Welcome to my Graphics Workshop❤
طبعاً أنا في الكتاب دة هعمل كوڤرز لكل حد عايز كوڤر لقصته و مبيعرفش يعمله بنفسه👏
أنا عملت كتب زي كدة كتير و كذا مرة اقفل الكتاب لذلك هحاول المرة دي اتجنب اللي خلاني اقفل اللي قبله😂
طبعاً فيه شروط عشان الكوڤر يتعمل
So read what's below👇
مبدأياً أي حد عايز كوڤر يبعت علي طول ماعدا أي قصة مثلاً +18 أو فيها حاجات من دي زي المنتشر دلوقتي
هرفضها🚫
مبقدرش برضو أعمل كوڤرز لكُتب، كتب مش روايات او حاجة ملهاش شخصيات، اي كتب مش هقدر اعملها أو أي حاجة ليها علاقة بالـk-pop.
لازم لازم لازم القصة تبأة منشورة، يعني محدش يجي يقول انا هعمل قصة كمان شهر و بخلص فيها و فاضلي الكوڤر بس، ياريت تكون منشورة عشان كنت بلاقي الكوڤر مبيُستخدمش لإن القصة مش منشورة أصلاً.
لو القصة نظيفة و منشورة و تمام هتبعتولي الحاجات دي عشان أعرف أشتغل علي الكوڤر⬇
1) اسم القصة -أساسي-
2) أبطال القصة اللي عايزينهم في الكوڤر -اسماءهم الحقيقية- و ياريت عددهم ميزدش عن 4 -أساسي-
3) نوع القصة -أساسي-
4) نبذة بسيطة عن القصة أو ملخص ليها كدة و لو في حاجة مميزة فيها أو كدة تقدر تفيد في الكوڤر -أساسي-
5) لو عندكوا تخيل للكوڤر ياريت برضو تقولوه عشان أكيد هيفيد -اختياري بس مفضل😂-
6) اسم الكاتب اللي هيتكتب علي الكوڤر -أساسي-
7) لو في حد حابب جملة معينة تتكتب برضو علي الكوڤر -اختياري-
8) أي حاجة إضافية تحبوا تكتبوها علي الكوڤر زي اسم الشخصيات أو كدة -اختياري-
و لو حد حابب يضيف حاجة مع اللي فوق اكيد يتفضل👌
و ياريت أرجوكم تلتزموا باللي انا طلباه فوق لإن في ناس بتقول عايزة كوڤر لقصتي كذا و تجري او مبتبقاش مدياني المعلومات الكافية اللي أقدر أشتغل بيها، أي حاجة غير كدة للأسف هضطر أتجاهلها✋
بس كدة، بالنسبة لمكان الطلبات، أنا هعمل جزء تاني بعد دة هيبأة اسمه 'Requests' و دة المكان اللي هستقبل في الطلبات في الكومنتس، و لو حد مثلاً مش عايز يقول علي الملأ كدة ممكن يبعتلي برايڤت برضو مفيش مشكلة..
|
و نيجي عند آخر حاجة و هي الـrights و كدة🚨
-اسمي هيتكتب في الـdescription أو وصف القصة
Cover made by: Dinaahxx
-الكوڤر يُستخدم علي الأقل لمدة اسبوع عشان أنا بشتغل عليهم لوقت طويل أوي بصراحة😂😂
-لما تشوفوا الكوڤر تعملوا ڤوت علي الپارت و كومنت عشان أعرف إن صاحبة الكوڤر شافته.
-و أخيراً follow my account💃
و دي كدة الـCredits🌟
بالنسبة لمدة الكوڤر، مفيش مدة معينة، أحياناً الكوڤر بيخلص و أنا قاعدة كدة مرة واحدة و مرة ياخد أيام، لذلك أرجو ان بلاش يكون في ضغط من ناحية الوقت دي عشان اطلع شغل حلو، بس ان شاء الله اعمل لكله💃
طيب انتوا مش هتنفذوا الـcredits دي غير لما تتأكدوا ان الكوڤر بتاعكوا اتعمل، يعني بعد ما انزل پارت و عملالكوا فيه منشن و تشوفوا الكوڤر تنفذوا الـcredits و تكتبوا كومنت ان الـcredits اتنفذت هروح بعتالكوا link الكوڤر عشان تقدروا تستخدموه👏
و دة عشان تضمنوا ان الكوڤر يكون اتعمل.
هنزل پارت بعد الجزء دة Requests عشان نبدأ استقبال الطلبات و الشغل👅 (بما اننا ف رمضان ممكن تلقوني بطيئة شوية في تنفيذ الكوڤرز عشان انتوا عارفين هو شهر بيبأة مزحوم بين عبادة و زيارات و و و، بس ان شاء الله دي حاجة مؤقتة لحد بس ما رمضان يخلص و بعدها هبدأ الشغل صح بأة)
ملحوظة بسيطة، انا كل شغلي في الكتب اللي قبل دي كان بالـpicsart عشان كدة كان مش حلو أوي لكن انا في الكتاب دة هشتغل Photoshop فا ان شاء الله الشغل يبأة أحسن👋
و بس كدة😀
أتمني شغلي يعجبكوا
See ya💕
