راح احمد يم امه وقيس وساره
احمد : ماما شلون صرتي جاوبته سناء شلوني يمه واني ما اعرف شراح يصير بينه وب ابوك
جاوبها قيس ماما لتخافين ان شاء الله ماكو شي
احمد كلهم اي اني قبل شويه حجيت وي بابا كمزت سناء من مكانها اي. يبعد امك طمن كلبي شكلكجاوبها احمد بحسره يمه لا تخافين كال من ارجع اسولفلك ان شاء الله ماكو شي
جاوبته سناء يمه شلون بيه الشغله مو زينه خايفه على ابوكم
كام قيس وحضن امه يمه كولي يا الله ادعي الله ما يصير شي على الولد
كالت سناء بحسره يالله الطف بينه وساعدنه يارب اسمعني ولا تفجعني بزوجي و ولدي ويتبهذل حالنه
يالله انت السميع العليم
انت اعلم ب ياسر ما متقصد وانت تعرف بينه ما نحب نأذي الاخرين ياااارب ياااارب ما النه. غيرك ساعدنه وحل النه هاي المشكله يا من تستجيب المظطر اذا دعائك ياللهاحمد وقيس وساره
يارب ساعدنه ولا تبهذل حالنه امييين يارب العالميناحمد : خايف حيل على بابا واعرف كلش زين هاي الشغله مو سهله بس ما اريد اخوف ماما والبنات
جاي احاول اكون قوي
واصبر على ماما ما اريد يصير بيها شي لا سامح الله
واحاول اصبر على خواتي وخصوصا جوجو ما تتحمل وهي عدها دراسه وهي مدلله بابا صعبه عليها هذا الموقف ما اريد اضعف حتى ما يضعفون وياي اعرف صعبه بس لازم اتقوى وتدعي ربي تنحل هاي المشكله
لازم اوكف وي بابا واسانده لازم اقوي وما اضعف كدامه وروحي انطيها اله لو مهما يصير ما اترك ابوي ما عندي غيره
ياااارب ياااارب ساعدني
وخليني اكون كد هاي المسؤليه يااااربفي مكان اخر
عائله ابو قيصر
سهاد تبجي وتلطم يمه ابني جاسم بعده صغير ما شاف شي من عمره يمه ابني شلون بيه
محسن ام قيصر اذكري الله وادعي ابنج يطلع سلامات ترى هذا الشي ما يصلح لا الج ولا على الولد
قيصر كال بصوت خشن يمه كافي بجي والله اذا صار شي على جاسم والله والي نزل القراءن على صدر محمد الي اراويهم الويل الا اشوفهم شلون هيج
ياذونه اذا ما عيشتهم بهذا العذاب وهاي دموعج يا يمه ما تروح هيجبصوت شبه عالي
يمه وحق علي اخذ حق جاسم اخذه و لو تنطبق
السماء على الارضكام قيصر وطلع بره
خابر على شيخ العشيره وعمامه وكل الي يعرفهم
علمود يسوي كعدة عشايروياخذ حق اخو جاسم ويعذب الي ضربه بالحادث
قيصر : اني احب اهلي كلش وعندي كل شي يهون الا اشوف واحد يأذيهم
او اشوف دمعة من عين امي تنزلهنا اتمنى الموت الف مره قليل
حبي ل والدتي وابوي واخواني وخواتي
ما اله حدود ولا وصف
احبهم هووووواي واكثر من روحي
واكثر من كل شي بالكونمن شفت دموع امي وجاسم الي حالته خطره وما نعرف شنو راح يصير بي
تخبلت ما ظل عقل براسي
صار كل همي انتقم الهم صار كل الي اريده اشفي غليلي اريح نفسي اطفي نيران كلبي الي تسعر
انشف دموع امي
يمكن تكولون بالغ زياده عن اللزوم بس من تنحطون بموقفي راح تفهموني بساعتها وما راح تلومونيترى شوف شخص عزيز عليك كدامك يتعذب صعبه حيل
شلون اذا جان هذا الشخص نفسه اخوك الصغير
مو راح تكره الدنيا بوسعها
بقيت ادعي جاسم يطيبوكمت خابرت على الشيوخ وعلى عمامي
ونتجمع بديوان الشيخ حتى نحل المشكلهورا شويه سمعت صوت
حبايب فدوة لكلبكم احجولي شنو رائيكم بالقصه عجبتكم او لا
كل ما اشوف تعليقاتكم وتفاعلكم يصير الي واهس اكتب اكثر
احبكم 😍😘# زهوشه الموسوي