رواية أعترف مجنون في حبك رغم عقلي الكبير / الكاتبة : أوراق خريفية ، كاملة

البارت الحادي عشر

روما
وبالتحديد بالفندق
الساعه ثمان ونص

فتح مشاري عيونه بضيق وهو متآلم من نومة القنفه..تعدل وحرك رقبته عشان يخفف عنها الالم وقام واهو مكبوت ويحس حيله مهدود

دخل الغرفه..شافها نايمه وما اهتم لهاا..اتجه للحمام وخذاله شاور سريع وطلع لاف الفوطه على خصره..اخذ له جينز وبلوفر ابيض عالسريع ولبس وتعطر وترك شعره مبلل وطلع من الجناح كله لأنه يحس بضيقه كابته صدره

يارا اول ما دخل الحمام حست فيه وفتحت عيونها بس ما حبت يشوفها قاعده..قامت اهي بعد ودخلت الحمام غسلت وتيددت وفرشت اسنانها وطلعت..مالها خلق شي..لقت اول لبس شافته وخذته ولبسته..برمودا جينز وبلوزه سودا كت وعليها شخابيط بكل الالوان..مشطت شعرها عالسريع وتركته طايح بطوله على ظهرها وتعطرت بعطرها اليديد ليدي مليوووووون
وطلعت للمطبخ

سوت لها نسكافيه وصبته بكوب تتصاعد من الابخره وراحت طلعت البلكونه وبطلت الستاير تشوف المباني..والشوارع النظيفه والمنظمه والناس بأختلاف لبسهم وهيئاتهم والحدايق المنتشره حولها..والاهم تستنشق الهوا النظيف وتحاول تصفي فيه نفسها المتعكره

صج انا غلطت بالحركه اللي سويتها بس كانت نابعه من قلبي..عفويه..ما كانت قاصده اهينه فيها..بس اهو بعد غلطان أكثر مني..المفروض ما يمد ايده علي..يصارخ..يعصب..ينزفني..بس مو يعطيني طراق ويهيني جدام الناس..ما فكر بكرامتي..ولا بشعوري..ولا بأحساسي باللي سواه..ااااه بس..ما ادري منو الصح ومنو الغلط..ما ادري شسوي ما ادري..

تنهدت بصوت مسموع: اففففففففففف

وكملت شرب النسكافيه حقهاا وهي تهدي حالها



ننزل شوي للوبي الفندق ونشوف حال مشاري اللي كان طالب قهوه امريكيه وغرقان بالتفكير

هااذي الامانه اللي خلاها عمي عندي..هااذي اللي وعدت عبدالمجيد قبل عمي وابوي اني احافظ عليها واحطها بعيوني..
بس اهي استفزتني بالحركه اللي سوتها..ما كان لها داعي تروح وتخليني ادور عنها وعقلي طاير..بس همن انا غلطان اشلوون امد ايدي عليها جدام الناس لا واحنا باللي يسمونه شهر عسل..اففففف والله محتار محتااار..يارا البرئيه..اللي خذتها من بيت ابوها طفله عفويه ما تعرف بالدنيا شب وتفتحت على ايدي..يارا اللي بعز قسوتي عليها قدرت تنسى اللي سويته وتفتح لقلوبنا صفحة يديده..مع ان غيرها ما راح ترضى ان ملجتها وعرسها يمرون بهالطريقه..بس لاا..لا..انا لازم اعوضها لازم..اهي اللي حبيتها..اهي اللي همت بنظرة عيونها..اهي اللي ارد لها من الشغل ولهان عشان تلمني ويروح التعب كله..اهي اللي بهمس صوتها تهديني وتاخذني لعالم ثاني

طرت على باله فكره..طلع فونه وكتب لها مسج نابع من قلبه وارسله لهاا وانتظر ردهاا:


//انا اسف على اعذاري
عجزت ألقى عذر فيني
يليق بغلطتي في حقك ويرجع كل شي ٍكان
احبك كثر أخطائي//

ما انتظر الا ثواني وجاه الرد وخلاه يتنهد من الضيقه :


لويضيق الوقت والدنيا تشين
وشمسنا تشرق علينا من شمال
لو يطوف الوقت ايام وسنين
ماتغير حبي لك يابن الحلال
أيه أعزك..أيه أعزك مرتين
مرتن للود ومرتن للدلال
دامك الي بالقسى عليا تلين
ودايم ولافيها مجال

