سامحني حبيبي

البارت 11

خالد... لا اعلم ما الذي فعلته كان لا ارادياً و بلحضة غضب... كانت تتكلم عن ريم كثيرا و عرفت مدى حقدها على ريم و كان كثيرا مني ان اسكت على كلامها عن ريم امامي.... ولكن افزعني المشهد الذي امامي و لا استطيع ان اتركها في هذه الحاله ..  رغما عني سأبقى

نبأ... كنت اصرخ و اصرخ من شدة الالم و صدمتي من خالد ... كيف لأب ان يقتل ابنه بيده ! ..  كيف له بأن يضعني بهذا الموقف..

خالد... اتصلت بالاسعاف..  و كانت نبأ تبكي بشده امامي ..  اعلم ان هذا مشهدا ليس سهلا كثيرا من الدماء و الدموع و الالم ..  و كله بسببي ... وصلت سيارة الاسعاف و نقلوها للمشفى ... ذهبت مسرعاً الى ريم

خالد... اردت بأن ادخل الى ريم ولكن تارا منعتني ..

تارا... خالد ممكن نحجي

خالد... اكيد

تارا... خالد ريم متريد تشوفك و حالتها هسه حيل تعبانه ف رجاءا لتضغط عليها و لتحاول تدخللها لان حيل متضايقه منك و ممكن يغمى عليها من جديد

خالد... اوك مراح ادخل عليها هسه بس كوليلي شنو حالتها هسه شوكت تكدر تطلع

تارا... خالد لتسألني عنها متقبل احجي شي و بس راح اكولك انو حالتها مدمره .. بسببك

خالد... اوك مراح اضايقج بأسألتي ... تارا اني غلطت ماعرف شلون سويت هيج ماعرف

تارا... خالد انت متحب نبأ .. جانت تسليه بس و حاجه تفرغ بيها رغباتك

خالد... شلون عرفتي اني ماحبها ... احس انو هيه جانت تهتم بيه بفترة حمل ريم جانت تهتم بيه اكثر منها و حسيت انو حبيتها ..

تارا.. خالد انت محبيتها نبأ لعبت بعقلك انت مصدك انت تحبها؟ خالد نبأ متستاهل تكون وياها ولا ريم تستاهل الي سويته بيها

خالد... تارا دا احسج متأكده انو اني ماحبها ؟ شنو الي يخليج تحجين هيج و كأنج تعرفين السالفه اكثر مني

تارا... خالد راح اساعدك لانو انت محتاج مساعده و عندي دليل يخليك تتأكد انو انت متحبها و جنت بس تتسله وياها

خالد..  اوك شوفيني الدليل

تارا... هاي تسجيل صوت لنبأ اسمعه .. 

خالد... بعد ما سمعت ما قالته نبأ شعرت اني مغفل و حقير ... شنوو حبوب شمسويه هاي الحقيره شكد اني مغفل جنت وياها محسيت انو هيه دتسوي هالشي عمداً ياربي شكد اني غلطان بحق ريم وبحقك اني زنيت و هالشي اكبر غلط سويته بحياتي ماعرف شلون اصلحه ..  يارب اوكف ويايه اني غلطت بحقك غلطت ... بدأت ابكي من شدة الذنب الذي ارتكبته ابكي وابكي و ادعي بأن يسامحني اللّٰه ...

تارا..  خلص خالد لتسوي هيج بروحك صح انت غلطت وماكو انسان ميغلط ... بس الغلط الاكبر انو متصلح غلطك ..  خالد ماكو انسان معصوم عن الخطأ و هذا مجان ذنبك وحدك ... ان شاء الله ربي يسامحك ... خالد فكر زين و تصرف بعقل و شوف شنو الي لازم تسوي و روح للعمره اذا تكدر صدكني راح ترتاح ... هاي نصيحتي الك و حاول تصحح الي سويته

خالد... اي تارا صح كلامج و شكرا على النصيحه فدتيني بيها ..  وان شاء الله اروح للعمره مثل مكلتي ..  بس الي اريده منج و من كل قلبي انو تعتنين بريم ..  الله يخليج لتخليها وحدها هي هسه ماعدها بس انتي و اختها وامها لتخلوها اهتمو بيها بغيابي

تارا... اكيد راح نهتم بيها لتشيل همها

خالد..  شكراً ..  محتاجه شي

تارا... لا اخذ راحتك

خالد... جلست مده و فكرت ماذا علي ان افعل ... ذهبت ثاني يوم الى نبأ للمشفى ..  وسألت الدكتور عن حالة نبأ و قال بأنها اجهضت الجنين و متعبه الان ...  ولكن سمح لي بالدخول لفتره قليله ...

نبأ... كنت متسطحه على الاريكه و رأيت الباب ينفتح و دخل خالد ... فور ما رأيته نزلت دمعتي لا ارادياً

خالد... جلست بجانبها على الاريكه..  نبأ شلون صرتي

نبأ... مثل مدا تشوف... و اظن الدكتور كلك شنو الي صار

خالد... اي كال ... تكلمت بصوت منخفض و انا انضر في عينيها ..  نبأ رغم كل الي سويتي اني اسف لانو حطيتج بهالموقف

نبأ..  رغم ال سوي...

خالد... نبأ ..  اني عرفت انتي شنو جانت غايتج انو توكعيني و اترك ريم ... و لمه حجينه بموضوعها كلتي ماعندي مشكله ... بس مجنت اعرف حقدج الها لهالدرجه يوصل انو تسخدميني حته تنتقمين ..  نبأ انتي محبيتيني انتي خدعتيني ..  اكو فرق ... ماذب اللوم عليج بس انتي هم بادرتي و هواي و انتي جنتي تتمنين انو ريم الي تكون بدالج هسه بس تعرفين ..  من حفر حفرةً لاخيه وقع فيها ... مجاي ازيد عليج هسه بس اريد اكولج انو اني حفاضا على سمعتج و حتى ارضي ضميري و ربي اني راح اتزوجج على الورق و بس و وره فتره اطلكج حتى لا تصيرلج فضيحه و هالشي ميرضيني ..  تركتها و خرجت ....