ج2:
تفكرت العنوان ندت لبست حويج عاديين عبارة عن سروال كحل مقطع من الركبة وتيشورت كحل واصل نص فالكرش مزير وفوقهم شوميز دجين وسبادري بيضة طالعة ومدرتش المكياج اصلا انا كنجي زوينو سامبل اما المكياج مكيجينيش زوين هه قيدت العنوان فورقة وخرجت شديت طاكسي وعطيتو العنوان وعيطت للعمر قلتها ليه قاليا بلي غنلقاه كيتسناني بقا سايگ هاداك الطاكسي تا وقف حليت خلصتو ونزلت لقيت قدامي ڤيلا ههه قالك ڤيلا ورا قصااااار العباد ناااري كيداير شوية خرج عمر مشيت عندو
انا:اهلا شاڤا
عمر:بيخير اجي دخلي نعرفك علا عائلت العمراني هه ومن بعد نتفاهمو علا الخدمة
انا:واخا(ناااري انا غنتلاقا بعائلة العمراني لي ناس كتشوفهم فمواقع التواصل الاجتماعي)
دخلت وعرفني علا عائلتو لي متكون من الاب "احمد العمراني" لي هو صاحب اشهر شركات ومن اغنى المغاربة وخا كبير فالعمر ولكن باقي شاد فراسو والام"مجدة**"لي هي مرتو تاهي كبيرة فالعمر ولكن مهليا فراسها وكاينة ختهم "نور"10سنين تبناوها من الميتم زوينة بزااف اما الاخ الاكبر لي غيورت املاك باه "فهد" عندة 30 سنة عمر شي صحيفة ماخدات ليه شي صورة حيت ديما مدور بيه الحراس هو دابا مسافر لامريكا ومعارفينش ايمتا غيجي بركت معاهم عائلة متواضعة مكيهتموش للفوارق الاجتماعية ودغيا بغاوني اصلا انا محبوبة ههه بقيت كنعود ليهم علا عائلتي ومساكن بقا فيهم الحال
علي:وا دابا ندخلو للمعقول
انا:وي
علي:نور فالاخر ديال السنة الدراسية عندها عرض ديال العزف علا البيانو حيت كيعجبها وبغيناك دربيها علا شي لحن يكون زوين
انا:وباش عرفتوني قد هاد المسؤوليه
علي:عارف عندك شهادة والبارح سمعت العزف ديالك ودويت مع مديرك فالريسطو باش تخدمي عندنا بضعف التمن
انا:اممن الصراحة غنكون مكلخة لرفضت هاد العرد خصوصا من طرف عائلة بحلكم
مجدة:اوا ابنتي شقلتي الصراحة كيبان ليا نتي ونور غتفاهمو وتا انا عزيتي عليا
انا:واخا موافقة يعني عندنا دابا ربعة الشهر باش درب
نور:اه اختي عندي ربع شهر
انا:ههه اوكي نبداو من غدا-اما دبا خاصني نمشي حيت خدامة
عمر:دبرو علا وحدة بلاصتك حيت وليتي خدامة معانا
انا:ناري نتا خطار اوكيي ولكن نمشي باش نرتاح
سلمت عليهم ومشيت للدار دخلت جمعت الدار وصيبت عشايا وبركت كنتكونيكطا مع عمر ههه شكون قال انا غادا ندوي معا ولد اشهر واغنى عائلة ومن الفوق نبرك فدارهم ههه بقيت كندوي معاه تابدا كيجيني النعاس ندت تعشيت ومشيت طحت دودوة فالفراش الغد فقت الصباح لبست(الصورة)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حيت اول يوم خدمة خاصني نتفركس درت ريحة خفيفة صاافي ولبست طالون بيض فطرت وخرجت
_______________________