قام من مكانه بسرعه وركب الاصنصير وهو مرتبك وما يدري اشلون يبرر غلطته ويحس جسمه بدا يعرق من التوتر واول ما وقف جدام الجناح زادت دقات قلبه..قرر يدخل واللي فيها فيهاا

مشى لها بخطوات سريعه وثابته وين ما كانت قاعده عند البلكونه وبدون ما يتكلم ولا شي قعد عالارض واخذها بحضنه بقوووووووووه

يارا تعلقت فيه..فقدته امس..حست بالخوف وظلمة الليل بدونه..بجت من قلبهاا : اهئ اهئ اهئ اهئ اهئ اهئ اهئ اهئ اهئ اهئ اهئ اهئ

مشاري رفع ويهها عن صدره ولمعة عيونه تنطق بالحب: آسف ياعيوون مشاري..يعلها ايدي للكسـ

يارا بسرعه قطعت كلمته بأصبعها اللي حطته على شفايفه: لاااا لاا تقول عن نفسك جذي..انت يمكن تشوفني غلطت باللي سويته..بس..بس والله مشاري ما كان قصدي اهينك..سويتها بعفويه..من احساس الطفله اللي بداخلي..لاا تلومني إذا ما فهمت شنو تفكيرك..انا اللي اسفه
..ورجعت لحضنه وهي تدفن ويهها بأعماق صدره

مشاري حس بروحه ترجع له من جديد..مثل ما قال..خذاها طفله وبتم طفلته والدلوعه بعد..حضنها بحنان جارف ووزع قبلااته الحاره على شفايفها وخدودها وعيونها ورقبتها وأذونهاا: واحلى طفله بعد..وبتمين بعيوني طفلتي المدلله..وحبيبتي وعمري وروحي واللي نطرتها عشر سنين عشان اخذاها وتصير من حقي

يارا بشهقه: هئئئئئئئئ يعني انت تحبني من لما كان عمري

مشاري سبقها: سبع سنين او خمس سنين قتلج اياها من قبل..وقتها كان عمري ٢٥..وكنت لما اشوفج مع مساعد موديج البقاله احب العبج واشتريلج ونوديج انا وياه الملاهي..وكنت لما اشوفج وتطيح عيوني بعيونج اللي يآسرني لونها اغرق بداومة التفكير واقول معقوله تكبر وتصير من نصيبي..معقوله يرضون يعطونها لواحد اكبر منها بوايد..كبرت وكبر حبي لج معاي..

يارا مصدومه من اعترافاته وصارت تشوف بعيونه لمعة حب..وضحكت بعفويه وهي تطق على صدره: هههههههههه يمه منك حاط عينك علي من وانا صغيره

مشاري مات من الضحك على ردة فعلها ومسك ايدها وباسها: هههههههههههههههههه شفتي اشلووووون..

يارا ضحكت ورجعت لحضنه مره ثانيه: هههههههههه انزين ياويلك لو تسويها مره ثانيه وتمد ايدك علي ترى وربي ما اسكت عنهااا

مشاري بهدوء: إن شااء الله ما يصير شي ويفرقنا..المهم حبي قومي لبسي خل اوديج الطبيب بعدين نروح مطعم نتريق ترى حدي ميت من اليوع ومن امس عايش عالكوفي

يارا ابتسمت: حتى انا من امس ما طب بطني غير هالنسكافيه..ثواني وألبس..

قامت عنه ودخلت الغرفه وبدلت ولبست بلوزه بنيه طويله فوقها جاكيت ابيض فرنسي طويل وبوت بني فوق جينزها البرمودا ولمت شعرها البلاتيني ذيل حصان وخذت معاها قبعه بيضا قماش وحطت كحل وماسكرا وغلوس مشمشي وطلعت له بعد ما زادت عطرها اليديد ليدي مليووون
وتأكدت من نفسهاا


مشاري اول ما شافها ابتسم وشبك ايده بايدها وباس خدها السليم وطلعوا

*

*

*


أما بالمزرعه
صباح يووم الاحد
الساعه سبع ونص

قعدت ريما من نومها وهي شبعانه نوووم..ما لقت احد قايم وراحت تاخذ شاور ينعشها
..طلعت ولبست برمودا جينز وبدي ابيض علاق عالرقبه عليه كتابات بالسماوي وقميص ازرق ربط تحت الصدر وجوتي سبورت سماوي بأبيض وشعرها الاسود الطويل رفعته نصه بأهمال وخلت خصلات منه نازله على ويهها بشكل حلووو
وحطت كحل اسود وماسكرا كحليه قويه وغلوس زهري لماع وتعطرت بعطرها وخذت شنطة لابها ونزلت تحت..مرت عالمطبخ وما كان فيه احد غير الخدم اللي بدوا برحلة التنظيف..سوت لها نسكافيه عالسريع وحطته بكوب وطلعت تمشي للحديقه والبخار الحار يتصاعد من الكوب

وصلت للطاوله الدائريه اللي بوسط الحديقه وتحت السما الصافيه بهالوقت والجو المعتدل وصوت العصافير وحفيف الاشجار الهادي..قعدت وطلعت لابها وشغلته وهي تترشف من النسكافيه رشفات سريعه وعيونها ما نزلت عن الشاشه اللي من شبكت بسرعه كتبت فيها..


