لمن حسيتو اتأخر نزلته ووقفتا جمب المحل،،فجأه يمان جاا طالع ومعاهو اتنين تانين،،قولته ليهو يمان دا شنووو😱😱؟؟!!!،،،
يمان كان شايل ليهو كديسه😭وااي ياخ عارفني بموت في الكائن دا😻😻،،،والشباب المعاهو شايلين قفه فرح عباره عن اندومي بس😹😹😿،،،ااححيي ياقلبي يااخ،،،جاا علي قال لي جبتا ليك البسه النفسك فيها😹❤قولته ليهو اسمها كديييسه😒ما بسه،،وشلتها كانت كيوووته وصعنونه شديد،،ولونها رمادي بأبيض❤وعاملين ليها فيوونكهه بالوردي😻،،،يمان قال لي الشباب طلعوا القفه العربيه،،،قولته ليهو جايب كم كيس اندومي اصلك😹👊،،قال لي50كيس😹،،،،قولته ليهو يمان وربي انت مجنون😹😹❤قال لي اي عارف😌اها عجبووك،،،قولته ليهو يعني،،رومانسيتك ومفاجأتك مابطاله😆قال لي حيوانه😒👊،،،مسكتو من يدو،،قولته ليهو ديل كسرووني عديييل،،ياخ ربنا يفرح قلبك زي مامفرح قلبي كده❤قال لي انا بفرح لمن اشووف ضحكتك وجنونك❤،،غير كده لا،،،،عاينتا لي ساعه يدو لقيتا عامله12،،،قولته ليهو يمان الصباح اصبح😹قال لي ويعني😌سهرتنا صباحي ياماما،،،اصلا مشاورينا ماخلصت😌،،،قولته ليهو تاني ماشين وين😹قال لي انتي بس باريني واسكتي،،،قولته ليهو زيت😻قال لي ننوستي وربي تاني ح اجضمك😒بلا زيت معاك😒👊،،،طلعنا العربيه،،واخدتا لي كيس اندومي،،وفتحتو وقعدتا اكل،،يمان قال لي اكليني،،قولته ليهو شيل برااك،،قال لي يامجنونه انا سايق،،قولته ليها افتح خشمك دا😒،،فتح خشمو حشرتا ليهو اكبر كميه،،،حسيتو اتخنق😹،،،بعد صعوبه قدر يبلع الاندومي،،قال لي اصبري لي بس ياكلبه،،،طلعت ليهو لسااني😝،،قال لي اها ح تسمي البسه منو،،اقصد الكدييسه،،،قولته ليهو ح اسمها لوليتا😻قال لي الله اسم حلو😹❤،،،،وصلنا حته كده رهيبه كلها شجر وزرع حاجهه موووبالغه،،،قولته ليهو نحنا وين ياكابتن،،،قال لي في حته كده هادئه،،،ح نفضل فيها ساعتين وبعدين نرجع بيتنا❤،،،قولته ليهو ز... حدر لي.. قولته ليهو طيب😁،،،مشينا قعدنا تحت الشجر،،،بعد شويهه جاا راجل كبير كده،،قال لي هاك،،اداني كيسين،،،كيس تسالي وواحد حق نبق😻❤قال لي راجلك قال انك بتحبيهم،،،قولته ليهو ديل العشق بعد الاندومي ويمان طبعا😹❤،،شلتهم منو،،وقعدتا اكل،،،ويمان مابيعرف ياكل تسالي،،ببلعو😹،،،قعدتا اضحك فيهو،،،قال لي علميني طيب😒👊،،قولته ليهو اقسم التساليه لي نصين واكل الحلو الجوه،،،قال لي كيف يعني مافهمتا😁قولته ليهو يعني كده،،،وقسمتا ليهو كل واحده،،،وهو كان مراقبني بنظراتو وابتساماتو القاتله المكسراني360حته😻👊❤رفعت راسي قولته ليهو شفتا الموضوع بسيط كيف،،،لقيتو بعاين لي ومركز معاي،،قولته ليهو يمان مالك بتعاين لي كده،،ح تحووس وربي😹،،،،،قرب مني وباسني🙈❤قولته ليهو ياحيوان نحنا في الشارع😭👊،،قعد يضحكك قال لي وربي تعترضي تاني بديك واحده😒👊،،قولته ليهو لا خلاص،،،وختيت يدي على فمي،،،قال لي شافعه😹،،،بعدها اتميشنا والجوو كاان رهيييب يااه،،،قولته ليهو يمان يلا نرجع البيت،،قال لي زهجتي؟؟قولته ليهو لا بس عندي شغل،،وغير كده امبارح طلعتا من المكتب ومارجعتا،،،قال لي مشيتي وين؟؟قولته ليهو بيتنا،،قال لي اهاا تمام،،،نرجع طيب علشان تقدري تنومي باقي الساعات دي،،مشينا ركبنا العربيه،،،والطريق كلوو يمان يسألني لسه زعلانه مني؟؟،،،ويعتذر ويبرر لحدي ماوصلنا،،،،،لقينا سهى صاحييه😵اتخلعتا طبعا،،قولته ليها المصحيك لي اسي شنو؟!قالت لي قلقتا عليك لمن مشيتي مع جارتك وماجيتي،،،وعينا وقعت على يدينا انا ويمان مشبكينهم مع بعض ،،قالت لينا اتلاقيتو وين؟؟