#لأنني_أنثى
بقلم: شهد عبد الله
الجزء 19
قال لي اها ،قولته ليهو يعني م عجبتگ ؟م حلوة😥فضل يعاين لي مسااافهه رجع لي شعري ورا وقال لي ابدا،وبعدين بالمناسبه ماشه وين انتي؟قولته ليهو ماشه معاك😅قال لي ماشه معي وين😳قولته ليهو انت كنت وين اسي؟قال لي شهد بطلي واتكلمي عديل،قولته ليهو والله ماشه معاك يعني م عايز تسوقني عرس ود عمتك بهجهه😌😊قال لي الكلمك منوو انتي😳قولته ليهو المهم عرفته يلا دبس لي التووب دة من هنا وخلينا نطلع وبعدين م بتكلمني ليييه وم عايز تسوقني لييييه😔 بقى يعاين لي،قولته ليهو اها مالكك؟قال لي عايني خلينا قاعدين احسن اساسا الجو باارد انا زاتي م ماشي تعالي وجراني عليهو اكتر،قولته ليهو نننن😒ضحك قال لي مالكك وبعدين ننننن دي شتيمهه ولا شنوو😂💔قولته ليهو دبس لي التوب دة وبالمناسبه انا جهزته ليك اللبسه الاسمها على الله دي اللبسها ،قال لي ي شيخهه طيب لو قولتة ليك م ماشي😁قولته ليهو بمشي براي وبزعل منك كمان😔قال لي كدة بتزعلي كيف😂قولته ليهو قصي يااااخ😔قال لي طيييب حاضر ههه لبس وطلع حلات العلى الله فيهو🙈😻❤️بدل هو يعاين لي بقيت أنا البعاين فيهو هههه ،اثناء م نحن مشين قال لي حبيبي انتي الكلمك منوو بجد؟قولته ليهو سررر 😂😅قال لي علي انا برضو؟دي حركات نسوان على فكرة اسي حتكون كلمتك ايات😂😂😂قولته ليهو عرفته كيف😳😂قال لي مش قولته ليك حركات نسوان😂😌قولته ليهو وانت عرفته حركات النسوان دي من كترة علاقاتك صح؟ضحكك قال لي فعلا😂😂😂💔إتغظتهه غيييظ وسكته تاني م فتحته خشمي معاهو لمن وصلنا الصاله اول م جينا داخلين مسكني من يدي،عاينته ليهو وابتسمته،قرب مني وقال لي الشبشب عالي لو وقعتي انا حأنكرك 😂قولته ليهو اساسا واثقه اني م حأقع وانا معاك😂😌😒فكرنا لقينا بتاع الكاميرا مثبتنا في الشاشه اثناء م قصي كان بتكلم معي في اضاني ههههه🙈والناس كلها بقت تعاين لينا فجأة دخلنا قعدنا طبعا كلهم بقو يتهامسو دي منوو...دي مرتو معقوله😳 قال لي الناس دي ادتنا احساس انو نحن العرسان 😂قعدته اضحكك قولته ليهو بالجد والله😂💔قال لي بس بصراحهه معاهم حق يركزو معانا إذا انا م قادر اشيل عيوني منكك❤️بقت فيني ابتسامه على خجل وبقيت اعاين ليهو🙈بعد مساافه شوفته ايمان ونور بعاينو لينا،حسيتهم داخلين في النار😂😴والشي الحيرني قصي شافهم بس م سلم عليهم ولا إشتغل بيهم حتى،شويه كدة جا ميدو قال ليهو عموووو😻قصي شالو قال ليهو حبيب عمو وضماهو قال ليهو مشتاقين وبقى يتكلم معاهو ويضحكك😂طبعا بقيت خاته يدي وبعاين ليهم ،ياخي حلوين حلا كدة مبالغه،طبعا الحفله كلها قضيتها بعاين لي قصي حتى بعد م مشى يرقص ويبشر للعريس م قدرته اشيل عيني منو🙈بعد م الحفله خلصت وقمنا طالعين ميدو كان لسسه معانا ونااام ،قولته ليهو تعال نسلم على ناس امو ونديهو ليهم،مشينا طبعا ماشه مع قصي وعيني قويهه واساسا انا حابهه اغيظهم بس م اككتر🙈😂لما وصلنا قصي سلم عليهم ،قولته ليها ايمو ازيوو سلمته عليها بالحضن وبوستها،وجيت على نوور قولته ليها أم ميدو ازيكك 💋طبعا وشوشهم لمن اتلونت😂قصي قال ليها هاك ي إيمان ميدو دة نام امجد وين م جا معاكم؟