اختي سبب تعاستي

ساعة دمار وخراب كل شئ

مرحبا اني الكاتبة رنا رجعتلكم من جديد بقصة اخرى الي مقاري قصتي السابقة هية اسمهة فصلوني لبو لعيون الزرك اتمنة تتابعوهة هم وهسة ما اطول عليكم بس اتمنة تتفاعلون اهواي مو مثل ذيج القصة يلة نبدي حبايب كلبي 😍

ام ملاك .مامة كوعدن اتأخرتن علة الجامعة يلة كومن
ملاك .اي كعدت كايمة هسة
شهزنان . اووف اريد انام انطيني بس 5 دقايق انام
ام ملاك . ولا دقيقة كومي اتأخرتن يلة
شهزنان .ما اريد اروح اليوم اريد انام
ملاك . لج كومي ب7 بعد منلحك مو عدج امتحان اليوم والبارحة خبصتينة بي وحابسة روحج علية علموت تنجحين بي كومي
شهزنان .😱يااا نسيت يا الله شراح الحك مامة وين خليتي سترتي الخضرة
ام ملاك . بلكنتور اشبيج بس فتحي تلكيهة
شهزنان . اوك هاية
بدلت وكملت وكلة ركض اروح ركض ورجع ركض وكل اشوي الطخ بملاك خلصنة تبديل اجة ابو الخط مالتنة صح اني وملاك نفس الكلية بس اقسام مختلفة هية اكبر مني بسنتين ركبنة الخط والطريق كلة بس اقرة وراجع وصلنة للجامعة نزلنة جنة متأخرات كلش رحنة ركض للقسم طبيت لكيت الاستاذ جاي يوزع الاسألة طلبت منة ادخل وبطلوع الروح يلة وافق وكعدت امتحنت وخلصت امتحان والحمد لله جاوبت زين طلعت وية صديقتي نور ياااا شوفي غبائي معرفتكم علة نفسي وعلة عائلتي نبدي هسة اني اسمي شهزنان عدي اختين وحدة مزوجة ودكتورة امراض قلب يعني قصطرة وهيج شي واختي الثانية ملاك اكبر مني بسنتين وبنفس الجامعة اني وهية هية طب اسنان واني صيدلة وهم هاذة حلمي اني سنة ثانية كلية عمري 20 وملاك سنة 4 كلية عمرهة 22  احنة عايشين بلحلة حياتنة عادية امي مدرسة وابوية هم موضف عايشين حيا هادئة وبمحبة اختي الجبيرة المزوجة عدهة ولد وبنية الولد اسمة علي وبتهة اسمهة ميار وعلي عمرة 4 اسنين وميار عمرهة 3 اسنين نرجع للحاضر من جنت طالعة اني ونور
نور . اشلونج بلامتحان
شهزنان . زينة الاسألة جابهة اسهل من كل مرة
نور . ولج يا سهلة تكسر لو يجي الحمزة ما انجح بيهة
شهزنان . طبعن اذا تكضين وقتج كلة بلنت وما تقرين زين اشلون تنجحين
نور . خاب دكومي هوة اتي كاتلة روحج علة الدراسة حتة الشخص الي تحبي متقبلين تعترفيلة يلة دفضيني وكبلي وخلصيني منج ومن نكدج
شهزنان . عشتو وليش اعترفلة ميجي هوة يعترفلي وبعدين ما اريد اكبل هسة اريد اهتم بدراستي واريد انجح وتفوق وتخرج وعود بذاك الوقت افكر اكبل ويا
نور . اخر شي راح اروحلة لني اكلة تحبك من هية طفلة فضنة وعترفلهة وخطبهة وزوجهة وخلصنة منهة
شهزنان . انجبي هوة منو كلج حبي الة صدكي اني متأكدة حب مراهقة وبس
نور . وج يا مراهقة الي بكج مزوجين ومخلفين وجهالهم بطولج واتي طفولتج كلهة تحبي ولحد هسة ومتقبلين تعترفين بحبج
شهزنان . انجبي ولصمي ما اريد اسمع حسج جوعانة كومي ناكل
نور . هوة هاذة الشاطرة بي بس لاكل ياريت وتسمنين تاكلين ومسمنين ابد واني اكل نص صمونة يصير كرشي لحلكي عبالك حامل
شهزنان .😂😂😂خرب بحضج ولله ضحكتيني من كل كلبي وينج مكرشة بلعكس جسمج يخبببل نفسي احصل مثلة
نور . ليش متنجبين هوة اشحالة جسمي باعي جسمج جنج ملكانة تفيدين تصيرين عارضة ازياء
شهزنان بعد لطشت علة جسمي دكومي امشي اريد ازقنب اكلج نور احس كلبي مقبوض حاسة راح يصير شي
نور . اي اني راح اكتلج واخلص من نكدج
شهزنان . انجبي يلة امشي