قصة حب غريبة في المدرسة...

البارت1...

لتبدأ القصة بالكم وياي و......اكشن.

مثل كل مرة تروح كوسا تبيع الكنينكس على الطريق
العام وبالصدفة شافت سيارة ( GMC )تطبك يم بيتهم ...راحت علمود تعرف شني السالفة ...

من وصلت شافت ابوهه(كاظم)..يحجي ويه رجال ماتعرفة ...
باوع ابوهه عليهه وصاح: بابا تعالي حبيبتي .
كوسا: جاية ..
اجت يم ابوهه نزل لمستواهه وكال : سمعي باباتي هذا مندوب وحدة من الجمعية الخيرية ..اجة علمود ياخذج وياه روحي حبيبتي علمود تتعلمين .
تقدم الرجال لكوسا وقال: شنو اسمج ياحلوة؟
كوسا : اسمي كوسا .
رد الرجال وحاصرته الضحكه : يلة عمو انتي ماتريدين تروحين لمدرسة كشخة وحلوة ؟ ها!
كوسا: بلة .
الرجال: مادام هيج..يلة .
ودعت كوسا ابوهه ومحمود وراحت ويه الرجال .

ملاحظة مهمة***
المدرسة الراح تروح الهه كوسا اسسها واحد غني
تجمع كل الطبقات المادية وتهدف تعليم الاطفال والمراهقين وهي مدرسة داخلية ومؤسسهه كويتي.

#نرجع الى موضوعنا#
لمن وصلت كوسا للمدورسة نزلت وشافت فخامة وكبر الشركة فكت حلكهه وقالت : مبين السواهه عندة جيب.

@تسريع الأحداث@

دخلت للمدرسة وسجلت حظورهه وراحت تلبس زي المدرسة ..
لمن دخلت لغرفة التبديل شافت بنية مغرورة ..
لازم بكل مدرسة بنية مغرورة...راح اعرفكم بيهه..
اسمها سارة عمرهه 15 سنة شعرهه اشقر يوصل لفخذهه ومعانيهه حلوة ابوهه تاجر ...وتحب السخرية

اتقدمت كوسا وشافت قميصين واحد ازرق وواحد اسود اندارت لسارة وقالت : يابنية شنو البس القميص الازلق (الازرق) لو الاسود ؟
سارة بصياح: اولا منو السمحلج تحجين وياي هيج..
ثانيا انا ميشرفني احجي ويه وحدة من طبقة دنيه ثالثا هو ازرق مو ازلق...بس على كلا لبسي الازرق.

ونزلت وكوسا مافاهمه شي ..
بعد مالبست كوسا الملابس " الي أشارت الهن سارة"
نزلت علمود تروح تستكشف المدرسة وشافت كل الطلاب لابسين اسود بدل الازرق...:-(
وشافت سارة من بعيد تباوعلهه وتضحك ..
راحت كوسا لسارة وقالت بعصبية: انتي كلتي لبسي السود مع انو كل الطلاب لابسين زلق(زرق)..
سارة بدلاعة: وييع انه من يمته احجي وية امعيدية مثلج!!
كوسا مندون تفاهم ...تفلت (بصقت) بوجه كوسا **كوسا همجيه لاتانبوهه ع تصرفاتهه**
اجت ست حنان وهي احقر من سارة اسم على غير مسمى...لزمت كوسا من شعرهه وقالت بعصبية : شنو شصاير هنا!
كوسا: هاي العجلة كالت لبسي الزلق والكل لابس اسود!!
حنان بحقارة: ولج انتي شلون تتهمين اشطر بنية بالمدرسة بالجذب روحي لغرفتج وماكو عشة اليوم .
افأفت كوسا وكامت تردم (تتذمر)..
راحت لغرفتهه صار وكت العشة ولانهه مدرسة داخلية
ياكلون الطلاب ويشربون وينامون بيهه...
خلنرجع لموضوعنه....

ضلت تباوع من الشباك للحديقة ...لمحت شجرة تفاح
بالحديقة ولانهه جوعانة ..فتحت الشباك وطفرت من البلكونة (الشرفة)...
وراحت للشجرة وبدت تطفر (تقفز )علمود تاخذ التفاح هناك..
ووكعت (سقطت)..لمن رفعت وجهه شافت (علي)...
كاشخ على حباية ونص.. (مااعرف شلون اكولهه بالفصحة نكدر نكول طالع وسييم )
كوسا : يااااااا!!!
علي: لهدرجة انا حلو؟!
مانطته بال وواصلت التطفر (القفز) وماحست اله واحد نفخ السيجارة باذنهه ..
التفتت كوسا وصاحت : ولك انته منو السمحلك تخر باذني.. (تخر كلمه همجيه تعني تنفخ)
علي : هههههههههه...تخر!!
كوسا رأسا (حالا) رادت تضرب علي بوكسي ..
كض ايدهه وحطاهه على الشجرة وسوة نفس الشي بالايد الثانية ...وثبتهه وقال بسخرية : امممم..تعرفين شراح يصير هسه..
كوسا: وخر يانعل ..ياكلب وخر .
بدأ علي يقرب راسه من كوسا ويقرب و.....

كيكيكي...
قطعت لحظة مهمة اسفة بس عندي دراسة وانا بكالوريا...

انتظرو البارت اليجي وشنو رأيكم بالشخصيات ورأيكم بالبارت ...
بااااااااااي...