لين:اليوم اول يوم الي دوام كعدت الصبح اخذت شاور وحطيت مكياج خفيف ولبست ملابسي جينز اسود وتيشيرت ابيض مرسوم عليه قلب احمر وشعري سويته كعكه ونزلت
صباحووو ياحلوين 😘😘
ام لين :ههه صباح النور كعدي تريگي
لين:لا ماما ما اريد راح اروح على دينا ونطلع اني وياها
ابو لين:انتضري اوصلج
لين:لا بابا اروح على دينا وناخذ تكسي ونروح اني وياها
ابو لين:براحتج
انتبهي على نفسج
لين:تمام باااي
طلعت اتمشى وحاطه الهتفون باذني واسمع اغنية اجنبية هادئة وصلت على بيت دينا
دك دك دك دك
دينا:اجيت
فتحت الباب هلو لولو (دلع لين)
لين:هلا كلبي شلونج امووواح
دينا:بخير يلا نطلع
لين:تمام يلا
طلعنه اني وياها اخذنه تكسي وطول الطىيق نحجي اني وياها يمكن صاحب التكسي راد يشمرنه من جامة السيارة 😂😂😂
وصلنه دخلنه محاضرات عادي بنهاية الدوام رحت اشتري مي رجعت ما لكيت دينا خابرت عليها
لج عووبه وينج شو ختفيتي
دينا:اسفه حبي بس ماما خابرتني بابا بالمستشفى وطلعت بسرعه
لين:ياا عنده العافية گلبي
دينا:الله يعافيج راح اروح باي
لين:بايات گلبي 😘
واني دامشي جنت لابسه حذاء كعب مشيت شوية عثرت بحجرة ووكعت والكعب نكسر ورجلي نجرحت
امير:كعدت الصبح رحت للدوام وشفت صديق طفولتي حسين و حبيبتي هدى ويايه طول الدوام بنهاية الدوام هدى راحت لبيتها وحسين كذلك اني ردت اطلع من الكلية وشفت ملاك شنو من بنية تجنن اوو هاي اني شدا افكر حبيبتي احلى منها واحبها وتحبني داتمشي البنية ووكعت ونجرحت رجلها ونكسر كعب حذائها رحت عليها
امير:بيج شي تاذيتي
لين:يعني داتشوف الدم برجلي واني واگعه بالگاع والكعب نكسر وتسالني بيج شي 😡😡
امير:اعصابج اخذتيني حاصل فاصل مو صوجج صوجي اني طبج طوب ابقي بالشارع
لين:ساعدني اكوم
امير:كوومي لزمت ايدها وكومتها صارت عيوني بعيونها عيونها تجنن دوختني بجمالها كلتلها شلون راح تطلعين هيج وحذائج مكسور
لين:ما اعرف
امير:انتضري شوية اكعدي هنا عالكرسي هسة اجي
لين:تمام
امير:رحت على محل احذية يم الكلية وشتريت الها حذاء وجبته الها
لين:شوية واجه الولد اللي ساعدني وجاب حذاء ويا
امير:هاج البسي
لين:اخذته ولبسته كلتله شكرا
امير:عفوا ام لسان 😁
لين:😒😒
امير:امشي اوصلج
لين:ميحتاج اني اخذ تكسي وارجع شكرا
امير: موصوجج باي
لين:بايات
امير:رجعت للبيت واني افكر پيها وجها وعيونها ما تروح من بالي صعدت على غرفتي بدلت ملابسي وتمددت عالجربايه ونمت العصر كعدت على صوت التلفون هذا اخوية احمد شعنده اليوم ما شفته اكيد دايح وي جماعته
امير:الووو ها احمد
مجهول:العفو خوية انت شنو تصير لصاحب هذا الرقم
احمد:منووو انت وين احمد اخوية
مجهول:اسف بس صاحب هذا الرقم توفه ضربته سيارة وهسة احنه بالمستشفى
احمد:شنوووو
لين:رجعت للبيت شفت هوسة وبيت عمو محمد يمنه هو عمي الوحيد وعندي عمات 2 بس دخلت جوه واشوف مرة عمي وامي يبجون اسالهم شكو محد يرد
عمتي:ابن عمج ضارب واحد بالسيارة والولد اللي ضاربة ميت وهسة هوه بالسجن وباجر يروحون ابوج وعمج على اهل الولد يشوفون شنو يسوون
لين:صخام الصخمك علي(ابن عمها)شسويت وراحت تهدئ بامها ومرت عمها
في اليوم التالي
راحو ابو لين وعمها وشيخ العشيرة على اهل الولد يتفاهمون
امير:لمن كالو اخوية مات سودة الدنية بعيني وضليت ابجي ورحنه اخذنه الجثة ودفناها ثاني يوم كالوا راح يجون عشيرة الولد اللي قتل اخويه اجوي رحنه اني وابوية والعشيرة
دخلنه كعدنه
ابو امير:ابنكم قتل ابنه واحنه ما نعوف دم ابنه يروح هيج
ابو لين:ياخويه بس الولد ماجان قاصد واخذه للمستشفى بس ما لحگ وهذا اللي صار قضاء وقدر اطلبوا المبلغ اللي تريدوا احنه جاهزين
ابو امير:دم ابني ما اخذ مكانه فلوس الدنيه بس اكو حل ثاني
ابو لين:اي گول اللي تريده احنه جاهزين
ابو امير:ناخذ فصلية منكم
ابو لين:بس الولد ما عنده خوات
ابو امير:ما عنده خوات يعني ما عنده بنات عم اني هذا اللي عندي تريدون تقبلون بكيفكم ما تقبلون نقتل ابنكم
ابو لين:انطونه يومين نفكر
ابو امير:تمام فكروا واذا قبلتوا جيبوا البنسة بعد يومين
امير:لمن گال ابوية فصلية اني تخبلت بس ما كدرت احجي اكيد راح توگع الفصلية براسي لان ماكو غيري
طلعوا واني رحت على ابوي
يابه شنو دا تكول شنو فصلية منو ياخذها وبعدين احنه بيا عصر عايشين
ابوامير:انت تاخذ الفصلية ماكو غيرك
امير:يابه اني احب هدى واريد ازوجها
ابو امير:ماكو لا هدى ولا غيرها تاخذ الفصلية
شنو يكولون الشيخ خله دم ابنه يروح
امير:ماشي يابه اذا قبلوا اخذ الفصلية بس بعدها ازوج هدى
ابو امير:هاهية شهر وروح تزوج هدى مدري منوو
لين:رجعوا بابا وعمي بس مقهورين وكالولي اني لازم اروح فصلية لان عمي ماعنده بنات
لين:انتوا شتحجون شلون اروح وكليتي وحياتي واهلي شلون اعوفها واروح
مرة عمي:اروحلج فدوة لين حبيبتي اذا ما رحتي ابني وابوج وعمج يقتلوهم تريدين تخسريهم
لين:شنووو 😱😭😭😭😭
مرة عمي:اي يقتلوهم كلهم اروحلج فددوة اقبلي
لين بحزن:ماشي موافقه 😩😩😩😭
ام لين:انتو تخبلتوا بنتي حبيبتي ما تروح ما اخسر بنتي 😭😭😭😭
مرة عمي:اذا راحت لين تكدرين تشوغيها او تسمعين اخبارهه بس اذا ما راحت راح يصير دم بين العشيرتين
لين:ماما مرة عمو صحيح حجيها اني راح اروح 😭😭😭
تصويت 🌟🌟🌟
وكومنت 😘😘