ايمان قالت ليهو جا وعندو مشوارع طلع قال لينا ننتظرو لمن يجي،عاينته لي نور لقيتها بتعاين لي وبتعاين لي قصي،قولته ليهو قصي خلي نحن نوصلهم معانا بس بدل م ينتظرو هنا،قال لي طيب اطلعو نمشي،،،طلعنا ونحن ماشين هم ركبو ورا وانا مع قصي قدام قولته ليهو طبعا ي قصي الفنان غنااي ياخ كيفني كيف😂ضحك قال لي طيب لما قولته ليك يلا نمشي نرقص مالك ابيتي؟قولته ليهو مش قولته لي لو وقعتي انا م بعرفكك؟😂قال لي هههه وانتي صدقتي يعني؟طبعا بتكلم معاهو كأنو هم م معانا وهو زاتو م مركز معاهم ودة الأنا عايزاه 😌قولته ليهو العروس حلوة بس ود عمك حسيتو ثقيييل ياااخي ،قال لي بالعكس والله معتصم دة احلى زول بس كل البشوفو بقول عليهو كدة😂😂😂قولته ليهو فعلا زيكك كدة😂قال لي ليييه انا مالي😂😅؟قولته ليهو خليني ساكته لمن نصل البيت اوريك😘طووول الطريق هم ساكتين وبسمعو فينا واحدة فيهم فتحت خشمها بي حرف ماف وانا مصصصرة افتح مواضيع مع قصي علشان نتونس فيها😂😂😂😂💔بعد م وصلناهم رجعنا البيت غيرته ملابسي جا داخل وشايل ليهو جك مويه، وانا كنت بتبسم سااي مبسووطه من نفسي سااي كدة بس خته الجك ومسكني قال لي انتي اصلا اليوم م طبيعيه،قولته ليهو ليه مالي؟قال لي م عارف بس دة الشايفو انا،قولته ليهو الواحد إذا عايز يتغير دة شي م طبيعي؟قال لي وانتي حابه تتغيري؟قولته ليهو ايوة😥قال لي والتغير دة سببو شنوو؟قولته ليهو ولا شي بس كدة😥قال لي إذا حابهه تتغيري عشاني ابدا انا م عايزك تتغيري ولا تحاولي لأني عايزك زي م انتي بكل صفاتكك ،فضلته اعاين ليهو ياخي لما يكون واقف قدامي بلخبطني وهو حيوان م بعرف يتكلم لو م مسكني وقرب مني😭💔قال لي وبعدين الساعهه 1 إلا يلا خلينا ننوم،،،لما جينا عايزين ننووم من تلقاء نفسي كدة رقدته في حضنوو🙈😥💔هو زاتو استغرب وانا والله محتارة في روحي بقيت حاسه انو قصي دة محور حياااتي
كلها م عارفه ليييه كدة😥😂💔قولته ليهو ممكن سؤال؟قال لي قولي،قولته ليهو اليوم الجيتكم فيهو البيت بعد م خرجوك من المستشفى البت ديك كنت حاضنها لييه😥ضحك قال لي اهاا اليوم الجيتي داخله وكأنو الغرفه غرفتكك😂💔قولته ليهو جاوبني ليه كنت حاضنها،قال لي إذا انا كنت راقد في السرير وم بقدر اتحرك فكيف حأكون انا الحاضنها هي الجات رقدت في حضني زي م عملتي انتي اسي😂💔رفعته راسي وزحيت منو قولته ليهو قصدك شنوو يعني انا زيها😡😒💔قال لي ابدا ياخي م قصدي كدة تعالي جراني رقدني في حضنو غصب وضغط علي بي يديهو قال لي انتي دة مكانك الطبيعي وملكيتكك الخاصهه😂😂❤️قولته ليهو طيب طالما مكاني الطبيعي هي كانت بتعمل فيهو شنووو😥😔💔قال لي الوضع كان مختلف من اسي وبعد كدة كفايه اسإله خلينا ننوم😂💔قولته ليهو طيب تصبح على خيير،،انا م كنت نعسانه قعدته افكر في الحصل معي دة كلوو وانا محتاارة معقوله الكلام دة حقيقه؟ومعقوله في قصص زي دي في الواقع؟ شلته تلفوني ودخلته الفيس نزلته بوست وكتبته فيهو:#لأنني_أنثى...💔
