R E M B U G A N

Srengenge tansah saya suwi saya dhuwur. Rasane kayata sirah kudu pecah, ora sanggup delehake sirah ing panggone sing pener. Apa meneh hawa ing panggonanku mlaku saiki kaya kenek uape neraka. Kudune aku ora ngrungakake kepengenane Lastri ngejak mlaku-mlaku dhek ingin bengi lewat sms.

Sesok kancanana aku mlaku-mlaku neng dalan anyar yo ? Tak enteni neng cakruk jam 8.

Sak elingku kaya nggono kuwi sms sing mlebu neng handphoneku. Aku sing kenyataane ora enek kegiatan pas minggu langsung njawab ora nggawe babibu.

"Ner-" sak karepe Lastri arep nyeluk aku kaya apa, wis peng okeh -sing jelas wis luwih songko peng siji aku ngelengake Lastri-. Lastri melu aku sing wis dhisik mlayu neng ngarepe dheweke.

"Jenengku kuwi Near Sulistyoningsih, isa diceluk Near utawa Sulis, sak karepmu arep nyeluk utawa sak ilat-ilatmu cocok arep ngomong." Kuwi ketoke wis kesewune aku ngomong nggono neng Lastri.

"Salahmu jeneng kok angel angel." Gek kuwi ya wis kesewune Lastri jawab nggono.

"Wis sak karepmu. Saiki kowe ngejak aku rene ana kepentingan apa ?" langsung ae aku tekok nggono neng Lastri.

"Kowe kudu ndelok apa sing dak delok minggu kepungkur." Jarene Lastri. Lastri banjur lungguh ing salah siji boh lan tangane ngawe-ngawe sing tandane aku kudu lungguh ing sandinge. Akhire, aku mutusake percaya karo Lastri lan melu lungguh ing sandinge.

Ora suwi aku lan Lastri lungguh ing boh, aku ndelok wong sing ora asing. Banjur aku delok Lastri.

"Ya kuwi maksudku, Ner. Saiki kowe wis delok dhewe ta ?"

Aku ora nyangka apa sing dak delok saiki. Astro ? Pener apa ora ya sing tak delok iki ?

"Iki kabeh nyata ta, Tri ?"

"Iya. Satus persen nyata."

Aku sik ora percaya apa sing dak delok saiki, kudu takon dhewe karo sing dak delok saiki, tekadku. Pungkasane, aku lan Lastri muleh karo perasaan kang ngumon.

○●○

Aku wis bar sholat dhuhur. Tugasku saiki nunggu Astro balik lan takon marang dheweke.

"Astro ?" aku langsung nyapa Astro, adhiku lanang siji-sijine. Jenenge L Sulastro, isa diceluk Astro utawa El. Tapi akeh-akeh, kanca-kancane nyeluk dheweke El.

"Nyapo mbak ?" Jawabe Astro banjur lungguh ning kursi ruang tamu karo nyepot jaket. Umurku karo Astro terah gak selang adoh, makane kuwi dheweke ogak basa karo aku.

"Kowe mau bar sangka endi ?"

"Sangka dalan anyar, mbak. Mlaku-mlaku karo kancaku." Kebiasaane Astro, dheweke jujure kebangetan.

"Kowe kok ketoke nduweni fans sing akeh ta, As?" takonku, kan ora penasaran piye, mau sing dak delok neng dalan anyar kuwi, Astro di kerubungi wedok-wedok akeh karo nggawa kamera sing apik banget, enek sing langsung nyedeki Astro, enek sing sangka adoh motoni Astro.

"Masa ta, mbak ? Aku terah nggantheng."

"B E L A G U L U."

"Ben sak karepku, tiwas kowe ?" Astro langsung ngadeg banjur mlebu kamare.

Sak bare Astro mlebu kamare, otakku sing gak terlalu encer lan gak sering dienggo iki nduweni ide cemerlang.

