حلا بنت عمرها 20 طويله وشعرها أسود وعيونها واسعه سودا سمرا عيونها عسليه..جذابه حساسه طيوبه..تقرا ودورات طب..
حلا كانت عند خالهاا خالد..
خالها مواليد 78 لواء..راجل قوي ومتثقف وأهم حاجه عنده بلاده..
خالد:ألو نعم يا محمد خير نشالله
محمد:يا لواء عندي مصابين فالمحور ومالقيتش من يعاينهم.
خالد:تمام شويه وتلقاهم عندك.
حلا:شن في ي خالي.
خالد:في شباب مجروحين.بس المكان يلي فيه هما محاصر نقدرش ندزلهم داكاتره.
حلا:نعدي نا وياك وعارفني يا خالي ناخد في دورات.
خالد:بس خايف عليك من المكان
حلا:هياا ي خالي نا مش خايفه.
لبست حلا عبايه وخمار وعدت هيا وخالها وحطها من لاورا عشان مايمنعوهش.وصلو للمحور.نصدمو لما شافوا بنت فالمحور.خذت عدتها وعدت طول للمصابين.واحد يده مفتوحه دارتها له طول..بس لاخر كرعيه خشات فيه طلق واجد..تنظف فالجرح وتعبت وهيا طلع فالطلق وهوا يبحت فيها لقاهاا قوية مش خايفه من الدم يحسابها وحده كبيره.رفعت الخمار طلعت بنت صغيره وجذابه في كل تفاصيلها..
حلا:ساعدني يا...
خالد: أسمه عمر
حلا:ساعدني ي عمر أرفع كراعك.
تمت ع عمر نص يوم كراع الأوله تمت كويسه بس التانيه تبي قطع. ومش باين عليه وجه الخوف.
حلا:يا خالي كراعه هذي تبي قطع ضروري تجيبوا دكتور..
(خليني نحكي علي"عمر"...عمر شاب أبيض وطول وعرض عيون سود و شعره أسود و لحيه طبعاً تجنن..ومايخفش بكل ديما من معركه للمعركه..وباته وأمه ماتو في حدث..عنده أخت متزوجه برا البلاد..وعنده خاله وحده..كبيره فالعمر
خالد:خلاص توا نكلم صاحبي دكتور يجي كان قدر.
....(خالد كلم الدكتور وجاء وشاف عمر وتعاون هوا وحلا إلى قطعوا كراعه)
.(.روحت حلا للحوش وكانت كيف المتلخبطه قالت في نفسها بالك لأني شفت دم بعدين قالت لالا.)
(لقت روحها معجبه بشهامة عمر وملامحه الصابره وتعب يلي فيه.تمت أسبوع وهيا تفكر في عمر.إلى جاء خالها.)
خالد:يا حلا الراجل يلي فالمحور ناض من كراعه وتوا كويس.خالته تبي تشكرك أنتي والدكتورنبي نشيلك بعدين لحوشه.تمام
حلا:فرحت وقالت تمام نعدي نوتي روحي
.
لبست سبيدرو وردي سوريه كحليه وسروال أسود ومحرمه ورديه لأنه هالمره تبي عمر يشوفها حلوه.. ا وركبت للسياره وصلو للحوش عمر وطلع من الحوش بكراع وحده وكان مايبش حلا تشوفه هكي.
..(خالد والدكتور يحكو مع بعضهم)
عمر يمشي قبل طاح مسكاته حلا من يده...
(جزء2)........
حلا:بسم الله
عمر:شكرا مش متعود مازلت ع كراع وحده
حلا:توا تعود أمشي بشويه.
(وكانت نظراتهم لبعضهم أعجاب.)
عمر:نشاءلله..شن أسمك ممكن.
خالد:حلا هياا تعالي أنتي وعمر الحاجةة تراجي فيكم.
عمر:الله أسم علي مسمه.
حلا نحرجت وعدت لخالها وخشوا للحاجه وسلموا عليها وعمر جو أصحابه وعدا للمحور...
حلا لما طلعت هيا و خالها لقت عمر مش قاعد أستغربت.
حلا:خالي وين عمر؟
خالد:عدا للمحور اليوم في ضرب قوي في جيهتهم...
حلا روحت للحوش زعلانه تبي تبكي تدعي لعمر بالخير.
.قبل ماترقد رن فونها مابتش ترد فالبدايه بس طول ردت ..
حلا:ألو نعم
الرقم:الو مرحبا كيف الحال
حلا:مرحبا من معايا.
أنا عمر عرفتيني؟
حلا:عمرر
عمر:عمر أها كنك ماتبينش
حلا:لا مش قصدي
عمر: نا نبيك نقولك حاجه والله خشيتي لقلبي..وحبيتك وكبدت فيك من أول نظره..وسمارك جذبني وأسلوبك يجنن..وحق ربي نحبك وكبدت فيك أنتي تميت نفكر نبيك حلالي وحق الله ي عمري ي قلبي أنا.
(حلا حطت الفون تحت المخده) تميت تنط ع سرير أأأه قلبي يحبني ينعلياااااااا وووووه ي قلبي كبدي حبي عليك كلام وااااااعر...
(وعمر يسمع فيها ويضحك)
حلا:أحمم ليش تضحك
عمر:ينعليااا منك وخلاص
(وبدت تكلم في عمر كل يوم كل شويه يطمن فيها..لمدة 7شهور.وهيا فالصلاه تدعيلا.)
عمر قاعد فالمحور مع أصحابه
بالقاسم و مؤيد نفس العمر وأصحاب من زمان..
بعد الضرب والحرب والقتل قعمزوا شويه مع بعضهم.
عمر:يا شباب نحبكم ونحب ليبيا
بالقاسم:توا كيف حسيت بينا
مؤيد:تي شن تحكو مافهمتش شي
بالقاسم:ي غبي عمر شكله كبد
عمر:مش شكلي تي كبدت
مؤيد:هههه شن دخل ليبيا ونحنا
بالقاسم:أسكت خلينا نسمعوا عمر
عمر:أدب وجمال ورقه وهدوء وأنوثه
بالقاسم:نشاالله تكون حلالك
عمر:نشاالله يااااارب ياربي تخليها من نصيبي ياارب.تعرفو يا شباب أول ماتكمل الحرب نبي نعدي نخطبها ونجوزهاا وندير أكبر فرح ليا ولهاا
مؤيد:شن أسمها وكم مواليدهاا مواصفاتها
عمر:تي تحق فيا عيل نقولك أمشي أقلب وجك.
مؤيد:😒.....
بالقاسم:نسئلك سؤال ي عمر تزعلش
عمر:قول عادي
بالقاسم:عارفتك بلا كراع
عمر:هيا يلي حولتهاا ليا
بالقاسم:شنووو قصدك
عمر:أيوه خلاص سكر الموضوع ..
عمر شك في كلام بالقاسم عدا رن عليهاا ..
للكـاااتبه ويـه العـرفي:)
بليززززز..كومنت+تصويت
