جعلني اندم

19

بارت 19 والاخير ولكن جمال جان كاعدلي على الحجايه يريد بس اكول كلمه حتى يسوي مشكله وهو وفه بوعدة انو كل شهر يدز لااهلي راتب ولو جنت استصعبها بس شسوي بلكي الله يهدي اخويه ويكوم يشتغل المهم اليوم مااتحملت بعد كلت خلي اندك بجمال لان كلش ضجت هو يطلع ومن يجي يتعارك ويايه واني لو مو ام جمال مهونه عليه جان طكت روحي هو جان نايم بالغرفه فوك رحت عليه كتله جمال كلي ها خير كتله ضايجه خلي نطلع جان يكلي اي شتريدين كتله موكلتلك شويه نطلع فرني بالسيارة كلي مو السايق مال خلفج اني كلش انقهرت كمت ابجي هو دار وجه واني نمت ودرت وجهي يس ظليت ابجي بعدين حسيت جمال كمشني من ورة وجر راسي خلا على صدرة وكلي اني اسف كتله الله يخليك كافي ترة تعبتني شسويلك مترضه وكام وكعد وكعدني كباله كلي مريم اني كلش مجروح منج وصراحه اني ماحبيت وحدة غيرج واحس كلبي مقفول يس عليج وهذا الي ديزعجني كتله لويش تنزعج كلي لان انتي كدرتي تعيشين بدوني وتحبين وتزوجين واني لا كلشي كان متوقف عليج كتله والله ماحبيت احد غيرك واني من انت بعدت عني كمت ادورك بكل مكان بس بعدني جنت طفله ومجنت واعيه وجنت اخاف من التغير الي راح يصير بحياتي ولهذا السسب رفضت بس مولان مااحبك لان رفضت لان مجنت اعرف اختار كتله اني احبك واني اريدك ترضه عني كلي لويش كتله حتى انام بحضنك جان يضحك كتله الله عليك جمال انت ازوجتني حتى تنتقم مني كلي لا والله بس مجنت اعرف طريقه ثانيه اجيبج بيها غير هاي لان جنت متاكد رح ترفضين وخفت لتزوجين مرة ثانيه  كتله جان كلتلي احبج وجان اني يسرعه قبلت كلي لا مجان قبلتي وجان شلعتي كلبي واني كلبي تعبان  كتله جمال اني اسفه لان يوم من الايام جرحتك بهالشكل  بس اني احبك انت حب الطفوله كلي اني مو احبج عبرت مرحلت الحب وياج وهسه تعاي نامي بحضني وهو نومني  بحضنه وكام يبوسني بكل لهفه وشوق وحنيه وعشت وياه احلى لحظات من العمر حسيت نفسي رجعت مريم بنت ١٥سنه الي يحبها جمال  اني عشت ويا جمال احلى حياة صار عندي منه ولد اثنين وبنات اثنين وبسبب اوضاع العراق الاخيرة سافرنه رحنه لتركيا وحبينه تركيا برغم انو احنا طلعنه اقامه بدوله اجنبيه يس حبينه نستقر بتركيا واني حققت حلمي انو اصير مصصمه مال ازياء ولو حلمي تحقق متااخر بس بديت ابنيه وبعدين اخلي بناتي يستلمون هذا الحلم من بعدي الحمدلله عشت حياة حلوة جمال اعظم انسان شفته بحياتي رغم كلشي  خلصت قصتنه حبيباتي مريم عاشت بين الانتقام والحب  جمال انسان فقير الحال حب بنت الباشا الي رفضه بسبب فقرة الفقر موعيب لان عمرها الفلوس مصنعت انسان الانسان هو الي يصنع الفلوس وكلنا الله خلقنه سوة ماكو واحد احسن من واحد الله خلقنه مستوايات حتى نكمل بعضنا مو حتى ندوس على الي اضعف من عدنا الحب الصادق الحقيقي النقي يصنع المعجزات والحب الي عاشته مريم ويا جمال والوصف الي وصفت بي جمال وصفته بكلمه لقد وضع الله في قلبي جنتي  وهي تقد حبها لجمال بكل قصه عبرة وهاي هم عبرة  النهايه & & & #رواية_جعلني_اندم تحياتي الكم حبايب كلبي الباشا ابو  غضب 😘😘😘😘😘 سوو متابعه للصفحه فديتكم وانتضروني بقصه جديده 😘😘