اليوم التاني بالمساء جرس الباب ضرب إتوقعتو قصي جريت فتحته ليهو لقيتو ماذن❤️قولته ليهو مذوووووون 😻حضني وسلم علي فضلتو وقعدته اتونس معاهو،قولته ليهو جيت من السعوديه متين؟قال لي اليوم الصباح والله،قولته ليهو بالمناسبه انت سافرته ليييه؟قال لي عندي شغل هناك طلع لي فجأة بس،قولته ليهو شغل شنووو؟قال لي شغل عديل كدة اها انتي كيف وقصي وين لسسه م جا راجع من الشغل؟قولته ليهو بجي اسي اليوم إتأخر زاتو ،شويه كدة قصي جا داخل سلمو على بعض وقعدو يتونسو طبعا ونسه الرجال المعروفه،قولته ليهم حأجهز ليكم العشاء ،مشيت المطبخ وبديت أجهز ليهم العشاء جيت اشيل تلفوني من الهول سمعته ماذن بقول لي قصي:كسرته ليهو تلفوهو ولابتوبي م خليت ليهو شي لو داير يصلحهم زاتو م بتصلحو ليهو ،قصي قال ليهو الحمدلله انا اقسم بالله ي ماذن اليوم داك لو م وقفتني كان مشيت كتلتو ليكم وجيت راجع واليحصل يحصل،ماذن قال ليهو ياخي الزي علي دة أجبن خلق الله كلامو دة تهديد ساااي م بقدر يعمل اااي شي ،انا اتصلته عليهو قولته ليهو لو م حزفته الصور والفيديو دة بجيك في السعوديه اتلائم وقله ادبو افتكرني بهظر واتخلع زاتو لما لقاني في وشو،قصي قال ليهو قليل ادب يااخ زرة رجوله م عندو ...رجعته المطبخ من خلال كلامهم إتأكدته انو علي كان بهددهم بي فيديوهاتي وصوري او بالأخص هدد قصي بي كدة،بعد م ماذن مشى،سألته قصي قولته ليهو انت ماذن سافر السعوديه ليه؟قال لي م عارف والله،قعدته ابكي لاحظ لي قال لي في شنوو مالك؟قولته ليهو سافر علشان علي هددك بالفيديو والصور صح؟؟😭😭قال لي اول شي بطلي بكى ،تاني شي المشكله اتحلت أنسي ،قولته ليهو قصي بالنسبه للفيديو انا بعد م حكيت ليهو الحقيقه بقى يهددني وقال لي الا اقلع ملابسي واتصور ليهو فيديو😭😭قال لي خلاص اسكتي قولنا واقفلي الموضوع دة الموضوع إتحل وم عايزك تاني تفتحي الموضوع دة او تجيبي سيرتو تمام؟وانا لسه دموعي جاريه،مسح لي دموعي وضماني قال لي انا مش قولته ليكك م عايز اشوفكك بتبكي؟طالما انا معاك عوجه م بتجيكك؟قولته ليهو قصي انت مصدقني صحح؟قال لي وواثق انو انتي م بتكزبي كمان وباسني في راسي🙈❤️
عن كميه الإحتواء والدفى والأمان البحسسني بيهو قصي لما يضمني ،ياااخي بدون مبالغهه هو حتى عيوني ونظراتو لي بتحتويني🙈اي نعم يمكن نحن م معترفين لبعض بمشاعرنا او كدة بس م بالضرورة نقولها كفايه جدا انو نحن بنعكس مشاعرنا دي بي تصرفاتنا مع بعض ودة الشي الأهم لأنو الحب م كلمه بس وبتتقال وخلاص،...وإحساس انو يتصرف معي على اساس انو انا حاجه بتخصوو دة احلى احساس ممكن تحسو البت لما زولها يعاملها على الأساس دة...
يتبع......