وزارة التربيه

وبدا قلبها يرقع..معنه ما صار لها الا يومين من خلصوا امتحاناتهم الا انها عندها امل ضعيف يكونون اعلنوا شي عن النتايج..لكن هالأمل انتهى لما طلع لها

ترقبووووا قريبا نتايج امتحانات الثانويه العامه في الكويت لعام..../.....


وأطلقت زفره عاليه: اففففففففففف

قطعها صوت ضحك من وراها: هههههههه ياساتر من الصبح تتأففين

ريما التفت باستغراب وهي تطالعه وتنزفزت لما شافت انه كان فيصل: مالك شغل فيني فااااهم..(ورجعت تطالع الاب)اففففففف

فيصل ضحك بصوت عالي وهو يسحب كرسي ويقعد معاها متجاهل نظراتها الحاده: ههههههههههههههههههههههه اشلووون مالي شغل فيج وأنتي بتصيرين زوجتي..

ريماا طالعته بنظرات حاده على جرأته ووقاحته معاها وفجت عيونها بدهشه من كلامه: خييييييييييييير..عيد اللي قلته ما سمعت
..بأمر منوو خليتني زوجتك؟!

فيصل انقهر من طريقتها بالكلام بس ابتسم لها ببرود وهو يرسل لها نظرات خبيثه ثاقبه: بأمر قلبي..يااا..قلبي..

ريما عصبت من بروده ووقفت بحده: هييييي أنت احترم نفسك معاي فاااااااااااااهم
..ليكون على بالك سكت عنك مره بسكت لك كل مره..لاااا حبيبي يكون بعلمك مو أنا اللي يخوفوني امثالك..
وشالت لابها ومشت عنه وهي معصبه وودها تكسر الارض من ثقل خطواتها

فيصل عصب منها وقام بيلفها له..لكن..كان فايز توه قاعد من النوم ويايلهم..وابتسم له بارتباك: هلاا فيووز متى قعدت؟؟

فايز ابتسم: هلا فيك..توني قعدت وأنت؟؟

فيصل ابتسم : تو قبلك بخمس دقايق..اقعد اقعد علما يصير الريوق..

فايز ابتسم وقعد مع فيصل يسولفون بمواضيع عامه وخذاهم الوقت وما حسوا الا برائد يناديهم عالريوق اللي حطوه داخل


*

*

*


رومااا
الساعه تسعه صباحا

مشاري بكامل أناقته بالجينز البيج والبلوفر الزيتي المدموج مع البني..والجوتي البني السبور..وشعره مرجعه ورا بجل ومتعطر وحده جذااب ويبتسم لهاا : يلا حبي ما خلصتي..

يارا ابتسمت وهي تلف عليه بكامل اناقتها بالتنوره الرماديه اللي توصل لتحت ركبتها بالضبط مع القميص الاحمر اللي مبين بياض بشرتهاا الاوروبيه ويزين خصرها حزام احمر برمادي عريض..وصندل احمر من كريستيان لوبوتين مع شنطه حمرا من ميو ميو..والكحل الخفيف مع الماسكرا السودا والعدسات الرماديه والبلاشر الاحمر الخفيف والحمره الحمرا الفاقعه كانت وااااااااااااااااو : اممممم ثواني حبيبي بس ثواني..

مسكت عطرها الباريسي ليدي مليوووون وتعطرت فيه لحد ما

مشاري اختنق: كح كح كح بس يبه خنقتينا

يارا طالعته و...: ههههههههههههههههههههههه سوري قلبي ما حسيت هههههههههه

مشاري سكت لما سمع ضحكتها الرنانه ومشى صوبهاا واول ما قرب منها

يارا حست فيه وبعدت عنه وهي تضحك وتصارخ بنفس الوقت..وخذت جاكيتها الابيض الطويل وسبقته: لااااااااااااااااااااااا هههههههههههههههههههه خلااص شووف خلصت يلا تعااال

مشاري مات عليها من الضحك: ههههههههههه
كل هااذا انا اخووف

يارا تخصرت: امممم

مشاري فج عيونه بدهشه: لاا والله وتفكرين بعد!!

