الروايات الكيبوبية

المدرسية

لا تسرقو صورة زوجي اوك؟ ( اعرف انكم أخذتوها 🌚)
قبل كلشي الي تجي و تقول انتي تحكين ع الكاتبات و بلا بلا بلا ترة الطشك نعال لان الكتاب للتسلية فقط
هذا الكلام موجه للنكديات 👆🏻👆🏻
نبدا.......
اولا معرف ليش بكل الروايات المدرسية البطلة تروح لمدرستها الجديدة يعني
تستيقض ..... للذهاب لأول يوم الى مدرستها الجديدة و البطل نفس الشي
يعني يا البطل يا البطلة تنتقل/ ينتقل للمدرسة الجديدة المهم ينتقلون من مدرستهم.
لا و فوق كل هذا تصل متاخرة لأول يوم ( راح اكتب بسيرة المؤنث لان اسهل ما اريد اكتب نفس الجملة للمذكر هم اتمنى فهمتو🌚) و اول متدخل الصف الاستاذ يقللها اوكي لان اول يوم ألك راح أسامحك وتعرفون ليش تصل البطلة متاخرة؟ اكيد اي الكل يعرف لانها كانت تتقاتل مع البطل قبل ما تجي للمدرسة لانها و سبحان الله بأول يوم الها بالمدرسة لااااازم لاااااااازم تصطدم بالبطل و العكس و من هناك تبدة قصة الح.. اقصد الكراهية بين البطل و البطلة و لهذا تصل البطلة او البطل متأخرين.
هسة بعد ما تدخل البطلة الصف تشوف الكرسي الي جنب حبيبها المستقبلي فارغ و الاستاذ يقللها روحي اقعدي بالمكان الخالي تعرفن شيقصد بهاي الجملة؟ بكل بساطة الاستاذ النذل يقللكي روحي اجلسي جمب حبيبك المستقبلي يعني ماشاء الله دمعت عيني. بس عتشعرون اننا نسينا شي؟ هممممم........... اااااه تذكرت اذا يكون اليوم الاول للبطل بالمدرسة هو الي راح يصطدم بالبنت و البنت ترزله و تسبقه للمدرسة و اذا البطلة هي الي يكون اول يوم الها بالمدرسة معناها ان هي الي راح تصطدم بالولد و هو راح يرزلها و يروح للمدرسة و بكلتا الأحوال البطل/ة راح يتوبخ من الاستاذ بس الاستاذ راح يسامحه/ا لان و ببساطة اول يوم اله/ا بالمدرسة. هو بكل الأحوال الحبيب المستقبلي للبطلة اول ما يدخل المدرسة همسات الطلاب كلهم اما اذا كانت الرواية مثلية فهمسات البنات و الاولاد لان اذا كانت الرواية مثلية تشوفين سبهان الله كل المدرسة تتغزل بحبيب البطل يعني حتى الي ليس مثلي راح يتغزل بالبطل اول ما يدخل المدرسة سواءً كان منقول او لا. و هذا كانت الرواية مستقيمة فا البنات راح يتغزلون بالبطل و الاولاد راح يكرهونه لان كل البنات يحبونه. خلينا نترك المسالة ذي و نروح ع المسالة الثانية ليش دائما أصدقاء البطل مشهورين مثله بالمدرسة يعني بِسْم الله ماكو غيرهم حلوين؟ ها؟ بس البطل و أصدقائه يعني اذا واحد هندي بالشارع ما اله دخل قرا رواياتكم راح يبكي تعرفون ليش لأنكم و بكل بساطة مفرقين يعني ليش بس البطل و شلته التعباني حلوين و البقية؟ هسة مسلسل الورثة اكيد الكل يعرفوه شفتم شقد المزز الي معاهم بالمدرسة ألي اريد افهمه من الشرح هذا ما تقدرون تقولون المدرسة مليانة مرز اولاد؟ ها؟ يعني والله حتى البطلة راح يصير عدها نفس تروح للمدرسة مو تستيقظ كسلانة. المهم نرجع لموضوعنا الي الى الان مفاهمته ليش دائما دائما دائما ركزوا ع دائما يكون البطل غني؟ ها ليش؟ و ليش يكون من اغنا اغنيااء العالم او كوريا و بلا بلا بلا.
