يوم زفافي

الثالث

صباح الخير
ذكرى المندلاوي

كاظم
هسه امشي كدامي علمود اشوفج ان الله حق
وانت شنو ؟؟
رهف٠٠٠
لمت فستانه اﻻبيض الي من طين الشارع المبلول بمي المطر صار من جوه صحراوي وبس اتافاف
افففف باع حظي وين خﻻني وبيد من ذبني٠٠٠٠
وتباوع على كاظم وهو يباوعلهة صفح
انت شبيك ها شكو شو شايف روحك شوفه
كاظم
يالله اني حجيت نطقت فكيت حلكي بكلمه يابت الناس هاي فوك مصيبتج العوجه هم عندج السان وتحجين هسه من اطمج هنا وادفنج احد يكلييي ليشششش ؟؟؟
رهف تعصبت اكثر منه وصاحت ٠٠٠

هه٠٠٠ والله ياالله٠٠٠٠
  يموتني اشحدك جرب وشوف شيجرالك عبالك طالعه من زرف الحايط ؟؟،عمي اني عندي زلم ها ومو هيجي زلم مشوربه وتكظ الصخر تكسره (واتاشر على راس كاظم)هه ويكلي احد يكلي ليش هل اكلك انه ليش  ها ليش شتعودلي اخوي ابوي عمي؟؟،هاا جاوبني متجاوب لو بلعت السانك يا صدك يجوز بلعته شو دشو فك حلكك دخل اشوف
كاظم طكت روحه لهنا وبس  صاح بغضب
اهااااااا صار مثل الثور الهايج وركض عليهة وهي خافت بس السان كامت تركض وجانت الكاع طين وحذاءهة عالي انكسر كعب الحذاء وزحلكت وكعت كلهة بلطين ظلت كاعده على كعدته وايديه بلطين شافت مﻻبسه وايديه وكلهة طين كامت تبجي
اهئ ااهئ
كاظم
وكف صافن على هاي المخلوقه العجيبه الي كل ساعه بلون شني هاي من مره وكف كباله وجتف ايديه
رهف
مسحت دموعه بايديه المطينه وجه كله صار طين وصارلهة شوارب وهي تكابر متريد تبين ضعفهة كدامه وتشفي كلبه  بس ااي صار
كاظم متحمل طكه بضحكه
ههههههههههههههعهه اااااخ بويه بعد ما اتحمل بس شافه برطمت وبعط شويه ترجع تبجي مد ايده وكلله
يلله انطيني ابدج دخل اكومج
رهف مدت ايده حته يرفعه وحبت تبيع خبث وياه حته بعد ميستهزء بيه سحبت ابديه للكاع ﻻجل يوكع وتضحك عليه بس معرفت هذا تصرفه سببلهة احراج الحين ماوكع عليهة واثنينهم وكعوا بلطين وصار وجهة بوجهة صفن دقائق بوجه ودقق بعيونه وهي خطيه راحت ذابت بعيونه بس حست على روحه باخر لحظه دفعته وصاحت
وخر عني وكع بلطين وصار كله طين كوه كام على حيله وحاول ينفض روحه بس وين انﻻصت راحت اناقته والقاط الغالي همين خرب كمش شواربه  بعصبيه وصاح يهدد رهف
ويكول
هذا شاربي مو عليه اذا مخليتج تتندمين
رهف متحملت منظرهة وهو وجه كله مطين يضحك خطيه وبن جان بكامل اناقته وهسه وين صار
هههههههعههههه ااااخ بطني بعد ما اتحمل
كاظم شعور غريب واحساس عمرهة محاسه ﻻول مره وحده تكدر تغيره بسرعه من حاله غضب الى حاله فرح شنو هاي المره ابتسامته عجيبه وصحكتهة اغرب من الخيال عبالك ذبت عليه نوع من السحر
مد ايده وكلله يله يبت الناس كافي خل نصعد بلسياره تره هسه يجوج وميرحمون بيج اذا شافوج بهل الشكل
رهف
انتبهت الكﻻمه صحيح هي نست اهلهة ونست عملته السوده المصخمه هسه بس يلكفوهة يذبحوهة ويذبون لحمه للجﻻب
رهف. بقلم ذكريات
ززز يبن كلي انت شنو الحل اني مستحيل اصعد بسيارتك اني ما اعرفك
كاظم حب اتكون هويته غريبه عنهة لغرض بداخله
ﻻ تخافين اني جاي اساعدج اني هم مو غريب عن العريس تراني اخو
هااا (ويه روحه شون اخو حليو)
رهف
زين اسال سؤال
ولو هذا مو وكته بس اسألي وبسرعه ﻻن همه على جيه
ﻻ هو سؤال صغيرون بس مستحيه اكوله
هه شوف المستحيه والسانج فبل شويه اكلته البزون
رهف تاشر باصبعه مهدده
شوف تره اذا هذا اسلوبك وياي تراه انه هسه اكللك ما اصعد وياك اي اني اتخبل من واحد يحاجيني هيج
هه مستهزء بكﻻمه (دخلي اكظج وحدنه اﻻ اعلمج اسلوب الحجي شلون يصير)ويه روحه
شكلت
ياالله احجي وخلصينه
اكلك ♥♥♥♥♥♥وسكتت
نعم
اكلك ''''
احجي بغضب
اشبيك جنك ثور هايج خوفتني
انه ثوررررر
ﻻﻻﻻ عفو انت مو تريد ني احجي
استغفر الله ربي احجي يابت الناس احجي
اي هاا اكلك هذا اخوك هم هيجي حلو مثلك لووووو
عقد حاجبه متباهي بروحه بس رجع باوعلهة بمكر وكال
قصدج العريس
لعد ابو
بدون تجاوز
العفو
ﻻ ميشبهني
رهف
هاا يعني محلو وﻻ ينطلع بي
شنو ينطلع قابل هو نفنوف
يعني قصدي وﻻ طكه هيج كلش مابي شي حلو
كاظم
ﻻ يلعب الروح
هههه اول مره اسمع اخ ميمدح بخو بيوم عرسه وكدام من كدام عروسته هههه
ااي قابل ترديني اجذب هو اكبر مني بلاربعين ومتزوج اثنين نسوان انتي ثالثتهم واﻻبتسامه متطلع من حلكه وعصبي حيل  يشبه جدي بس هااا نسيت صفحت وجه اليمنه محتركه خطيه ومابي يربي لحيه وﻻ شوارب وهو ميصير عنده جهال والسبب منه بس ميحب يعترف الهل سبب بتزوج نسوان بلكي يخلف من وحده منهن بس٠٠٠٠٠
وصفك بيده  وعوج حلكه ماكو فايده٠٠٠٠٠
هنا التفت على رهف وهي فاكه حلكهة مصدومه صدمه حياتهة متحمل ابتسم بخبث وصل للي يريدهة خﻻهة تبزع روحه من العريس
كاظم
اشبيج مصدومه عبالك مضيعه مليار دوﻻر ديري بالج لتنجلطين تره محد يفيدج (وهو يكول ويه روحه