يارا بنعومه : هههههههههههههههههههههههه

مشاري يا صوبها وهو يضحك: هههههه اقووول امشي امشي لا والله اقعدج هني طول اليوووم وشوفي منو يطلعج..

يارا ضحكت وشبكت ايده بيده وطلعوا مع بعض: هههههههههههههه


وهم بالاصنصير


مشاري يطالعها من فوق لتحت : على فكره هااذي اخر مره تلبسين فيها احمر برا اوك

يارا طالعت نفسها ببراءه: ليش مو حلووو؟؟ انا اول مره البس احمر

مشاري بهمس وهو يقرب منها حيل ويشدها من خصرها له: المشكله انه حلووووووو..ابيج تلبسينه لي بس..

يارا توردت خدودها من غزله الصريح وابتسمت ونزلت راسها وما ردت لأن الاصنصير انفتح وطلعت بسرعه وهي تحاول تسبقه بخطواتهاا المنحرجه منه..


مشاري ابتسم وعرف انها منحرجه منه وطلع من الاصنصير ومشى وراها وهمس بأذنها: امووووت باللي يستحون اناا

يارا وقفت ولفت عليه وهي مستحيه منه: هييييييي لاا تغاازل

مشاري وقف وطالعها بنظره كهربتها من فوق لتحت: وإذا قلت لا شبتسوين؟؟

يارا حبت تعانده: امممم عاتي ادق على مجيد واقوله فيه واحد ملاحقني بالفندق ويغازلني ومو راضي يفج عني

مشاري بقوه: سويهاا إذا فيج خيييييييير

يارا ضحكت من قلب: ههههههههههههههههه

مشاري ابتسم لما ضحكت ومسك ايدها وطلعوا من الفندق كله

وراحوا اول شي قعدوا بمطعم وتريقووووا وبعدين طلعوا يتمشوووون بالاسواق اللي لهم يفرون فيها عشان يارا تجهز نفسها حق العرس اللي ما صار..وكان مشاري يحاول يعوضها بهالشي..

وبمجمع كبير كله ماركات عالميه..


يارا تطالع نفنوف قصير معروض عالفاترينه وكانت الوانه دمج بين الابيض والبني والاحمر..حفر وقصته تيي عالرقبه وطوله للركبه مع صندل ابيض عالي: امممم شرايك بهااذا؟؟

مشاري رفع حاجب: رديناا

يارا ما فهمت: شنوووووو؟؟

مشاري ابتسم: مو قتلج ما تلبسين احمر الا لي..

يارا ضحكت: هههههههه خلااص باخذه والبسه لك..

مشاري ابتسم: خلاص اخذيه..

يارا ما صدقت يقولها وسحبته ودخلت المحل واشترت النفنوف وطلعت وهي مستانسه ان مشاري يحاول يراضيها بأي طريقه عن اللي صار معنه كل شي هني غالي وااايد

مشاري بابتسامه : راضيه الحين؟؟

يارا لفت عليه بحب: اكيد ههههههههههههه
(وفجآه شافت توب باللون الجويتي اللماع وكان كت وطوله لفوق الركبه وتحت الصدر بروش ألماس) وااااااااي مشووووري شوووف هاااذا أبيه أبيه..

ومشت بسرعه لكنها تفأجات بـ سحبه قويه

يارا بشهقه وراسها طق بصدره: هئئئئئئ
شفيك؟؟
مشاري طنشها: عيدي اللي قلتيه!!

يارا ببراءه: شنوو قلت شووف هااذا؟؟

مشاري بابتسامه واسعه: لأ اللي قبلها

يارا ما فهمت: شنووو ما قلت شي غيرها؟؟

مشاري ابتسم: امبلا قلتي مشوووري

يارا ضحكت: ههههههههههه وبس خبيتني عشان قلت مشووري..بابا انت حبيبي وعاتي إذا دلعتك مشاري..مشووري..مشمش..ميمي..كله واحد

مشاري طار عقله منهاا وقربها منه وهمس وهو مطنش كل الناس اللي بالمول: خلي هالكلام لا صرنا بروحناا

يارا وردت خدودها وضحكت وهي تبعد عنه وتمشي قبله: هههههههه انزين بس تعااال اشترلي هااذا؟؟

ضحك مشاري وراح وراها وكملت يارا تسوقها من محل لمحل

*

*

*