ليش اكثر الأوقات تكون البطلة فقيرة؟ و أمها كن ماتت او ابوها او الاثنان او... الخ المهم عايشة حياة تعيسة ركزوا عليها تعيييييسة و تاكل ضرب من هون و تنكره من هناك و يبوووووو. بس مع هذا اذا كانت البطلة غنية فقيرة متسولة مايتة جوع ماعدها سقف تحتمي بينو تكون اجمل وحدة و عدها أحدث انواع المبايلات( على الأقل احسن مني ايفون ٥s كأسرته من اول يوم استلمته) و مع هذا يبقى المبايل عدها حتى تكتمل الرواية و مينكسر او البطل يكسره و يروح يجيب واحد اجدد الها ( ربي ارزقني بنفس البطل حتى يكسرلي فوني و يشتريلي😂) و الشي الي يخليني اقفز من الشباك هو ليش دائما شلة البنات الثلاثة المغرورات يتنمرون ع البطلة؟ على امود البطل ( وفِي بعض الأحيان من يتقاتل البطل و البطلة تفوت ذبانه بعقل البطل تخليه يواعد وحدة منهم حتى يتصالح مع البطلة هو يحسب انه عيكحلها بس هو عيعميها للسالفة) و باليل البنت من ترجع من المدرسة للبييت يطلعولها نفس السكرانين الي يطلعون بباقي الراويات عليها او مرات يطلعلها بس واحد منهم لان الباقي مشغولين بغير روايات ( يعني ضروفهم خطية والله ميلحقون من رواية للثانية حتى ياكلولهم بوكسات) بس والله نفسهم و تعرفون شلون اعرف من مقولاتهم الشهيرة.
سكران١: واااه ماذا تفعل فتاة جميلة مثلكي هنا في منتصف الليل؟
سكران٢: دعينا نستمتع عزيزتي
سكران ٣ يهجم ع البنت بس ...
بس يجيه بوكس من سوبر مان اقصد البطل الي يطلع من تحت الارض لان السكران ٣ مسكها و ينزل بيهم حنطة حنطة شعير شعير لمما يهربون يعني سبهان الله البطل ميطلع الا قبل ما تسيئ الأمور و بعدين يسألها هل انتي بخير؟ سيريسلي؟ ترة هذا الشي بكل الروايات يعني البطل حرام يقع بحب البطلة اذا مينقذها من الثملين الثلاثة.
و تعرفون شي ان البطلة مو دائما تكون متوحشة اي انها دائما تتعرض للتنمر حتى وان كانت متوحشة لازم تتعرض للتنمر ليش؟ انا راح اجاوبكم لانها و بكل بساطة راح تقع بحب الخرا البطل و البطل لازم ينقذها من المتنمرات. اوه شو هيدا بليز بيتش يعني ليش ما ينقذها واحد هندي مو اله دخل؟ ها؟ ليش؟ معرف😅 بس تعرفون ترة البطل مش ملاك هو كمان راح يتنمر ع البطلة و بعدين يقع بحبها لذالك اذا قريتم رواية لا تخافون لانه اتنمر عليها. اااه و نسيت اهم نقطة و هو الحقير المز. الحقير المز هذا هو ثاني اجمل و أغنى شخص الي البطله راح تعجب. و اكيد البطله عدها صديقة و صديقتها اول ما تشوف البطل و صديقه العزيز منذ الصغر الي يعرف كل أسراره و كن وقف معاه في السراء و الضراء و الشخص الوحيد الي يعرف ليش البطل حالته خرا يعني ( البطل نفسيه دائما) المهم صديقة البطله راح تعجب بصديق البطل. و صديق البطل راح يبقى يقول كم ان البطله مثيرة جميلة و البطل ماخذ وضعية الغير مهتم.

بس تعرفون لا انا ولا انتي ولا اي احد يقدر يشوف هكذ رواية و ميقراها. هاي هي مشكلتنا نعيب نعيب و نقرا 😂😂 انا احب هذا النوع من الروايات 😂 بس راح اشعر بالغصة اذا معلقت يعني لازم انطي رائي المتواضع.

هلو !
شلون كان البارت ؟
بصراحة الساعة 11:30 و ما اقدر اعلق اكثر لذالك راح اعمل بارت ثاني تكملة لهاذا 😂😂 اذا اردتم

راح اعمل بارتات مثل البارت ذا ع الروايات الي احبها مثلا انا احب نوع المدرسي سويت هذا البارت و بما ان انا اقرا بعد غير انواع راح اكتب عليها كذا يعني.
بصراحة معرف ألقي الكلام😂
اتمنى فهمتم شرحي.

مهم: اكو بعد اشياء اقدر اكتبها بس انا راح انصق المواضيع و اش راح يكون احلا لو كتبت بيها