت انام واخلي جوه راسي سكينه اووف على هالجنون
شيء اكيد الهدوء يسبق العاصفه اوووف كلشيء يخوف،صرت اخاف انام اخاف احلم،اخاف اشرب ،اكل
تعبت نفسيتي وتالمت الحياه جانت بالنسبه الي صعبه كلش جنت احس نفسي مختلفه مومثل
حياه الباقين بس الشيء الوحيد الي جان يهون هالشيء ويخفف عني هوه هاشم من يجي يسولف ويايه
ويشاقيني جنت اضل صافنه عليه واكول هم يجي يوم تنتهي.هاي المشاكل كلها ونتزوج ويصير عندنا
