------------------
عمار: ااا
ياسر: عمار جاوب بشنو مضوجيها
عمار : شغلت الفصلية و
ياسر: كافي عمار افتهمت استأذن اني
صعدت سيارتي تجذب عليه ليش ماكالتلي واني اكول ليش ضايجه مو شغلت امتحان وصلت للبيت جانت تقرأ بلصاله ماردت اضوجها واذكرها بلقصه رحت لسمر للغرفه فتحت الباب وطبيت
سمر: ها يابة محتاج شي
ياسر: هيج سمر صارت مو وصيتج على ديلان
سمر: والله دافعت عنها بس هي كامت تبجي وانهزمت
ياسر : وليش ماكلتيلي
سمر : ديلان ماقبلت اكلك
ياسر: هيج شي متضمي عني يصير اعرف من الغريب وماعرف من بتي
سمر : اسفه بابا
ياسر: سهله سهله بس لتكوليلها اني ادري تمام.
سمر: ماشي
وطلعت رحت كعدت يم الحجيه وحجيت وياها صبو العشا وتعشينه وصعدت لكيتها تقرأ
ياسر: يله ديلان تعاي نامي هواي قريتي وراج دوام نامي من وكت
ديلان : منعسانه واصلا باجر ماداوم
ياسر : ليش متداومين
ديلان: عندي امتحان عكب باجر صعب واريد اكعد باجر اقرأ
ياسر : عكب باجر جمعه يعني امتحانج ع الاحد وعندج يومين تقرين بيهن
ديلان: بس
ياسر : بدون بس غصبآ ماعليج تداومين كومي نامي عاد
ديلان كمت ودرت ضهري عليه اجه حضني ونام بكوة نمت ماريد اداوم واشوف البنات ونفس النضرات مالتهن صار الصبح كعدت بدلت وكعدته وطلعنة وصلنه للمدرسة ونزلنه ورا عشر دقايق دك الجرس وصار الاصطفاف رفعنه العلم والنشيد الموطني وكلمة الادارة خلصت المراسيم جان تطلع المديرة من وكالت عندي موضوع مهم قبل لتنسحبون للصفوف وعندي ضيف الكل كام يصفك جان يفوت ياسر للاصطفاف😳😳😳😳😱😱😱😰😰😰😨😨
عزززا هذا شيسوي هنا واسمع البنات يتهامسن بيناتهن عليه
المديرة: طبعآ الكل يعرف الشيخ ياسر تفضل شيخ
ياسر : السلام عليكم مثل متعرفون زوجتي موجوده هنا بلمدرسة وسمعت اكو طالبات ديزعجوها بلكلام بس اريد اكوللكم الي يحجي كلمة او يتعدى على ديلان يعتبر نفسه ديتعدى عليه والكل يعرف الي يتعده على شيخ يكعد فصل زوجتي مو فصلية زوجتي هي زوجتي وام بيتي وام اطفالي
المديرة : الطالبة الي تجاوزت على ديلان خلي تطلع وتعتذر منها كدام المدرسة كلها لو تعتبر مفصولة
وطلعت البنية وكفت بنص الساحه واني طابه بهدومي جان تصيح المديرة ديلان اطلعي البنيه تريد تعتذر منج
الطالبات يدفعني يردوني اطلع وامدرسات يصيحون عليه اني مقبلت اطلع ودموعي كامت تنزل ياسر باوع عليه اشرتله براسي بمعنى لا كال شكرا ست ماكو داعي بس اتمنى مرة ثانية متقترب من ديلان وطلع واني رجلي اختضت خض خلص الاصطفاف وصعدت لصفي وكلها بلصف تباوع علية وخايفين مني اوووف شسويت ياسر فضحتني وطبت المدرسة وهم تباوع عليه وخلص الدوام ولاطالبه تحاجيني ولا مدرسه تحاجيني طلعنه بلحله شفت ياسر دينتضر صعدت ليورا
ياسر: وين كاعدة تعاي هنا كعدي
ديلان: هزيت جتفي بمعني مااجي
ياسر: تعاي لتعصبيني
ديلان: ما ما ما مااجي
