Bawat isa ay may pangarap
Kaloob na ating tinanggap
Tiyaga at pagsusumikap
Isa sa mahalagang sangkap
Mayroon tayong hangarin
Kaakibat ay layunin
Pamantayang dapat tupdin
Kahirapan ay putulin
Nais ng lahat ay umunlad
Sa Diyos tayo ay tumulad
Sarili'y kanyang inilahad
Dugo't pawis ang ibinilad
Tagumpay nais matamasa
Ikaw ang magpapakasasa
Bigyang-diin ang pagnanasa
Matikman ang tamis ng lasa