○●○

Jujur ae, dadi mbak ayune Astro uduk sesuatu sing kenek dibanggakake. Astro kuwi uwong sing kelebihen jujur lan omong apa eneke. tau dhisik pas aku sik kelas sanga smp lan dheweke kelas pitu smp, Astro ngomong neng Bapak lan Ibu nek aku pacaran neng sekolahan, sedino utuh aku di kandhani Bapak ora entek-entek rasane. Nanging, saiki ketoke nduwe adhi kaya Astro kuwi enek untunge.

"Ndango, Nerrrr. Aku titip ya ? Tenang tak bayar kowe nek wes oleh barange."

"Iyo, Ner. Aku yo pengen."

"Siji sepuluh ewu, aku ya gelem titip, Ner."

Esuk-esuk, kelasku berisik karo percakapane kanca-kancaku sekolah menengah atas iki. Wis tak omongi ta mau ? Astro kuwi sang juruwilujeng ing tanggal-tanggal tuwek kaya saiki. Kanca-kancaku kuwi pada arep titip fotone di tapaki asmo karo Astro, dene aku gor ngewehne fotone Astro sing pas turu ning grup BBM, langsung pada tertarik karo Astro lan pada ngehubungi aku. Astro karo aku terah beda sekolah, bayangno nek aku karo dheweke pada sekolahan.

"Iyo, iyo. Cepakna kabeh keperluane karo aja lali ongkos kirim." Kandhaku.

"Iya, nek barang wis teko."

Aku trisna karo kowe, Astroooo !!.

●○●

"Assalamualaikum." Sapaku pasa mlebu omahku. Ibu banjur jawab salamku sangka ruang tamu. Aku langsung mara neng ibu banjur lungguh sandenge Ibu.

"Buk, Astro ten pundi ?"

"Neng kamare. Ana apa ?"

"Wonten keperluan." Aku banjur ngadeg lan ngedhipi ibu.

"Astrooo !!" aku bengok neng ngarep kamare, dheweke banjur bukakake lawang.

"Ana apa ? Aku sik kesel. Pengen lereh, tugasku akeh." Aku langsung mlebu kamare karo nyeret dheweke sampek ngarep meja belajare.

"Lungguho sik, tak omongi !" Astro lungguh lan aku ngetokake kertas-kertas sangka kanca-kancaku mau esuk.

"Apa iki ?"

"Tanda tanganono iki kabeh gek adhewe isa sugih." Astro delok aku gak seneng.

"Mbak, aku uduk artis gek kowe uduk manajerku. Gek ! Ya Allah, kowe arep nambahi aku stress ?" Aku ngguyu.

"Salahe sapa kowe nggantheng gek kanca-kancaku gelek bayar aku sepuluh ewu gor karo sak tanda tanganmu." Omongku jujur. Dadi uwong kudu jujur ta ? aku nerapake sifate Astro.

"Aku ya gak pengen kaya nggene iki, mbak."

"Pokoke kowe kudu tanda tangan neng kabeh kertas iki. Adhewe isa sugih, As ! Untunge engko didom dadi loro ?." Aku terus ngarih-arih Astro supaya gelem kerjasama. Astro meneng ae, dheweke gor sangga uwang karo delok aku sing ora nyerah anggone ngarih-arihe dheweke.

Pungasane. .

"Ya wis, pisan iki wae. Aku wis kadong setuju karo kanca-kancaku." Ideku wes entek anggone ngarih-arih Astro.

"Setuju ! Bar iki ora enek eneh jenenge adol tanda tanganku gek mbak ki ya aja mutusne keputusan dhewe sing ngelibatake aku tanpa sak ngertiku." Astro ngomong karo nada sing digawe sok wis gedhi.

"Dadi, pira dhuwit sing tak terima sawise aku nanda tangani kabeh iki, mbak ?."

Apes. Tak kira dheweke ora arep dhuwite.

[RAMPUNG]