ياسر : سهله اوصل للبيت واشوفج المن تعاندين تعاي سمر كعدي ليكدام لتكعدون ليورا ثنينكم عبالك السايق مالتكم نزلت سمر وكعدت بصفي والطريق كله اباوعلها بلمراية هاي شبيها كالبة وجها بدون سبب وصلنه ونزلت صعدت للغرفه بدون متحجي صعدت وراها وطبكت الباب : شبيج كالبة وجهج وتعاندين
ديلان : ليش تجي للمدرسة بدون متكلي
ياسر: جيت ارد اعتبارج وحضرتج ليش ماكلتيلي هيج يحجون عليج بلمدرسة
ديلان: هسه عجبك كبرت المشكلة
ياسر: ليش احد حاجاج شي
ديلان: لا محد حاجاني كلها تخاف مني محد يحاجيني كله من وراك
ياسر : وليحاجوج احسن دازج تروحين تدرسين لو تطكين سوالف ويا الطالبات
ديلان بصياح : مو بس الطالبات حتى المدرسات ميحاجوني انته دمرت حياتي اكرهك(محسيت الا واجاني طرررررراخ👋 )
ياسر : ديري بالج تصيحين وتعلين صوتج عليه اياج ثم اياج
ديلان ودموعي تنزل : اكرهك اكر وسد حلكي
ياسر بعصبيه : اذا سمعت هاي الكلمة منج اشك حلكج عفتها وطلعت وهي كامت تبجي طلعت للمزرعه بقيت للعصر ورجعت لاصدقائي وطلعت وياهم للصيد ماريد ارجع للبيت واشوفها مااريدها تكول اكرهك هل كلمه توجع كلبي رجعت بل١١ بليل ورا ماضليت افتر بلسيارة طبيت كلها نايمه رحت للغرفه فتحت الباب لكيتها نايمة ع الجرباية ادري بيها منايمه متكدر تنام بدوني كعدت يمها لزمت شعرها عيونها مورمه مبينه هواي باجيه نمت بصفها وحضنتها حسيت قبل صلاة الفجر تحاول تحل ايدي وتكوم حضنتها قوي حتى متكوم دك موبايلي تجاهلته طولت دكته الموبايل على الكومدي الي على الجهة النايمة بيها رفعت نفسي داجر الموبايل صارت جواي غمضت عينها بقوة ضليت صافن بوجها اول مرة اقترب هلكد منها فتحت عينها ورا ما سكتت رنة الموبايل اباوع بعيونها وهي تباوع اقتربت منها واحس بانفاسها ويا انفاسي ندكت الباب وصوت صياح وعياط كمت ع السريع وفتحت الباب ام سمر تبجي وتكول : عم...عمي ان.انطاك..عم.عمره
ياسر : شنووو
ونزلت ع السريع البيت مكلوب امي وام سمر وسمر ونسوان اخوتي كلها تبجي وتلطم نزلت وراي ديلان وهي تهدي بامي اني ضلمت الدنيا بوجهي هذا عمي شيخ عشيرتنه وجبيرنه هذا الي اعتبرة ابويه هذا الي رباني وكبرني صار الاذان اخذتهم لبيت عمي وطببتهم وصياح وعياط وهوسه نسوان وبجي ولطم طبيت للديوان لكيت الجنازة مالته ودعناه وشلنا و٣ ايام الفاتحه نتهيت راح حزام ضهري وعمامي سوو الكعدة علمود منو يستلم المشيخه وكاعدين عمامي ٢ كالو وصية المرحوم نسلم المشيخ للشيخ ياسر
ياسر: وكفت شنو شلون ميصير انتو الكبار وانتو الي تستلموا
عمي : لا ياسر احنه منريد المشيخه متعبه ويحتاجلها احد قوي وشاب يكدرلها وهاي وصية الشيخ المرحوم
ياسر: ماقبل ليش اني من دون الكل
أنت تقرأ
فصليتي ملجأي
Actionالعبرة من القصة تشاء ياعبدي واشاء فأرضى بما اشاء اعطيك ماتشاء ( رسم القدر طريقه من جديد والتقى الاحباء ) ( اراد ان يذلها فاقامت ملحمة في صدره) ( كابرت كابرت ولكن لامفر من ماكتبه الله) 😻😻😻😻😻😻😻😻😻 اقروها حلـِۈۋوھّ