يمان قال ليها في شارع الحب😍،،اقصد المطار😁،،،شكرا لانك قلقتي على مرتي الحلوهه،،قالت ليهو ههه لازم،،يلا تصبحوا على خير،،،يمان قال لي نسيتي بتك في العربيه،،قولته ليهو واااي،،،ح تكون سخنت،،،قعد يضحك قال لي ح تجيبا واجيب الاندوميهات واجي،،يمان طلع بره،،،وانا طلعتا فوق،،،اول ماقفلتا باب الغرفه،،نطيت في السرير وكنت بضحك بصوت عالي ياخ لمن دمعتا،،كنت مبسوووطه من يماني❤،،،جاني داخل،،،قال لي ختيت الاندومي في راس التلاجه،،وهاك امسكي لوليتك❤😒قولته ليهو ييييي عثثثل يااخي،،،قولته ليهو بس هي اكيد ح تحتاج لي حليب وانا مابحب ريحتو،،،قال لي انا بشربا ليهو بره البيت وبجي،،،قولته ليهو ياخ انت احلى يمان في العالم😻❤،،،،قال لي وانتي اطيب واحن مخلوق خلقوا الخالق ورماني فيهو😻👊،،،،قولته ليهو يمان ممكن اخد منك وعد سلاحف؟؟قال لي بالنسبهه لشنو!!قولته ليهو مانزعل من بعض،،ونراعي لي بعض في اي شي،،،ماعاوزه الخلاف الحصل بينا دا يتكرر،،،اوعدني❤،،،قال لي بوعدك،،،،قال لي الزمن اتأخر ماعاوزه تنومي؟!قولته ليهو مانعسانه،،قال لي عاوزه حاجهه تانيه،،قولته ليهو يمان👊،،،قال لي قصدي تأكلي او تشربي قهوه حاجهه زي كده ماتخشي شمال😒،،انا ولد محترم وماحلتي غير شرفي وسمعتي😌✋ضحكتا ليهو ضحكه ساافله،،،قال لي احييي انا من الضحكه الشالا كيااني ومهدده قليبي دي😻❤قولته ليهو يمااان تصبح على خير،،،رقدتا وانا ابتسامتي للضرس الاخير،،رقد بعد باس راسي،،،،قال لي يانعمهه عسااك ماتزوولي،،قولته ليهو نعمه دي منو،،انا اسمي ايناس😒،،قعد يضحككك قال لي ههه خلاص يانوووستي عسااك ماتزوولي،،عسااك بس دااايمه❤،،،،تاني يوم صحيت مبسووطه شديد،،،استحميت ولبستا احلى ماعندي،،،،وعملت الشاي والقهوه وجهزتهم،،طلعت فوق عاينت لي يمان وهو نايم،،،كتبتا ليهو رسالة صعنونه،،،وطلعتا،،،،،،
مشيت الشركه وعلى طول مكتب المدير،،،كان بعاين لي بس،،فجأه جاط فيني،،واداني انذار،،وقال لي دي اخر مره احذرك،،لانك زوله يعني ماشاء الله نادر انو نلقى زيك،،علشان كده انضبطي😊قولته ليها طيب حاااضر،،،وطلعت مشيت مكتبي،،،بعد ساعه اتصل بي يمان قال لي رسالتك حلوه،،قولته ليهو قريتا،،قال لي لا،،،قولته اتصل عليك واسمعا بصووتك،،،،يلا سمعيني،،،قولته ليهو ثم ماذا ثم يرزقك الله بسندك تميل الدنيا ولا يميل هو❤،،،سندي يماني،،،ضحك وقال لي بحبك نووستي💕،،قولته ليهو اقفل ااقفل عندي شغل،،،قال لي طيب ههه،
المساء بعد رجعتا البيت لقيت يمان في الحمام،،،قعدتا شويهه سهى جات دقت لي باب الغرفه،،،قولته ليهاا هلا،،قالت لي اهلين،،،جبتا ليك العصير مدت لي الغصير وكانت دبله يمان في اصبعا الكبير ،،قولته ليها دي مش دبله يمان؟؟!قالت لي اي،،قولته ليها وبتعمل عندك شنو؟!قالت لي قبيل بعد الفطور قعد معانا في الغرفه وكان بتونس وبلعب بيها في يدو،،طلعا وختاها على التربيزه،،،ونساها،،انا لقيتا قولته اجيبا ليهووو،،،،قولته ليها هاتيها انا بديها ليهو ،،،ادتني ليها وطلعت،،،،يمان طلع من الحمام قال لي حقتي متين جيتي،،قولته ليهو اسي بس،،،قال لي اشتقتا ليك،،وحضني❤،،قولته ليهو يمان دبلتك وين؟؟،،،عاين لي يدينو،،قال لي شكلي نسيتا في الحمام،،،قولته ليهو لامح نسيتا في غرفه ناس عمتو ناهد،،،قال لي اهااا،،،،اي صاح،،،لبستها ليهو،،وقولته ليهو بليييز تاني ماتنساها،،لانك كده ح تنساني،،،قال لي حااضر💕،،،وبعدين خليك من دا،،،انتي عارفه انا نفسي في شنو منك💕؟؟قولته ليهو بإستغراب شنو! قال لي نفسي في بيبي منك،،،،❤
يتبع.....