لعد عبالج كاظم الي يمرر الي سويتي مرور الكرام

ماطلع ابن مزاحم ان جان مخليتج تمشين وتتلفتين وراج
رهف بتوسل
لعد مااكدر ابدل
شنهي تبدلين هو نفنوف
هم كلت نفنوف ما نفنوف انت  أشجلبت اني ما اريده العريس اخوك لو اعرف تموتوني

هذا الحجي ما حجيتي من زمان من كلتي
نعم

يا غير ماخلوني اشوفه كلولي ماعدنه بنات تباوع على الزلم اﻻ بليله عرسه
هااا اي ما سمعتي اسمه من السيد كال هل تقبلبن بلزلمه فﻻن ابن فﻻن
ياااا ماتدري
لا

بس كلت ابويه وكيلي وراح كلشي ما افتهمت وداعت سجوده
منهي هاي سجوده
امي
هااا
وهسه كلي شنو الحل واشرت بيدهة بمعنى اتعوفني انهزم ويه جماعتي اسماء وعدي؟؟؟

اهنا ثارت ثورته وراح عليهة وهزهه حيل صارت مثل الورقه  بيدة وكال بعصبيه وهي تترنح يمين ويسار  ويصيح

جاااا الي كدامججج موش زلمه مو بعينججج

والله تكسب بيه اجر شو انت بنفسك ادكول شايب ومبصير عنده خلفه واربع وعشرين معبس وعصبي
انه مكلت اربع وعشرين ساعه عصبي دورات بلعيد الجبير يضحك
خرب حظي انه منين الكيهة من اخوتي لو من ابوي لو من هذا الي يسمو رجلي
يلالله امشينه هسه يجون اسمع صوت هورنات
صدك ركضت بسيارته وهي كلهة ترجف حته سنونه من الخوف والرعب وصلت السيارات وجانت هي بيه تباوع  الكاظم وهو بستقبلهم وكفهم بعيد ونزلوا يحاجوه وهي شافت اخوته يردون يجوهة واحدهم صاير ميتفسر وجه من الحمار الي بي بس كاظم كدر يهديهم وبعد اشويه رجعوا صعدوا بسياراتهم وهو اجه وصعد  وبده يسوق وطالعه روحه اطخ خشمه يطلع دم بس هو وعصبي حلو كالت ويه روحه يالله هذا ليش هلكد حلو وحته وهو ضايج نيالهة الي يكون من نصيبهة بس هذا شحجه وهيج خﻻهم يرحون بدون ميكربولهة هذا مبين مو هين
بس شلون راح اكدر اسأله وهو عاكد حاجبه ومحد عاجبه اي عمي حقه يتعيقل وشايل هذا الجمال
جا اهلي نعمو ا على عينهم ماشافو ؟،،شافوا اخوا الشويب علة حظي

قلم ذكرى المندلاوي
تصويت